ಬೆಂಗಳೂರು: ಬಿಗ್ ಬಾಸ್ ಸೀಸನ್‌ 10ರಲ್ಲಿ (BBK Season 10) ಸಂಗೀತಾ ಹಾಗೂ ವಿನಯ್ ಹಾವು – ಮುಂಗುಸಿ ತರಹ ಇರುವ ವಿಚಾರ ಪ್ರೇಕ್ಷಕರಿಗೆ ಗೊತ್ತೇ ಇದೆ. ಆದರೀಗ ಇಬ್ಬರ ನಡುವೆ ಆಪ್ತತೆ ಶುರುವಾಗಿದೆ. ದೀಪಾವಳಿಗೆ ‘ನಿಮ್ಮಿಷ್ಟದ ಪಟಾಕಿಯನ್ನು ಸ್ಪರ್ಧಿಯೊಬ್ಬರಿಗೆ ನೀಡಿ, ಕಾರಣ ತಿಳಿಸಿ’ ಎಂದು ಸುದೀಪ್‌ ಹೇಳಿದರು. ಸಂಗೀತಾ ಶೃಂಗೇರಿ ಅವರು ರಾಕೆಟ್ ಪಟಾಕಿಯನ್ನು ವಿನಯ್‌ಗೆ ನೀಡಿದರು. ‘ರಾಕೆಟ್‌ನಂತೆಯೇ ನೀವು ಎತ್ತರಕ್ಕೆ ಹೋಗಿ, ನಿಮ್ಮ ಸಿನಿಮಾಗಳು ಹಿಟ್ ಆಗಲಿ, ಯಶಸ್ಸು ಸಿಗಲಿ’ ಎಂದೆಲ್ಲ ಸಂಗೀತಾ ಹಾರೈಸಿದರು. ಸುದೀಪ್‌ಗೂ ಸಂಗೀತಾ ಅವರ ಈ ನಡೆ ಅಚ್ಚರಿ ತಂದಿದೆ.
‘ಹರ ಹರ ಮಹದೇವ’ ಧಾರಾವಾಹಿ ಮೂಲಕ ವಿನಯ್ ಗೌಡ ಮತ್ತು ಸಂಗೀತಾ ಶೃಂಗೇರಿ ಒಟ್ಟಿಗೆ ತಮ್ಮ ಜರ್ನಿಯನ್ನು ಶುರು ಮಾಡಿದ್ದರು. ಆನಂತರ ಬೇರೆ ಧಾರಾವಾಹಿ, ಸಿನಿಮಾಗಳಲ್ಲಿ ಇಬ್ಬರು ಬ್ಯುಸಿಯಾದರು. ಇದೀಗ ಇವರಿಬ್ಬರು ‘ಬಿಗ್ ಬಾಸ್’ ಮನೆಯೊಳಗೆ ಎಂಟ್ರಿ ಕೊಟ್ಟಿದ್ದಾರೆ. ವಿನಯ್ ಈ ಹಿಂದೆ ಕ್ಯಾಪ್ಟನ್ಸಿ ಟಾಸ್ಕ್‌ನಲ್ಲಿ ಸಂಗೀತಾಗೆ ಸಪೋರ್ಟ್‌ ಮಾಡುವಂತೆ ಸ್ಪರ್ಧಿಗಳ ಮುಂದೆ ನಾಟಕ ಮಾಡಿದ್ದರು. ಸಂಗೀತಾ ಕ್ಯಾಪ್ಟನ್ಸಿ ಟಾಸ್ಕ್‌ನಲ್ಲಿ ಅತ್ತಾಗ ವಿನಯ್ ಅವರು ಸಮಾಧಾನ ಮಾಡಿದ್ದರು. ಕ್ಯಾಪ್ಟನ್ಸಿ ಟಾಸ್ಕ್‌ನಲ್ಲಿ ಸಂಗೀತಾ ಹೊರಗುಳಿದಾಗ ವಿನಯ್‌ಗೆ ತುಂಬ ಖುಷಿ ಆಯ್ತಂತೆ. “ನಾನು ಸುಮ್ಮನೆ ಸಂಗೀತಾರನ್ನು ಚಿಯರ್ಸ್ ಮಾಡ್ತಿದ್ದೆ, ಮನಸ್ಸಿನಲ್ಲಿ ಸೋಲಲಿ ಅಂತಿತ್ತು’ ಎಂದು ಹೇಳಿದ್ದರು.
