ಬೆಂಗಳೂರು: ನಟ ಶಿವರಾಜ್‌ಕುಮಾರ್‌ ಅಭಿನಯದ ‘ಇಂದ್ರ ಧನುಷ್‌’ ಚಿತ್ರದ ಮೂಲಕ ನಟಿ ಮೋನಲ್ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದರು. ಮೋನಲ್ (Monal) ಅವರು ಬಹುಭಾಷಾ ನಟಿ ಸಿಮ್ರಾನ್ (Actress Simran) ಅವರ ಸಹೋದರಿ. ಇದೀಗ ಮೋನಲ್ ಅವರನ್ನು ನೆನೆದು ನಟಿ ಸಿಮ್ರಾನ್ ಭಾವುಕರಾಗಿದ್ದಾರೆ. ಮೋನಲ್ ಆತ್ಮಹತ್ಯೆ ಮಾಡಿಕೊಂಡಿದ್ದರು. ಸಹೋದರಿಯನ್ನು ನೆನೆದು ನಟಿ ಸಿಮ್ರಾನ್ ಭಾವುಕವಾಗಿ ಟ್ವೀಟ್ ಮಾಡಿದ್ದಾರೆ.
ಸಿಮ್ರಾನ್ ಟ್ವೀಟ್
ಟ್ವೀಟ್‌ನಲ್ಲಿ ನಟಿ ಸಿಮ್ರಾನ್ ಸಹೋದರಿ ಜತೆಗಿನ ಫೋಟೊ ಹಂಚಿಕೊಂಡು “ನನ್ನ ಪ್ರೀತಿಯ ಸಹೋದರಿಯ ಪುಣ್ಯಸ್ಮರಣೆ. ನಿನ್ನನ್ನು ಎಂದಿಗೂ ಮರೆಯುವುದಿಲ್ಲ” ಎಂದು ಬರೆದುಕೊಂಡಿದ್ದಾರೆ. ನಟಿ ಸಿಮ್ರಾನ್ ಕನ್ನಡದ ‘ಸಿಂಹದ ಮರಿ’ ಚಿತ್ರದಲ್ಲೂ ನಟಿಸಿದ್ದರು. ತೆಲುಗು, ತಮಿಳಿನಲ್ಲಿ ಸ್ಟಾರ್ ನಟಿಯಾಗಿ ಮಿಂಚಿದ್ದರು.
ಪ್ರೀತಿಯ ವಿಚಾರಕ್ಕೆ ಆತ್ಮಹತ್ಯೆ ಮಾಡಿಕೊಂಡ್ರಾ ಮೋನಲ್?
ಸಹೋದರಿ ಮೋನಲ್ ತಮಿಳಿನ ಪ್ರಸನ್ನ ಸುಜಿತ್ ಎಂಬ ಕೊರಿಯೋಗ್ರಾಫರ್‌ ಜತೆ ಪ್ರೀತಿಯಲ್ಲಿ ಬಿದ್ದಿದ್ದರು. ಆತ ಮೋಸ ಮಾಡಿದ ಎಂದು ಮೋನಲ್ ಆತ್ಮಹತ್ಯೆ ಮಾಡಿಕೊಂಡಿದ್ದಾಗಿ ವರದಿಯಾಗಿತ್ತು. ಮೋನಲ್ ಆತ್ಮಹತ್ಯೆ ಬಗ್ಗೆ ನಿಜವಾದ ಕಾರಣ ಇದುವರೆಗೆ ತಿಳಿದಿಲ್ಲ. 2002, ಏಪ್ರಿಲ್ 14ರಂದು ಚೆನ್ನೈನ ತಮ್ಮ ಫ್ಲಾಟ್‌ನಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಮೋನಲ್ ದೇಹ ಪತ್ತೆ ಆಗಿತ್ತು.
ಇದನ್ನೂ ಓದಿ: Actor Prithiveeraj | 24 ವರ್ಷದ ಜಿಮ್‌ ಟ್ರೈನರ್‌ ಪ್ರೀತಿಯ ಬಲೆಯಲ್ಲಿ 56 ವರ್ಷದ ನಟ ಪೃಥ್ವಿರಾಜ್‌!
ಮೋನಲ್ ʻಬದ್ರಿʼ, ʻಲವ್ಲಿʼ, ʻಸಮುದಿರಂʼ, ʻಇಷ್ಟಂʼ, ʻಮಾ ತುಜೇ ಸಲಾಂʼ, ʻಚಾರ್ಲಿ ಚಾಪ್ಲಿನ್ʼ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನಟಿಸಿದ್ದರು. ಕೇವಲ 21 ವರ್ಷ ವಯಸ್ಸಿನಲ್ಲೇ ಆಕೆ ಆತ್ಮಹತ್ಯೆ ಮಾಡಿಕೊಂಡಿದ್ದರು.
ಸಿಮ್ರಾನ್ ಅವರು ಬ್ರೇಕ್‌ ಬಳಿಕ ʻರಾಕೆಟ್ರಿ: ದಿ ನಂಬಿ ಎಫೆಕ್ಟ್ʼ ಸಿನಿಮಾ ಮೂಲಕ ಮತ್ತೆ ಬಣ್ಣ ಹಚ್ಚಿದ್ದರು. ಸದ್ಯ ಅವರ ಕೈಯಲ್ಲಿ ʻವಿಕ್ರಮ್‌ನ ಧ್ರುವ ನಚ್ಚತಿರಂʼ, ʻಆರ್ಯನ ಕ್ಯಾಪ್ಟನ್ʼ, ಮತ್ತು ʻಅರವಿಂದ್ ಸ್ವಾಮಿಯವರ ವನಂಗಮುಡಿʼ ಸೇರಿದಂತೆ ಹಲವಾರು ಚಲನಚಿತ್ರಗಳಿವೆ.