ಬಾಲಿವುಡ್ ನಟ ಅಕ್ಷಯ್ಕುಮಾರ್ (Akshay Kumar) ಅವರ ಬಹುನಿರೀಕ್ಷಿತ ಸಿನಿಮಾ OMG 2 (ಒಎಂಜಿ -2)ಯ ಟೀಸರ್ ಇಂದು (OMG 2 Teaser) ಬಿಡುಗಡೆಯಾಗಿದೆ. ಇತ್ತೀಚೆಗೆ ಅಂದರೆ ಜುಲೈ 9ರಂದು OMG 2ದ ಮೋಶನ್ ಪೋಸ್ಟರ್ ರಿಲೀಸ್ ಆಗಿತ್ತು. ನಟ ಸಲ್ಮಾನ್ ಖಾನ್ ಅವರು ತಮ್ಮ ಟ್ವಿಟರ್ನಲ್ಲಿ ಮೋಶನ್ ಪೋಸ್ಟರ್ ಶೇರ್ ಮಾಡಿಕೊಂಡು, ಟೀಸರ್ ಜುಲೈ 11ಕ್ಕೆ ರಿಲೀಸ್ ಆಗಲಿದೆ. ಹಾಗೇ, ಸಿನಿಮಾ ಆಗಸ್ಟ್ 11ರಂದು ಬಿಡುಗಡೆಯಾಗಲಿದೆ ಎಂದು ತಿಳಿಸಿದ್ದರು. ಅಂತೆಯೇ ಇಂದು 1 ನಿಮಿಷ 26ಸೆಕೆಂಡ್ಗಳ ಟೀಸರ್ನ್ನು ತಮ್ಮ ಟ್ವಿಟರ್ನಲ್ಲಿ ಶೇರ್ ಮಾಡಿಕೊಂಡಿರುವ ಅಕ್ಷಯ್ ಕುಮಾರ್ ಅವರು, ಸಿನಿಮಾ ಆಗಸ್ಟ್ 11ಕ್ಕೆ ಥಿಯೇಟರ್ಗಳಲ್ಲಿ ತೆರೆ ಕಾಣಲಿದೆ ಎಂದು ಹೇಳಿದ್ದಾರೆ.
2012ರಲ್ಲಿ OMG: Oh My God ಸಿನಿಮಾ ಬಿಡುಗಡೆಯಾಗಿತ್ತು. ಅದರಲ್ಲಿ ಅಕ್ಷಯ್ಕುಮಾರ್ ಅವರು ಕೃಷ್ಣನ ಪಾತ್ರ ನಿರ್ವಹಿಸಿದ್ದರು. ಅದರ ಮುಂದುವರಿದ ಭಾಗವಾದ ಈ OMG 2ದಲ್ಲಿ ಅಕ್ಷಯ್ ಕುಮಾರ್ ಶಿವನ ರೂಪದಲ್ಲಿ ತೆರೆಮೇಲೆ ಬಂದಿದ್ದಾರೆ. OMG ಯಂತೆಯೇ OMG 2 ಕೂಡ ಒಂದು ಹಾಸ್ಯಭರಿತ ಸಿನಿಮಾವೇ ಆಗಿದೆ ಎಂದು ಹೇಳಲಾಗಿದೆ. ಇಲ್ಲಿ ಶಿವ (ಅಕ್ಷಯ್ಕುಮಾರ್) ಭೂಮಿ ಮೇಲೆ ಮನುಷ್ಯರ ಮಧ್ಯೆ ಮನುಷ್ಯನಂತೆ ಇರುವಂತೆ ಚಿತ್ರಿಸಲಾಗಿದೆ. ಕೃಷ್ಣನಾಗಿದ್ದ ‘ಖಿಲಾಡಿ’ ಇದೀಗ ಶಿವನಾಗಿದ್ದಾರೆ. OMG 2 ಸಿನಿಮಾದಲ್ಲಿ ಅಕ್ಷಯ್ ಕುಮಾರ್ ಜತೆ ಪಂಕಜ್ ತ್ರಿಪಾಠಿ, ಯಾಮಿ ಗೌತಮ್ ಕೂಡ ಮುಖ್ಯ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಸಿನಿಮಾದಲ್ಲಿ ಯಾಮಿ ಗೌತಮ್ ವಕೀಲೆ ಎಂದು ಹೇಳಲಾಗಿದೆ.
रख विश्वास 🙏#OMG2Teaser out now. #OMG2 in theatres on August 11. pic.twitter.com/huoKuAIKw9
— Akshay Kumar (@akshaykumar) July 11, 2023
ಅಕ್ಷಯ್ ಕುಮಾರ್ ಅವರ OMG 2 ಸಿನಿಮಾ ಮೋಶನ್ ಪೋಸ್ಟರ್ ಬಿಡುಗಡೆಯಾಗಿ, ಅವರು ಶಿವನ ಪಾತ್ರ ನಿಭಾಯಿಸುತ್ತಿದ್ದಾರೆ ಎಂಬುದು ರಿವೀಲ್ ಆಗುತ್ತಿದ್ದಂತೆ ಇಂಟರ್ನೆಟ್ನಲ್ಲಿ ಮತ್ತೆ ವಿವಾದ ಶುರುವಾಗಿದೆ. ಇದೊಂದು ವಿಡಂಬನಾತ್ಮಕ ಸಿನಿಮಾ ಆಗಿದ್ದು, ಹಲವರು ಅಕ್ಷಯ್ ವಿರುದ್ಧ ತಿರುಗಿಬಿದ್ದಿದ್ದಾರೆ. ಹೀಗೆ ಧಾರ್ಮಿಕ ಭಾವನೆಯನ್ನು ನೋಯಿಸುವಂತ ಸಿನಿಮಾ ಯಾಕೆ ಮಾಡುತ್ತೀರಿ ಎಂದೂ ಹಲವರು ಪ್ರಶ್ನಿಸಿದ್ದಾರೆ. ಇನ್ನೊಂದೆಡೆ ಅಕ್ಷಯ್ ಕುಮಾರ್ ಅಭಿಮಾನಿಗಳು ಭರ್ಜರಿ ಖುಷಿ ವ್ಯಕ್ತಪಡಿಸಿದ್ದಾರೆ. ಅದರಲ್ಲೂ ಇಂದು ಟೀಸರ್ ಬಿಡುಗಡೆಯಾಗುತ್ತಿದ್ದಂತೆ blockbuster ಹ್ಯಾಷ್ಟ್ಯಾಗ್ ಕೂಡ ಟ್ರೆಂಡ್ ಆಗುತ್ತಿದೆ. ಅಕ್ಷಯ್ ಕುಮಾರ್ ಅವರ ಈ ಸಿನಿಮಾ ಖಂಡಿತ್ ಬ್ಲಾಕ್ ಬಾಸ್ಟರ್ ಆಗುತ್ತದೆ. ಹಿಟ್ ಆಗುತ್ತದೆ ಎಂದು ಟ್ವೀಟ್ ಮಾಡುತ್ತಿದ್ದಾರೆ.
ಇದನ್ನೂ ಓದಿ: OMG ಸಿನಿಮಾ ಮಾಡುವಾಗ ನಟ ಅಕ್ಷಯ್ ಕುಮಾರ್ ನಾನ್ವೆಜ್ ತ್ಯಜಿಸಿದ್ದರಂತೆ; ಕಾರಣ ಅವರ ಅಮ್ಮ!