ಬೆಂಗಳೂರು: ಧನುಷ್ ಅವರ ಮುಂಬರುವ ಚಿತ್ರ, ‘ಕ್ಯಾಪ್ಟನ್ ಮಿಲ್ಲರ್’ (Captain Miller), ಜನವರಿ 12 ರಂದು ಅದ್ಧೂರಿಯಾಗಿ ಬಿಡುಗಡೆಯಾಗುತ್ತಿದೆ. ಜನವರಿ 3ರಂದು ಚೆನ್ನೈನ ನೆಹರು ಕ್ರೀಡಾಂಗಣದಲ್ಲಿ ಚಿತ್ರದ ಪ್ರಿ-ರಿಲೀಸ್ ಇವೆಂಟ್ ನಡೆಯಿತು. ಈ ಸಂದರ್ಭದಲ್ಲಿ ಆ್ಯಂಕರ್ ಐಶ್ವರ್ಯಾ ರಘುಪತಿ ಅವರು ವ್ಯಕ್ತಿಯೊಬ್ಬನಿಂದ ಕಿರುಕುಳಕ್ಕೆ ಒಳಗಾಗಿದ್ದಾರೆ. ಆ ವ್ಯಕ್ತಿಯನ್ನು ನಟಿ ಥಳಿಸುತ್ತಿರುವ ವಿಡಿಯೊ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಜನವರಿ 3 ರಂದು ಚೆನ್ನೈನ ನೆಹರು ಕ್ರೀಡಾಂಗಣದಲ್ಲಿ ನಡೆದ ಪ್ರಿ-ರಿಲೀಸ್ ಸಮಾರಂಭದಲ್ಲಿ ಧನುಷ್ ಮತ್ತು ‘ಕ್ಯಾಪ್ಟನ್ ಮಿಲ್ಲರ್’ ಸಿನಿಮಾದ ಇಡೀ ತಂಡ ಭಾಗವಹಿಸಿತ್ತು. ಚಿತ್ರತಂಡದ ಜತೆಗೆ, ಧನುಷ್ ಅಭಿಮಾನಿಗಳು ಚಿತ್ರದ ಪ್ರಚಾರಕ್ಕಾಗಿ ಮತ್ತು ಧನುಷ್‌ಗೆ ಹುರಿದುಂಬಿಸಲು ಹೆಚ್ಚಿನ ಸಂಖ್ಯೆಯಲ್ಲಿ ಜಮಾಯಿಸಿದರು. ಇದರ ಜತೆಗೆ ವಿಡಿಯೊವೊಂದು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗಿದೆ. ಆ್ಯಂಕರ್ ಐಶ್ವರ್ಯಾ ರಘುಪತಿ ಎಂಬುವರು ಜನಸಮೂಹದಲ್ಲಿ ವ್ಯಕ್ತಿಯೊಬ್ಬರಿಂದ ಕಿರುಕುಳಕ್ಕೆ ಒಳಗಾಗಿದ್ದಾರೆ. ಅಷ್ಟೇ ಅಲ್ಲದೇ ಆ ವ್ಯಕ್ತಿಯನ್ನು ಹಿಡಿದು ಚೆನ್ನಾಗಿ ಥಳಿಸಿ, ಕಾಲಿಗೆ ಬೀಳುವಂತೆ ಕ್ಲಾಸ್‌ ತೆಗೆದುಕೊಂಡಿದ್ದಾರೆ. ಈ ವೇಳೆ ಅಲ್ಲಿ ನೆರದಿದ್ದ ಜನರು ಕೂಡ ಐಶ್ವರ್ಯಾ ಅವರ ಸಹಾಯಕ್ಕೆ ನಿಂತಿದ್ದಾರೆ. ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ಈ ಘಟನೆಯ ಬಗ್ಗೆ ಐಶ್ವರ್ಯಾ ರಘುಪತಿ ಅವರು ಇನ್‌ಸ್ಟಾದಲ್ಲಿ ಬರೆದುಕೊಂಡಿದ್ದಾರೆ. ʻʻಇಂತಹ ಜನಸಮೂಹದಲ್ಲಿ ಒಬ್ಬ ವ್ಯಕ್ತಿ ನನಗೆ ಕಿರುಕುಳ ನೀಡಿದ. ತಕ್ಷಣ ನನ್ನ ಗಮನಕ್ಕೆ ಬಂದು ಆತನನ್ನು ಹಿಂಬಾಲಿಸಿದೆ. ಆದರೆ ಅವನು ಓಡಿ ಹೋಗಲು ಪ್ರಯತ್ನಿಸುತ್ತಲೇ ಇದ್ದ. ಆತ ನನಗೆ ಎಲ್ಲೆಲ್ಲೋ ಸ್ಪರ್ಶಿಸಲು ನೋಡಿದ. ಬಳಿಕ ಅವನನ್ನು ನಾನು ಹಿಡಿದೆ. ನನ್ನ ಸುತ್ತಲೂ ಒಳ್ಳೆಯ ಜನರೂ ಇದ್ದರು. ಆದರೆ ಈ ರೀತಿಯ ಕೆಲವು ರಾಕ್ಷಸರ ವರ್ತನೆಗೆ ನಾನು ತುಂಬಾ ಹೆದರುತ್ತೇನೆʼʼಎಂದು ಬರೆದುಕೊಂಡಿದ್ದಾರೆ.
