ಫಿನಾಲೆ ಸಮೀಪಿಸುತ್ತಿದ್ದಂತೆಯೇ ʻಬಿಗ್ಬಾಸ್ʼ (BBK SEASON 10) ಮನೆಯೊಳಗಿನ ಸಂಬಂಧಗಳ ಬಣ್ಣಗಳೆಲ್ಲ ಮಾಸುತ್ತಿವೆ. ಗೆಲುವಿನ ಗುರಿಯೊಂದೇ ಎಲ್ಲರ ಕಣ್ಣಮುಂದೆ ಹೊಳೆಯುತ್ತಿದೆ. ಇನ್ನು ಕೆಲವೇ ದಿನಗಳಲ್ಲಿ ಸ್ಪರ್ಧೆಯ ಫಿನಾಲೆ ನಡೆಯಲಿದೆ. ಈ ಬಾರಿಯ ಟಾಸ್ಕ್‌ನಲ್ಲಿ ಗೆದ್ದು ವಾರದ ಕೊನೆಯಲ್ಲಿ ಅತಿ ಹೆಚ್ಚು ಅಂಕಗಳನ್ನು ಗಳಿಸುವ ಸ್ಪರ್ಧಿ ಫಿನಾಲೆ ವಾರಕ್ಕೆ ನೇರವಾಗಿ ಟಿಕೆಟ್ ಪಡೆಯುತ್ತಾರೆ ಎಂದು ಬಿಗ್ಬಾಸ್ ತಿಳಿಸಿದ್ದಾರೆ.ಮೂಲಗಳ ಪ್ರಕಾರ ಈ ಟಿಕೆಟ್ ಸಂಗೀತಾ ಕೈ ಸೇರಿದೆ ಎನ್ನಲಾಗಿದೆ. ಇದರ ಜತೆಗೆ ಸಂಗೀತಾ ಅವರು ಟ್ರೋಲ್‌ಗೆ ಗುರಿಯಾಗಿದ್ದಾರೆ.
ಈ ವಾರ ಸಂಗೀತಾ ಅವರು ಕ್ಯಾಪ್ಟನ್ ಆಗಿದ್ದು ಗೊತ್ತೇ ಇದೆ. ಪ್ರತಿ ಬಾರಿ ಸಂಗೀತಾ ಅವರು ಬಿಗ್‌ ಬಾಸ್‌ ಕೊಟ್ಟ ರೂಲ್ಸ್‌ಗಳನ್ನು ಓದುವುದಿಲ್ಲ. ಅದಕ್ಕೆ ಕಾರಣ ಸಂಗೀತಾ ಅವರಿಗೆ ಕನ್ನಡ ಓದಲು ಬರುವುದಿಲ್ಲವಂತೆ.
ಇದನ್ನೂ ಓದಿ: BBK SEASON 10: ಟಿಕೆಟ್ ಪ್ರತಾಪ್‌ ಕೈಗೆ ಸೇರಿಲ್ಲ; ಸಂಗೀತಾಗೆ ʻಡಬಲ್‌ʼ ಧಮಾಕಾ!
ಸಂಗೀತಾ ಅವರ ತಂದೆ ಏರ್‌ಫೋರ್ಸ್‌ನಲ್ಲಿ ಇದ್ದಿದ್ದರು. ಮಿಲಿಟರಿ ಬ್ಯಾಗ್ರೌಂಡ್‌ನಲ್ಲಿ ವಿದ್ಯಾಭ್ಯಾಸ ಮಾಡಿದ್ದಾರೆ. ಸಂಗೀತಾ ಕುಟುಂಬ ಹೊರ ರಾಜ್ಯಗಳಲ್ಲಿ ಇದ್ದಿದ್ದೇ ಹೆಚ್ಚು. ಹೀಗಾಗಿ ಅವರಿಗೆ ಕನ್ನಡ ಅಷ್ಟಾಗಿ ಬರುವುದಿಲ್ಲವಂತೆ.
ನಾನು ಓದಿದ್ದು ಕೇಂದ್ರಿಯ ವಿದ್ಯಾಲಯದಲ್ಲಿ. ಕನ್ನಡ ಸಬ್ಜೆಕ್ಟ್‌ ಇರಲಿಲ್ಲ ಎಂದು ಸಂಗೀತಾ ಹಲವು ಸಂದರ್ಶನಗಳಲ್ಲಿ ಹೇಳಿಕೊಂಡಿದ್ದರು.