ಇದನ್ನೂ ಓದಿ: BBK Season 10: ಕನ್ವಿನ್ಸ್ ಆಗ್ತಿಲ್ಲ ವರ್ತೂರ್ ಸಂತೋಷ್; ಮನೆಯೊಳಗೆ ‘ಭಾಗ್ಯಲಕ್ಷ್ಮೀ’ ಎಂಟ್ರಿ!
ಕಾರ್ತಿಕ್‌ಗಿಂತ ವಿನಯ್ ಬೆಸ್ಟ್‌ ಅಂತೆ!
ಗಾರ್ಡನ್‌ ಏರಿಯಾದಲ್ಲಿ ಸಂಗೀತಾ ಅವರು ಕಾರ್ತಿಕ್‌ ಅವರಿಗೆ ಟಾಸ್ಕ್ ವಿಚಾರಕ್ಕೆ, ಸರಿಯಾಗಿ ಮಾತನಾಡಿಸಿಲ್ಲ, ಎಂದು ಕ್ಯಾತೆ ತೆಗೆದಿದ್ದರು. ಇದಾದ ಬಳಿಕ ಕಾರ್ತಿಕ್‌ ತಮ್ಮ ಕೈಯಲ್ಲಿದ್ದ ಬಜ್ಜಿಯನ್ನು ಸಂಗೀತಾ ಅವರ ಮೇಲೆ ಎಸೆದು ಹೋಗಿದ್ದರು. ಅಲ್ಲಿಂದ ಮತ್ತೆ ಇವರಿಬ್ಬರ ಮಧ್ಯೆ ಜಗಳ ಮುಂದುವರಿಯುತ್ತಲೇ ಹೋಯ್ತು. ಸಣ್ಣ ಸಣ್ಣ ವಿಚಾರಕ್ಕೂ ಸಂಗೀತಾ ಅವರು ಕಾರ್ತಿಕ್‌ಗೆ ಪ್ರಶ್ನೆ ಇಟ್ಟಾಗ ಕಾರ್ತಿಕ್‌ ತಮ್ಮ ತಾಳ್ಮೆಯನ್ನು ಕಳೆದುಕೊಳ್ಳುತ್ತಿದ್ದರು. ಆಗ ಕಾರ್ತಿಕ್‌ಗಿಂತ ವಿನಯ್ ಬೆಸ್ಟ್‌ ಎಂದು ಸಂಗೀತಾ ಹೇಳಿದ್ದರು.
ಈ ಗ್ಯಾಪ್‌ನಲ್ಲಿ ಸಂಗೀತಾ ಅವರ ಚೆಂದವಾಗಿ ಸೀರೆಯುಟ್ಟು ರೆಡಿಯಾದಾಗ ವಿನಯ್ ಅವರು ಸಂಗೀತಾ ಅವರನ್ನು ಹೊಗಳಿದ್ದಾರೆ. ವಿನಯ್ ಅವರ ಈ ಹೊಗಳಿಕೆ ಮಾತು ಕೇಳಿ ನಮ್ರತಾ ಕೂಡ ಬಾಯಿ ಮೇಲೆ ಬೆರಳು ಇಟ್ಟಿದ್ದರು. ಇದೀಗ ಏಕಾ ಏಕಿ ಸಂಗೀತಾ ಅವರು ವಿನಯ್ ಅವರಿಗೆ ಒಳ್ಳೆಯದಾಗಲಿ ಎಂದು ಬಯಸಿದ್ದಾರೆ. ಇದು ಕಿಚ್ಚ ಸುದೀಪ್‌ ಅವರಿಗೂ ಆಶ್ಚರ್ಯ ತಂದಿದೆ.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