ಬೆಂಗಳೂರು: ಹುಲಿ ಉಗುರನ್ನು ಇಟ್ಟುಕೊಂಡಿದ್ದ (BBK SEASON 10) ಕಾರಣಕ್ಕೆ ಬಿಗ್ಬಾಸ್ ರಿಯಾಲಿಟಿ ಶೋದಿಂದ ವರ್ತೂರು ಸಂತೋಷ್ ಹೊರಗೆ ಹೋಗಿದ್ದರು. ನಂತರ ಮತ್ತೆ ಮನೆಯೊಳಗೆ ಸೇರಿಕೊಂಡಿದ್ದರು. ಅದಾದಮೇಲೂ ‘ನಾನು ಇಲ್ಲಿ ಇರಲಾರೆ. ಹೊರಗೆ ಹೋಗುತ್ತೇನೆ’ ಎಂದು ಅತ್ತಿದ್ದೂ ಆಗಿತ್ತು. ಯಾರ ಮಾತನ್ನೂ ಕೇಳದ ಅವರು ಕೊನೆಗೆ ಅಮ್ಮ ಬಂದು ಸಮಾಧಾನ ಮಾಡಿದ ಮೇಲೆ ಮನೆಯೊಳಗೆ ಇರಲು ಒಪ್ಪಿ ಮುಂದುವರಿದಿದ್ದರು.
ಆ ನಂತರ ಮನೆಯೊಳಗಿನ ಟಾಸ್ಕ್‌ಗಳಲ್ಲಿ ಭಾಗವಹಿಸುತ್ತ, ಮನೆಯಲ್ಲಿ ತಮ್ಮ ಅಭಿಪ್ರಾಯವನ್ನು ಗಟ್ಟಿ ಧ್ವನಿಯಲ್ಲಿ ಮಂಡಿಸುತ್ತ ಬಂದಿರುವ ವರ್ತೂರ್ ಅವರಿಗೆ ಎಸ್ಕೇಪ್‌ ಆಗುವ ಚಾಳಿ ಮಾತ್ರ ಬಿಟ್ಟಿರಲಿಲ್ಲ. ಐತಿಹಾಸಿಕ ಕ್ಷಣವನ್ನು ನಿರ್ಮಿಸಿದ ವರ್ತೂರ್ ಸಂತೋಷ್ ಕ್ಷಣಗಳ ಬಗ್ಗೆ ಸುದೀಪ್‌ ತಮಾಷೆ ಮಾಡಿದ್ದಾರೆ.
ವಾರಾಂತ್ಯದ ‘ಉತ್ತಮ’ ಮತ್ತು ‘ಕಳಪೆ’ ವೋಟಿಂಗ್‌ಗಳಲ್ಲಿ ಅತಿ ಹೆಚ್ಚು ವೋಟ್ ಪಡೆದು ವರ್ತೂರ್ ’ಕಳಪೆ’ಯ ಹಣೆಪಟ್ಟಿ ಹಚ್ಚಿಕೊಂಡಿದ್ದರು. ‘ಯಾರು ಏನೇ ಹೇಳಲಿ ನಾನು ಏನು ಎನ್ನುವುದು ನನಗೆ ಗೊತ್ತು’ ಎಂದು ಹೇಳಿ ಜೈಲುಡುಗೆ ತೊಟ್ಟು ಜೈಲಿನೊಳಗೆ ಹೋಗಿದ್ದರು. ಆದರೆ ಜೈಲಿನೊಳಗೆ ಸುಮ್ಮನೆ ಕೂತಿಲ್ಲ. ನಡುರಾತ್ರಿ ಜೈಲಿನ ಒಳಗೆ ವರ್ತೂರ್ ಮಲಗಿದ್ದರೆ, ಹೊರಗೆ ತುಕಾಲಿ ಸಂತೋಷ್ ಮಾತಾಡುತ್ತ ಕೂತಿದ್ದರು. ಆಗ ಅಲ್ಲಿಂದ ಎಸ್ಕೇಪ್‌ ಆಗುವ ಆಲೋಚನೆ ಬಂದಿದೆ. ವರ್ತೂರ್ ಸಂತೋಷ್ ‘ಜೈಲಿಗೆ ಬಂದವರಾರೂ ಈವರೆಗೆ ಆಚೆಗೆ ಬಂದಿಲ್ಲ ಅಲ್ವಾ?’ ಎಂದು ಕೇಳಿದ್ದಾರೆ. ತುಕಾಲಿ ಸಂತೋಷ್, ‘ನೀನು ಇತಿಹಾಸ ಪುಟದಲ್ಲಿ ಬರ್ಕೋಬೇಕು ಅಂದರೆ ಹೊರಗಡೆ ಬಂದು ಬಿಡು. ಆಗಿದ್ದಾಗ್ಲಿ ಈಚೆಗೆ ಬಂದ್ಬಿಡು. ಐತಿಹಾಸ ನಿರ್ಮಾಣ ಆಗೇ ಹೋಗಲಿʼʼಎಂದು ಎಂದು ಕುಮ್ಮಕ್ಕು ಕೊಟ್ಟಿದ್ದರು. ವರ್ತೂರ್ ಸಂತೋಷ್ ಜೈಲಿನ ಕಂಬಿಗಳ ನಡುವಿಂದ ನುಸುಳಿಕೊಂಡು ಆಚೆಗೆ ಬಂದಿದ್ದರು.
ಇದನ್ನೂ ಓದಿ: BBK SEASON 10: ಡಬಲ್ ವೈಲ್ಡ್‌ಕಾರ್ಡ್ ಎಂಟ್ರಿ; ಮನೆಯಲ್ಲಿ ಎಂಥ ಬಿರುಗಾಳಿ ಎಬ್ಬಿಸಬಹುದು?
ಈ ಬಗ್ಗೆ ವೀಕೆಂಡ್‌ನಲ್ಲಿ ಸುದೀಪ್‌ ಅವರ ಮುಂದೆ ಚರ್ಚೆಯಾಗಿದೆ. ತುಕಾಲಿ ಮಾತನಾಡಿ ʻʻಬಾಡಿ ತುಂಬ ನೋಯುತ್ತಿದೆ ಎಂದು ವರ್ತೂರ್ ಹೇಳಿದರುʼʼ ಎಂದರು. ಕಿಚ್ಚ ಕೂಡ ʻʻಅದಕ್ಕೆ ಕ್ಯಾಮೆರಾ ಮೆನ್‌ ಯಾರೂ ನೋಡ್ತಾ ಇಲ್ಲ. ಕ್ಯಾಮೆರಾ ಅಲ್ಲಾಡ್ತಿಲ್ಲ. ಅವರು ಕೂಡ ಬಂದು ಬಿಡ್ತಾರೆ. ಶಿಕ್ಷೆ ನಿಮಗೆ ತಮಾಷೆನಾ ಎಂದು ಕೇಳಿದ ಕೂಡಲೇ ಜೈಲಿನಲ್ಲಿ ಒಳಗಡೆ ಹೋಗಬಿಟ್ರು. ಈಗ ನಮ್ಮ ಪ್ರಶ್ನೆ ಏನು ಮಾಡೋಣ?ʼʼ ಎಂದು ಕಿಚ್ಚ ತಮಾಷೆಯಾಗಿಯೇ ಕೇಳಿದರು. ಇದಕ್ಕೆ ಸ್ನೇಹಿತ್‌ ಅವರು ʻʻಇಬ್ಬರನ್ನೂ ಜೈಲಿಗೆ ಹಾಕಬೇಕುʼಎಂದರು.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