ಬೆಂಗಳೂರು: ಪ್ರತಿ ಬಾರಿ ಮನೆಯಲ್ಲಿ ವರ್ತೂರ್ ಸಂತೋಷ್ ಅವರು ಜನ ನನ್ನನ್ನು ಗೆಲ್ಲಿಸ್ತಾರೆ, ವೋಟ್‌ ಹಾಕ್ತಾರೆ, ಜನರು ಮತ ಹಾಕಿದ್ದಕ್ಕೆ ನಾನು ಇಲ್ಲಿರೋದು ಎಂದು ಸಾಕಷ್ಟು ಬಾರಿ ಹೇಳಿದ್ದು ಇದೆ. ಇದೀಗ ಕಿಚ್ಚ ಸುದೀಪ್ ಅವರು ‘ವಾರದ ಕಥೆ ಕಿಚ್ಚನ ಜೊತೆ’ ಎಪಿಸೋಡ್‌ನಲ್ಲಿ ಈ ಬಗ್ಗೆ ಕ್ಲಾರಿಟಿ ಕೊಟ್ಟು (BBK SEASON 10) ವರ್ತೂರ್ ಅವರಿಗೆ ಬುದ್ಧಿಮಾತನ್ನು ಹೇಳಿದ್ದಾರೆ. ಇದಾದ ಬಳಿಕ ವರ್ತೂರ್ ಕೂಡ ತಪ್ಪು ತಿದ್ದಿಕೊಳ್ತೀನಿ ಎಂದಿದ್ದಾರೆ.
ಈ ವಾರ ಬಿಗ್ ಬಾಸ್ (BBK SEASON 10) ಟಾಸ್ಕ್‌ಗಳಲ್ಲಿ ಹಿಂದೆ ಬಿದ್ದ ವರ್ತೂರ್ ಸಂತೋಷ್ ಅವರಿಗೆ ಕಳಪೆ ಪಟ್ಟ ಸಿಕ್ಕಿದೆ. ಆಟವನ್ನು ಸೀರಿಯಸ್ ಆಗಿ ತಗೊಂಡಿಲ್ಲ ಎಂದು ಹೇಳಿದ್ದರಿಂದ ಇತರ ಸ್ಪರ್ಧಿಗಳ ವಿರುದ್ಧ ಅವರು ಅಸಮಧಾನ ಹೊರಹಾಕಿದ್ದರು. ಆದರೆ, ನಾನು ಯಾರಿಗೂ ಕ್ಲಾರಿಟಿ ಕೊಡಲ್ಲ, ಜನರಿಗೆ ಮಾತ್ರ ಕ್ಲಾರಿಟಿ ಕೊಡೋದು ಎಂದು ಹೇಳುತ್ತಿದ್ದ ವರ್ತೂರ್‌ಗೆ ಇದೀಗ ಕಿಚ್ಚ ಸುದೀಪ್ ಅವರು ಕ್ಲಾಸ್‌ ತೆಗೆದುಕೊಂಡಿದ್ದಾರೆ. ಇನ್ನು ಈ ವಾರ ಅತಿ ಹೆಚ್ಚು ವೋಟ್‌ ಪಡೆದ ಸ್ಪರ್ಧಿ ನೀವೆಲ್ಲ ಎಂದೂ ತಿಳಿಸಿದ್ದಾರೆ.
ನಿಮ್ಮ ಮತ ಅಲ್ಲ!
ಕಿಚ್ಚ ಸುದೀಪ್ ಅವರು ವರ್ತೂರ್ ಅವರಿಗೆ ಜನರಿಗೆ ಇಷ್ಟ ಆಗುವ ಹಾಗೆ ಏನು ಮಾಡಿದ್ದೀರಿ? ಎಂದು ಕೇಳಿದರು. ಆಗ ವರ್ತೂರ್ ʻʻನಾನು ಜಗಳ ಆಡಿಲ್ಲ, ಬೇರೆಯವರು ಮಾತಾಡುವಾಗ ಮಧ್ಯೆ ಮಾತಾಡಿಲ್ಲ. ಇದು ಕೆಲವರಿಗೆ ಇಷ್ಟ ಆಗಿದೆ, ಇನ್ನೂ ಕೆಲವರಿಗೆ ಇಷ್ಟ ಆಗಿಲ್ಲʼʼಎಂದರು. ಸುದೀಪ್ ಮಾತು ಮುಂದುವರಿಸಿ ʻʻನಿಮಗೆ ಹಿಂದೊಮ್ಮೆ ಹೇಳಿದ್ದೆ. ನಿಮ್ಮ ವೋಟ್‌ ಬಗ್ಗೆ . ಅದೇನಾದ್ರೂ ನಿಮ್ಮನ್ನು ದಾರಿ ತಪ್ಪಿಸ್ತಾ ಇದ್ಯಾ? ಎಂದು ಕೇಳಿದರು. ʻʻನನಗೆ ಮತ ಸಿಗತ್ತೆ ಅಂತ ನಾನು ಈ ರೀತಿ ನಡೆದುಕೊಳ್ತಿಲ್ಲ. ನಾನು ಹೊರಗಡೆ ಮಾಡಿರುವ ಕೆಲಸದಿಂದ ನಾನು ಇಲ್ಲಿ ಮತ ಪಡೆಯುತ್ತಿದ್ದೇನೆʼʼಎಂದರು ವರ್ತೂರ್.
