ಬೆಂಗಳೂರು: ಸಂಜಯ್ ಲೀಲಾ ಬನ್ಸಾಲಿ (SLB) ಅವರ ನಿರ್ದೇಶನದ ದೇವದಾಸ್‌ ಚಿತ್ರಕ್ಕೆ 20 ವರ್ಷಗಳು (20 Years Of Devdas) ತುಂಬಿದೆ. ಚಿತ್ರದ ಕಥೆ, ತಾರಾ ವರ್ಗ ಮತ್ತು ಫಿಲ್ಮ್‌ ಮೇಕಿಂಗ್‌ನಿಂದ ಈ ಸಿನಿಮಾ ಸಿನಿಪ್ರಿಯರನ್ನು ಮೆಚ್ಚಿಸಿತ್ತು. ಈ ಚಿತ್ರದಲ್ಲಿ ಶಾರುಖ್‌ ಖಾನ್‌, ಮಾಧುರಿ ದೀಕ್ಷಿತ್‌ ಮತ್ತು ಐಶ್ವರ್ಯಾ ರೈ ಒಟ್ಟಿಗೆ ತೆರೆ ಮೇಲೆ ಕಾಣಿಸಿಕೊಂಡಿದ್ದರು. ಈ ಕುರಿತು ನಿರ್ದೇಶಕ SLB ಸಾಕಷ್ಟು ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.
ಕಣ್ಣಿನಿಂದಲೇ ಸಿನಿಪ್ರಿಯರನ್ನು ರಂಜಿಸಿದ ವಿಶ್ವಸುಂದರಿ
ಈ ಸಿನಿಮಾದ ʻಧೋಲಾ ರೇ ಧೋಲಾʼ ಹಾಡು ಸಿನಿರಸಿಕರ ಮನ ಗೆದ್ದಿತ್ತು. ಐಶ್ವರ್ಯಾ ರೈ ಅವರು ಕಣ್ಣುಗಳಿಂದಲೇ ನಟನೆ ಮಾಡುತ್ತಿದ್ದರು ಎಂದು ನಿರ್ದೇಶಕ SLB ಹೇಳುತ್ತಾರೆ. ಐಶ್ವರ್ಯಾ ರೈ ನಟಿಸುವಾಗ ಯಾವುದೇ ಸಂಭಾಷಣೆಯಿಲ್ಲದೆ ಭಾವನೆಗಳನ್ನು ಬಹಳ ಪರಿಣಾಮಕಾರಿಯಾಗಿ ಕಣ್ಣಿನಲ್ಲಿಯೇ ವ್ಯಕ್ತಪಡಿಸುತ್ತಿದ್ದರು ಎಂದು ಹೇಳುತ್ತಾರೆ.
ಇದನ್ನೂ ಓದಿ | Yashoda Film | ಸಮಂತಾ ನಟನೆಯ ಯಶೋದ ಸಿನಿಮಾದ ಚಿತ್ರೀಕರಣ ಮುಕ್ತಾಯ
ಶೀರ್ಷಿಕೆ ಕಿರಿಕ್‌
ಸಂಜಯ್ ಲೀಲಾ ಬನ್ಸಾಲಿ ಅವರು ಚಿತ್ರದ ಶೀರ್ಷಿಕೆಯನ್ನು ನಿರ್ಮಾಪಕ ಕೆ ಚೋಪ್ರಾ ಅವರ ಹೆಸರಿನಲ್ಲಿ ನೋಂದಾಯಿಸಿದ್ದರು. ಆದರೆ ಅವರು ಆ ಹೆಸರನ್ನು ಇಡಲು ಒಪ್ಪಿರಲಿಲ್ಲ. ನಂತರ ಸಂಜಯ್ ಲೀಲಾ ಬನ್ಸಾಲಿ ಇದೇ ಶೀರ್ಷಿಕೆಗಾಗಿ ವರ್ಷಗಳೇ ಕಾದಿದ್ದರು. ಮತ್ತು ಅಂತಿಮವಾಗಿ ಅದನ್ನು ದೊಡ್ಡ ಮೊತ್ತದೊಂದಿಗೆ ತಮ್ಮ ಹೆಸರಿನಲ್ಲಿ ನೋಂದಾಯಿಸಿದರು.
