ಬೆಂಗಳೂರು: ಬಾಲಿವುಡ್‌ ನಟ ಅಕ್ಷಯ್ ಕುಮಾರ್ (Akshay Kumar) ತಮ್ಮ ಮುಂಬರುವ ಸಿನಿಮಾ ಕುರಿತು ಬಾಯ್ಬಿಟ್ಟಿದ್ದಾರೆ. ರೆಡ್ ಸಿ ಇಂಟರ್ ನ್ಯಾಷನಲ್ ಫಿಲ್ಮ್ ಫೆಸ್ಟಿವಲ್‌ನಲ್ಲಿ ಭಾಗಿ ಆಗಿರುವ ಅವರು, ತಮ್ಮದೊಂದು ಹೊಸ ಸಿನಿಮಾ ಬರುತ್ತಿದ್ದು, ಅದು ಲೈಂಗಿಕ ಶಿಕ್ಷಣ ಕುರಿತಾದ ಚಿತ್ರವಾಗಿದೆ ಎಂದು ಹೇಳಿದ್ದಾರೆ.
ಮುಂದಿನ ವರ್ಷದ ಆರಂಭದಲ್ಲಿ ʻದಿ ಎಂಡ್‌ʼ ವೆಬ್ ಸೀರೀಸ್‌ ಚಿತ್ರೀಕರಣವನ್ನು ಪ್ರಾರಂಭಿಸುವುದಾಗಿಯೂ ಅವರು ಹೇಳಿಕೆ ನೀಡಿದ್ದಾರೆ. ಇದರ ಜತೆ ಲೈಂಗಿಕ ಶಿಕ್ಷಣ ಕುರಿತಾದ ಚಿತ್ರವನ್ನು ಮಾಡುವುದಾಗಿ ಹೇಳಿಕೊಂಡಿದ್ದಾರೆ. ಅಕ್ಷಯ್ ತಮ್ಮ ವೆಬ್ ಸೀರೀಸ್‌ ಬಗ್ಗೆ ಸಂದರ್ಶನದಲ್ಲಿ ವಿವರಗಳನ್ನು ಹಂಚಿಕೊಂಡರು. ʻʻಈ ವೆಬ್ ಸೀರೀಸ್‌ ವೈಜ್ಞಾನಿಕ ಕಾಲ್ಪನಿಕ ವಿಷಯಗಳ ಮೇಲೆ ಹೆಚ್ಚಿನ ಫಿಕ್ಷನ್‌ ಹೊಂದಿದೆ ಎಂದಷ್ಟೆ ನಾನು ಸದ್ಯ ಹೇಳಬಲ್ಲೆ” ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ | Akshay Kumar | ಆಫೀಸ್‌ನಲ್ಲಿ ಆರತಿ ಎತ್ತಿ ಪೂಜೆ ಮಾಡಿದ ನಟ ಅಕ್ಷಯ್ ಕುಮಾರ್: ವಿಡಿಯೊ ವೈರಲ್‌!
ಲೈಂಗಿಕ ಶಿಕ್ಷಣ ಚಲನಚಿತ್ರದ ಕುರಿತು ಮಾತನಾಡಿ “ನಾನು ಸಾಮಾಜಿಕ ಚಲನಚಿತ್ರಗಳನ್ನು ಮಾಡಲು ಇಷ್ಟಪಡುತ್ತೇನೆ. ಅದು ವಿಶೇಷವಾಗಿ ನನ್ನ ದೇಶದಲ್ಲಿ. ಇಂತಹ ಸಿನಿಮಾಗಳು ವ್ಯಕ್ತಿಯ ಜೀವನದಲ್ಲಿ ಬದಲಾವಣೆಯನ್ನು ತರುತ್ತದೆ. ನಾನು ಆ ವಿಷಯಗಳನ್ನು ಎತ್ತಿಕೊಂಡು ನಾನು ಚಲನಚಿತ್ರವನ್ನು ಮಾಡುತ್ತೇನೆ. ಆದರೆ ನಾನು ಅದನ್ನು ಕಮರ್ಷಿಯಲ್‌ ರೀತಿಯಲ್ಲಿ ಮಾಡುತ್ತೇನೆ. ನಾನು ಮಾಡುವ ಚಿತ್ರದಲ್ಲಿ ಹಾಡುಗಳಿವೆ, ಹಾಸ್ಯವಿದೆ, ನಾಟಕವಿದೆ, ಟ್ರ್ಯಾಜಿಡಿ ಇದೆ. ಹಾಗಾಗಿ ನಾನು ನೈಜ ಕಥೆಗಳನ್ನು ತೆಗೆದುಕೊಂಡು ಅದನ್ನು ಅಳವಡಿಸಿಕೊಳ್ಳುತ್ತೇನೆʼʼ ಎಂದು ಅಕ್ಷಯ್ ಹೇಳಿಕೊಂಡಿದ್ದಾರೆ.
ಅಕ್ಷಯ್ ಕುಮಾರ್ ತಮ್ಮ ಮುಂಬರುವ ಚಿತ್ರ ʻಸೆಲ್ಫಿʼಯ ಚಿತ್ರೀಕರಣವನ್ನು ಮುಗಿಸಿದ್ದಾರೆ. ಇದು 2019ರ ಮಲಯಾಳಂ ಚಿತ್ರ ʻಡ್ರೈವಿಂಗ್ ಲೈಸೆನ್ಸ್‌ನʼ ರೀಮೇಕ್ ಆಗಿದೆ. ತಮಿಳಿನ ಹಿಟ್ ಸಿನಿಮಾ ʻಸೂರರೈ ಪೊಟ್ರುʼ ಚಿತ್ರದ ಹಿಂದಿ ರೀಮೇಕ್ ಆಗಿರುವ ʻಸ್ಟಾರ್ಟಪ್ʼನಲ್ಲಿಯೂ ನಟಿಸುತ್ತಿದ್ದಾರೆ.
ಪ್ಯಾಡ್ ಮ್ಯಾನ್ ಸೇರಿದಂತೆ ಅನೇಕ ಸಿನಿಮಾಗಳ ಮೂಲಕ ಸಾಮಾಜಿಕ ಸಂದೇಶವನ್ನು ನೀಡುತ್ತಲೇ ಬಂದಿದ್ದಾರೆ ಅಕ್ಷಯ್ ಕುಮಾರ್. ಇದೇ ಮೊದಲ ಬಾರಿಗೆ ಅವರು ಲೈಂಗಿಕ ಶಿಕ್ಷಣದ ಕುರಿತಾಗಿ ಯೋಚಿಸಿದ್ದಾರೆ.
ಇದನ್ನೂ ಓದಿ | Akshay Kumar | ಬೇಗ ಬೆಳೆಯುತ್ತಿದ್ದೀಯಾ ಮಗಳೆ ಎಂದ ಅಕ್ಷಯ್ ಕುಮಾರ್: ಮಗಳ ಜನುಮದಿನಕ್ಕೆ ಸ್ಪೆಷಲ್‌ ವಿಡಿಯೊ!