ಇದಾದ ಬಳಿಕ ಕಿಚ್ಚ ಸುದಿಫ್‌ ಅವರು ಎಳೆಎಳೆಯಾಗಿ ವೋಟ್‌ ಬಗ್ಗೆ ಮಾಹಿತಿ ಹಂಚಿಕೊಂಡರು. ʻʻವರ್ತೂರ್ ನಿಮಗೆ ತಿಳಿದಿರಲಿ. ಈ ವಾರ ಓರ್ವ ಟಾಪ್ ಸ್ಪರ್ಧಿಗೆ 55, 66 161 ಮತ ಸಿಕ್ಕಿದೆ. ಇದು ನಿಮ್ಮ ಮತ ಅಲ್ಲ. ಕಳೆದ ವಾರ ಸ್ಪರ್ಧಿಯೋರ್ವರು 72, 83, 090 ಮತ ಪಡೆದುಕೊಂಡರು. ಇದು ನಿಮಗೆ ಸಿಕ್ಕ ಮತ ಅಲ್ಲ. ಈ ಎರಡೂ ಮತಗಳ ಮಧ್ಯೆ ತುಂಬ ವ್ಯತ್ಯಾಸ ಇದೆ. ಆದರೆ ಇವೆರಡರಲ್ಲೂ ನೀವಿಲ್ಲ. ಈ ಹಿಂದೆ ನೀವು ಅತಿ ಹೆಚ್ಚು ಮತ ಪಡೆದಿದ್ದೂ ಗೊತ್ತೇ ಇದೆ. ಆದರೆ ಈಗ ಜನರು ನಿಮ್ಮ ಆಟ ನೋಡಿ ಖುಷಿಪಡ್ತಿದ್ದಾರೆ ಎಂದು ನನಗೆ ಅನಿಸ್ತಿಲ್ಲ. ಟಾಪ್ ಮೂರರಲ್ಲಿ ಕೂಡ ಈ ವಾರ ನೀವಿಲ್ಲʼʼಎಂದರು.
ಇದನ್ನೂ ಓದಿ: BBK SEASON 10: ಯಾರಿಗೂ ಕ್ಲಾರಿಟಿ ಕೊಡಲ್ಲ ಎಂದ ವರ್ತೂರ್‌ಗೆ ಕಿಚ್ಚನ ಕ್ಲಾಸ್‌; ಹೆಚ್ಚು ವೋಟ್‌ ಯಾರಿಗೆ?
ವರ್ತೂರ್ ಈ ಮಾತು ಕೇಳಿದ ನಂತರ ʻಏನೇ ಬಂದರೂ ಅದನ್ನು ನಾನು ಸ್ವೀಕಾರ ಮಾಡ್ತೀನಿʼಎಂದರು. ಇದಾದ ಬಳಿಕ ಕಿಚ್ಚ ಸುದೀಪ್ ಅವರು ಬುದ್ಧಿ ಮಾತನ್ನು ಹೇಳಿದರು. ʻʻಇದೀಗ ಈ ವೇದಿಕೆ ಬಿಟ್ಟು ಇನ್ನೇನೋ ರಾಜಕೀಯಕ್ಕೆ ಹೋದ್ರೀ ಅಂದುಕೊಳ್ಳೋಣ. ರಾಜಕೀಯದಲ್ಲಿಯೂ ಜನರು ಇಷ್ಟಪಡ್ತಾರೆ, ಹೇಗಿದ್ರೂ ಓಕೆ ಅಂತ ಅಂದರೆ ಹೇಗಿರುತ್ತದೆ? ಮತ ಹಾಕಿಲ್ಲ ಅಂದ್ರೆ ನಾನು ಮನೆಗೆ ಹೋಗ್ತೀನಿ. ಇದು ಕೇಳಲು ಹೇಗಿರುತ್ತದೆ? ಮನುಷ್ಯ, ಮನುಷ್ಯತ್ವ ಎರಡಕ್ಕೂ ಹಠ ಇರಬೇಕು. ಹಣ ಸಂಪಾದನೆ ಮಾಡಬಹುದು ಜನರ ಪ್ರೀತಿ ಗಳಿಸಿವುದು ತುಂಬ ಕಷ್ಟʼʼಎಂದರು. ಜತೆಗೆ ಪ್ರತಾಪ್‌ ಅವರಿಗೂ ಸುದೀಪ್ ಮಾತನಾಡಿದರು. ʻʻಪ್ರತಾಪ್‌ ಹಾಗೂ ನೀವು ಯಾವಾಗಲೂ ಮನರಂಜನೆ ಕ್ಷೇತ್ರದಿಂದ ಬಂದಿಲ್ಲ ಎಂದು ಹೇಳುತ್ತಿರುತ್ತೀರಿ. ನಾವೂ ಕೂಡ ಬಿಗ್ ಬಾಸ್ ನಿರೂಪಣೆ ಮಾಡಿಕೊಂಡು ಬಂದಿಲ್ಲ. ನೀವಿಬ್ಬರೂ ಇದೇ ನಮ್ಮಿಬ್ಬರ ಆಸ್ತಿ ಎಂದು ತಿಳಿದುಕೊಂಡಿರುವುದು ತಪ್ಪುʼʼಎಂದರು.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಮೆಂಟ್ ಮೂಲಕ ತಿಳಿಸಿ