ಬೆಂಗಳೂರು: ಬಿಗ್ ಬಾಸ್ ಸೀಸನ್‌ 10ರ (BBK SEASON 10) ಫಿನಾಲೆ ಇನ್ನು 18ದಿನ ಬಾಕಿ ಇದೆ. ಹೀಗಿರುವಾಗ ಸ್ಪರ್ಧಿಗಳ ಮಧ್ಯೆ ಪೈಪೋಟಿ ಹೆಚ್ಚಾಗಿದೆ. ಅಲ್ಲಲ್ಲಿ ಗಂಪುಗಳು ಎದ್ದಿವೆ. ಕಾರ್ತಿಕ್-ಸಂಗೀತಾ ನಡುವೆ ಫ್ರೆಂಡ್ಶಿಪ್ ಕಟ್‌ ಆಗಿರುವುದು ಗೊತ್ತೇ ಇದೆ. ಅವರಿಬ್ಬರ ಸ್ನೇಹ ಸರಿ ಹೋಗುವ ಲಕ್ಷಣ ಕಾಣುತ್ತಿಲ್ಲ. ಈಗಾಗಲೇ ಮನೆಯಲ್ಲಿ ʻಟಿಕೆಟ್‌ ಟು ಫಿನಾಲೆ ಟಾಸ್ಕ್‌ʼ ಭರ್ಜರಿಯಿಂದ ಸಾಗುತ್ತಿದೆ. ಪ್ರತಿ ಬಾರಿ ಕಾರ್ತಿಕ್ ಅವರಿಗೆ ಆಡುವುದಕ್ಕೆ ಚಾನ್ಸ್‌ ಸಿಗದೇ ಒದ್ದಾಡುತ್ತಿದ್ದಾರೆ. ಇದೀಗ ಮತ್ತೆ ಸಂಗೀತಾ ಅವರು ಕಾರ್ತಿಕ್ ಅವರನ್ನು ಆಟದಿಂದ ಹೊರಕ್ಕೆ ಇಟ್ಟಿದ್ದಾರೆ. ಇದರಿಂದ ಕೋಪಗೊಂಡ ಕಾರ್ತಿಕ್ ಅವರು ಸಂಗೀತಾ ಮೇಲೆ ಕೂಗಿದ್ದಾರೆ.
ಜಿಯೋ ಸಿನಿಮಾ ಹೊಸ ಪ್ರೋಮೊ ಹಂಚಿಕೊಂಡಿದೆ. ಸಂಗೀತಾ ಶೃಂಗೇರಿ (Sangeetha Sringeri) ಅವರಿಗೆ ಆಟದಿಂದ ಒಬ್ಬರನ್ನು ಹೊರಗೆ ಇಡುವ ಅವಕಾಶ ಸಿಕ್ಕಿತು. ಈ ವೇಳೆ ಅವರು ಕಾರ್ತಿಕ್ನ ಹೊರಗೆ ಇಟ್ಟರು. ಇದರಿಂದ ಕಾರ್ತಿಕ್ ʻಥೂʼ ಎಂದೆಲ್ಲ ಬೈದಿದ್ದಾರೆ. ಮೊದಲಿಗೆ ಈ ಬಗ್ಗೆ ವಿನಯ್‌ ಬಳಿ ಸಂಗೀತಾ ಚರ್ಚೆ ಮಾಡುತ್ತಿದ್ದರು. ʻಬಿಗ್ ಬಾಸ್ ಒಂದು ವೇಳೆ ಅಡ್ವಂಟೇಜ್‌ ಕೊಟ್ರೆ ಕಾರ್ತಿಕ್ ಅವರನ್ನೇ ನಾನು ಆಟದಿಂದ ಹೊರಗೆ ಇಡುತ್ತೇನೆʼ ಎಂದು ವಿನಯ್‌ ಬಳಿ ಹೇಳಿದರು. ʻನನಗೂ ಕೂಡ ಕಾರ್ತಿಕ್ ಆಟ ಆಡುವುದು ಇಷ್ಟವಿಲ್ಲʼ ಎಂದು ಆಟ ನಡೆಯುತ್ತಿರುವಾಗ ಕೂಡ ಹೇಳಿದರು.
ʻʻವುಮನ್‌ ಕಾರ್ಡ್‌ ಪ್ಲೇ ಮಾಡುತ್ತಿದ್ದಾರೆ. ನನಗೆ ಯಾರೂ ಏನೂ ಹೇಳುವ ಅವಶ್ಯಕತೆ ಇಲ್ಲʼʼಎಂದು ಸಂಗೀತಾಗೆ ಕಾರ್ತಿಕ್ ಕೂಗಿದ್ದಾರೆ. ಸಂಗೀತಾ ಕೂಡ ಕಾರ್ತಿಕ್ ಅವರಿಗೆ ʻʻನಿಮ್ಮ ಕ್ಯಾರೆಕ್ಟರ್‌ ಶೋ ಆಗುತ್ತಿದೆʼʼಎಂದು ಹೇಳಿದ್ದಾರೆ. ಕಾರ್ತಿಕ್ ಕೂಡ ಗರಂ ಆಗಿ ʻʻನನ್ನ ಕ್ಯಾರೆಕ್ಟರ್‌ ಬಗ್ಗೆ ಮಾತನಾಡುವ ಅರ್ಹತೆ, ಯೋಗ್ಯತೆ ಏನೂ ಇಲ್ಲ ನಿನಗೆʼʼಎಂದು ಅಬ್ಬರಿಸಿದ್ದಾರೆ. ಕಾರ್ತಿಕ್ ಹಾಗೂ ಸಂಗೀತಾ ಮಧ್ಯೆ ಮೊದಲು ಒಳ್ಳೆಯ ಫ್ರೆಂಡ್ಶಿಪ್ ಇತ್ತು. ಈಗ ಅದು ಹಾಳಾಗಿದೆ.
ಇದನ್ನೂ ಓದಿ: BBK SEASON 10: ಕಾರ್ತಿಕ್‌ಗೆ ಚಾನ್ಸ್‌ ಕೊಟ್ಟ ತನಿಷಾ; ʻಬೆಂಕಿʼ ನಿರ್ಧಾರಕ್ಕೆ ಮನಸೋತ ಫ್ಯಾನ್ಸ್‌!
ಇನ್ನು ಕಳೆದ ಸಂಚಿಕೆಯಲ್ಲಿ ಕೂಡ ತುಕಾಲಿ ಜತೆ ಕಾರ್ತಿಕ್ ಅವರು ಬೇಸರ ಹೊರ ಹಾಕಿದ್ದರು. ʻʻತನಿಷಾ ಅವರು ವರ್ತೂರ್‌ ಬದಲು ನನ್ನನ್ನು ಹಾಕಬೇಕಿತ್ತು. ಏನೂ ಆಡದೇ ಏನೂ ಮಾಡದೇ ಫೈನಲ್‌ಗೆ ಪ್ರತಾಪ್‌ ಹೋಗೋದು. ಸಂಗೀತಾ ಕೂಡ ಅವನಿಗೆ ಸಪೋರ್ಟ್‌ ಮಾಡುತ್ತಾರೆʼʼಎಂದು ಹೇಳಿಕೊಂಡಿದ್ದಾರೆ.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಮೆಂಟ್ ಮೂಲಕ ತಿಳಿಸಿ