ಇದೀಗ ವಿಡಿಯೊ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರು ಕಮೆಂಟ್‌ ಮಾಡುತ್ತಿದ್ದಾರೆ. ʻʻಕ್ಯಾಪ್ಟನ್‌ಮಿಲ್ಲರ್ ತಂಡ, ದೊಡ್ಡ ವೇದಿಕೆಗಳಲ್ಲಿ ಕಾರ್ಯಕ್ರಮವನ್ನು ಆಯೋಜಿಸುವ ಮೊದಲು.. ದಯವಿಟ್ಟು ಅಭಿಮಾನಿಗಳ ಪಾಸ್‌ಗಳನ್ನು ಖಚಿತಪಡಿಸಿಕೊಳ್ಳಿ. ನೀವು ಕಡಿಮೆ ಅಭಿಮಾನಿಗಳನ್ನು ಹೊಂದಿದ್ದರೆ, ಇಣತಹ ಸಮಸ್ಯೆಯೇ ಬರುವುದಿಲ್ಲ. ಉಚಿತ ಪಾಸ್‌ಗಳನ್ನು ನೀಡುವುದು ಈ ರೀತಿಯ ಕೆಟ್ಟ ಸಂಗತಿಗಳಿಗೆ ಕಾರಣವಾಗುತ್ತದೆʼʼಎಂದು ಕಮೆಂಟ್‌ ಮಾಡಿದ್ದಾರೆ.
ಈ ಸಿನಿಮಾ ಬಿಡುಗಡೆ ದಿನದಂದೇ ಮಹೇಶ್‌ ಬಾಬು ಅವರ ʻಗುಂಟೂರು ಖಾರಂʼ ಹಾಗೂ ಪ್ರಶಾಂತ್ ವರ್ಮಾ ಅವರ ʻಹನುಮಾನ್ʼ ಸಿನಿಮಾ ಬಿಡುಗಡೆಯಾಗಲಿದೆ.ಚಿತ್ರದಲ್ಲಿ ಧನುಷ್ ದ್ವಿಪಾತ್ರದಲ್ಲಿ ನಟಿಸುತ್ತಿದ್ದಾರೆ ಎಂಬ ಮಾತು ಕೇಳಿಬರುತ್ತಿದೆ. ಅವರು ತಂದೆ ಮತ್ತು ಮಗನಾಗಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ವರದಿಯಾಗಿದೆ. ಇದರಲ್ಲಿ ಶಿವರಾಜ್‌ ಕುಮಾರ್, ಪ್ರಿಯಾಂಕಾ ಮೋಹನ್, ನಿವೇದಿತಾ ಸತೀಶ್, ಜಾನ್ ಕೊಕ್ಕೆನ್ ಮತ್ತು ಮೂರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಕ್ಯಾಪ್ಟನ್ ಮಿಲ್ಲರ್ʼ ಚಿತ್ರದಲ್ಲಿ ಧನುಷ್ ಒಟ್ಟು ಮೂರು ಲುಕ್‌ಗಳಲ್ಲಿ ಕಾಣಿಸಿಕೊಂಡಿದ್ದಾರೆ ಎಂದು ಅರುಣ್ ಬಹಿರಂಗಪಡಿಸಿದ್ದರು. “ಚಿತ್ರದಲ್ಲಿ ಧನುಷ್ ಮೂರು ಗೆಟಪ್‌ಗಳನ್ನು ಹೊಂದಿರುತ್ತಾರೆ. ಉಳಿದವುಗಳನ್ನು ಮುಂದಿನ ಪ್ರಚಾರದ ಸಮಯದಲ್ಲಿ ಬಿಡುಗಡೆ ಮಾಡಲಾಗುತ್ತದೆ.
ಇದನ್ನೂ ಓದಿ: Captain Miller: ಎರಡು ಚಾಪ್ಟರ್‌ಗಳಲ್ಲಿ ಬರಲಿದೆ ಕ್ಯಾಪ್ಟನ್ ಮಿಲ್ಲರ್? ಪ್ರಮುಖ ಪಾತ್ರದಲ್ಲಿ ಶಿವಣ್ಣ!
Dear #Captainmiller team,
— X-Tweep (@relatablebru_) January 3, 2024
Before organizing event in big stages.. please ensure fan passes..
If you have less fans, don't conduct AL in big stages.
Giving free passes will lead to this kind of shit things…
Good that girl shouted out 👏 pic.twitter.com/FrGgjVdgQK
ಶಿವ ರಾಜ್‌ಕುಮಾರ್ ಅವರ ಭಾಗಗಳನ್ನು ಸಹ ಶೂಟಿಂಗ್‌ ಮುಗಿಸಿದ್ದೇವೆʼ ಎಂದಿದ್ದರು. ಚಿತ್ರದಲ್ಲಿ ನಟ ಧನುಷ್ (Actor Dhanush ) ಜತೆ ಶಿವಣ್ಣ ಸ್ಕ್ರೀನ್ ಶೇರ್ ಮಾಡಲಿದ್ದಾರೆ. ಧನುಷ್ ಅಣ್ಣನ ಪಾತ್ರದಲ್ಲಿ ಶಿವಣ್ಣ ಕಾಣಿಸಿಕೊಳ್ಳಲಿದ್ದಾರೆ.ಸತ್ಯಜ್ಯೋತಿ ಫಿಲಂಸ್ ಬ್ಯಾನರ್ ಅಡಿಯಲ್ಲಿ ಸೆಂಧಿಲ್ ತ್ಯಾಗರಾಜ್ ಮತ್ತು ಅರ್ಜುನ್ ತ್ಯಾಗರಾಜನ್ ಸಿನಿಮಾವನ್ನು ನಿರ್ಮಿಸಿದ್ದಾರೆ.