ಒಂದು ವಾರ ತೆಗೆದುಕೊಂಡ ಧೋಲಾ ರೇ ಧೋಲಾ ಚಿತ್ರೀಕರಣ
ಮೊದಲ ಬಾರಿಗೆ, ಐಶ್ವರ್ಯ ರೈ ಹಾಗೂ ಮಾಧುರಿ ದೀಕ್ಷಿತ್‌ ಬೆಳ್ಳಿಪರದೆಯ ಮೇಲೆ ಒಟ್ಟಿಗೆ ನೃತ್ಯ ಮಾಡಿದ್ದರು. ಇಬ್ಬರೂ ಘಟಾನುಘಟಿ ನಟಿಯರಾದ ಕಾರಣ ಈ ಸಂದರ್ಭದಲ್ಲಿ SLB ಅವರನ್ನು ಸಾಕಷ್ಟು ಆತಂಕಕ್ಕೆ ಒಳಪಡಿಸಿತ್ತು. ದೊಡ್ಡ ಪರದೆಯ ಮೇಲೆ ಇಬ್ಬರೂ ನಟಿಯರು ಬರುವುದರಿಂದ ನಿರ್ದೇಶಕರಿಗೆ ಚಿತ್ರೀಕರಣ ಮಾಡುವುದು ದೊಡ್ಡ ಟಾಸ್ಕ್‌ ಆಗಿತ್ತು. ಪರಿಪೂರ್ಣವಾಗಿ ಜನರನ್ನು ರಂಜಿಸಲೇಬೇಕೆಂಬ ಪಣ ತೊಟ್ಟು ಹಾಡನ್ನು ಚಿತ್ರೀಕರಿಸಲು ಒಂದು ವಾರ ತೆಗೆದುಕೊಂಡರು.
ವಸ್ತ್ರವಿನ್ಯಾಸದಿಂದ ಸೆಳೆದಿದ್ದರು ನಟಿ
ದೇವದಾಸ್‌ ಸಿನಿಮಾದಲ್ಲಿ ಹೆಚ್ಚಾಗಿ ವಸ್ತ್ರವಿನ್ಯಾಸಕ್ಕೆ ಜನರು ಮನ ಸೋತಿದ್ದರು. ಲೆಹೆಂಗಾಗಳು ಮತ್ತು ಆಭರಣಗಳು ದೇವದಾಸ್‌ ಸಿನಿಮಾದ ಆಕರ್ಷಣೆಯಾಗಿತ್ತು. ಆದರೆ ಶೂಟಿಂಗ್‌ ಸಮಯದಲ್ಲಿ ಒಮ್ಮೆ ಕಿವಿಯೋಲೆಗಳು ತುಂಬಾ ಭಾರವಾಗಿದ್ದ ಕಾರಣ ಐಶ್ವರ್ಯಾ ಅವರ ಕಿವಿಯಲ್ಲಿ ರಕ್ತಸ್ರಾವ ಶುರುವಾಗಿತ್ತು. ಆದರೂ ಕೂಡ ತನ್ನ ನೋವನ್ನು ತಿಳಿಸದೆ ಡ್ಯಾನ್ಸ್‌ ಸೀಕ್ವೆನ್ಸ್‌ ಐಶ್ವರ್ಯಾ ರೈ ಮುಗಿಸಿದ್ದರು ಎಂದು ಹೇಳುತ್ತಾರೆ SLB.
ಭಾರಿ ಉಡುಗೆಯೊಂದಿಗೆ ಮಿಂಚಿದ್ದರು ಮಾಧುರಿ ದೀಕ್ಷಿತ್‌
‘ಕಹೆ ಛೇಡ್ ಮೋಹೆ’ ಹಾಡಿನ ಸಮಯದಲ್ಲಿ ಮಾಧುರಿ ಧರಿಸಿದ್ದ ಡಿಸೈನರ್ ಉಡುಗೆ 30 ಕೆಜಿ ತೂಕವಿತ್ತು. ಸಂಪೂರ್ಣ ವೃತ್ತಿಪರರಾಗಿರುವ ಮಾಧುರಿ ದೀಕ್ಷಿತ್‌ ಚಿತ್ರೀಕರಣವನ್ನು ಪೂರ್ಣಗೊಳಿಸಿದ್ದು ಮಾತ್ರವಲ್ಲದೆ ನೃತ್ಯದಲ್ಲಿ ಸುಲಭವಾಗಿ ಮತ್ತು ತುಂಬಾ ಸೊಗಸಾಗಿ ಕಾಣುತ್ತಿದ್ದರು ಎಂದು ಹಂಚಿಕೊಳ್ಳುತ್ತಾರೆ SLB.
ಇದನ್ನೂ ಓದಿ | Mahesh Babu| ಮಹೇಶ್‌ ಬಾಬು-ತ್ರಿವಿಕ್ರಮ ಕಾಂಬಿನೇಷನ್‌ನಲ್ಲಿ ಬರುತ್ತಿದೆ ಹೊಸ ಸಿನಿಮಾ