ನಾವು ಎಷ್ಟೇ ಆಧುನಿಕತೆಯನ್ನು ಒಪ್ಪಿಕೊಂಡರೂ ಹಿಂದಿನ ಕಾಲದ ಸಂಸ್ಕೃತಿ, ಸಂಭ್ರಮದ ಸೊಬಗಿಗೆ ಸರಿ ಸಾಟಿಯಾಗುವುದು ಯಾವುದೂ ಇಲ್ಲ. ಇದೀಗ ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಅವರ ಮದುವೆಯಲ್ಲಿ (Anant Radhika Wedding) ಎಲ್ಲರ ಗಮನ ಸೆಳೆದಿರುವ ಬಾಲಿವುಡ್ ನಟಿ (bollywood actress) ಅಲಿಯಾ ಭಟ್ (Alia Bhatt) ಧರಿಸಿದ್ದು 160 ವರ್ಷಗಳ ಹಿಂದಿನ ಸೀರೆಯನ್ನು.
ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಅವರ ಮದುವೆಯಲ್ಲಿ ಬಹುತೇಕ ಎಲ್ಲರೂ ಆಧುನಿಕ ಲೆಹೆಂಗಾವನ್ನು ಧರಿಸಿ ಮಿಂಚಿದ್ದರೆ ಆಲಿಯಾ ಇತಿಹಾಸಕ್ಕೆ ಹಿಂತಿರುಗಿದರು. ಸುಮಾರು 160 ವರ್ಷ ವಯಸ್ಸಿನ ನೇಯ್ದ ಆಶಾವಲಿ ಸೀರೆಯನ್ನು ಅವರು ಧರಿಸಿದ್ದು ಸಂಪೂರ್ಣವಾಗಿ ಎಥ್ನಿಕ್ ಲುಕ್ ಮಿಂಚಿದ್ದರು. ಕಾರ್ಯಕ್ರಮದಲ್ಲಿ ಆಲಿಯಾ ಭಟ್ ತಮ್ಮ ನಟ ಪತಿ ರಣಬೀರ್ ಕಪೂರ್ ಅವರೊಂದಿಗೆ ಹೆಜ್ಜೆ ಹಾಕಿದರು. ಈ ಸೀರೆಯನ್ನು ಗುಜರಾತ್ ನಲ್ಲಿ ತಯಾರಿಸಲಾಗುತ್ತದೆ. ಸಂಕೀರ್ಣವಾದ ಬಟ್ಟೆಯಲ್ಲಿ ಶುದ್ಧ ರೇಷ್ಮೆ ಮತ್ತು ಝರಿಯನ್ನು ಬಳಸಿ ಮಾಡುವ ಇದು ಆರ್ಕೈವಲ್ ಸೀರೆಯಾಗಿದೆ.
ಆಲಿಯಾ ಭಟ್ ಧರಿಸಿದ್ದ ಸೀರೆಯಲ್ಲಿ ಆರು ಗ್ರಾಂನ ಶುದ್ಧ ಚಿನ್ನವನ್ನು ಬಳಸಲಾಗಿದೆ. ಸ್ಟ್ರಾಪ್‌ಲೆಸ್ ಬ್ಲೌಸ್‌ನೊಂದಿಗೆ ಜೋಡಿಸಲಾದ ಇದು ರಾಣಿ ಗುಲಾಬಿ ಬಣ್ಣವನ್ನು ಹೊಂದಿದೆ. ಭಾರೀ ಆಭರಣ ಮತ್ತು ನಯವಾದ ಕೇಶವಿನ್ಯಾಸದಿಂದ ಈ ಸೀರೆಯಲ್ಲಿ ಅಲಿಯಾ ಕಂಗೊಳಿಸಿದ್ದರು. ಶುದ್ಧ ರೇಷ್ಮೆ ಮತ್ತು ಶೇ. 99ರಷ್ಟು ಶುದ್ಧ ಬೆಳ್ಳಿಯಿಂದ ಮಾಡಿದ ಝರಿ ಬಾರ್ಡರ್ ಅನ್ನು ಇದು ಹೊಂದಿತ್ತು. ವಜ್ರದ ನೆಕ್ಲೇಸ್ ಗೆ ಸೂಕ್ತವಾದ ಕಿವಿಯೋಲೆಗಳು ಮತ್ತು ಮಾಂಗ್ ಟಿಕಾ ಸೇರಿದಂತೆ ಹಲವು ಆಭರಣಗಳನ್ನು ಧರಿಸಿದ್ದ ನಟಿ ಇದರ ಬೆಲೆಯ ಬಗ್ಗೆ ಯಾವುದೇ ಸ್ಪಷ್ಟ ಸೂಚನೆಗಳಿಲ್ಲ.
ಆಶಾವಲಿ ಸೀರೆ
ಆಶಾವಲಿ ಸೀರೆ ಮತ್ತು ದುಪಟ್ಟಾಗಳು ಅಹಮದಾಬಾದ್‌ನಿಂದ ಹುಟ್ಟಿಕೊಂಡ ಸಾಂಪ್ರದಾಯಿಕ ನೇಯ್ಗೆ ಶೈಲಿಯಾಗಿದೆ. 16 ನೇ ಶತಮಾನದಷ್ಟು ಹಿಂದಿನ ಕಾಲದ ಈ ಸೀರೆ ಬಹುಶಃ ಗುಜರಾತಿ ನೇಕಾರರ ವಲಸೆಯ ಮೂಲಕ ಬನಾರಸ್‌ನ ಬ್ರೊಕೇಡ್ ನೇಯ್ಗೆಯ ಮೇಲೆ ಪ್ರಭಾವ ಬೀರಿರಬಹುದು ಎನ್ನಲಾಗಿದೆ. ಆ ಕಾಲದಲ್ಲಿ ಆಶಾವಲಿ ಜವಳಿಗಳು ರಾಜಮನೆತನದ ಮತ್ತು ಶ್ರೀಮಂತರಿಂದ ಒಲವು ಹೊಂದಿದ್ದವು. ಇದನ್ನು ಜಾಮಗಳು, ಪಟ್ಕಾಗಳು, ಒಂಟೆ ಮತ್ತು ಆನೆಗಳಂತಹ ಪ್ರಾಣಿಗಳ ಮೇಲೆ ಮೇಲಾವರಣ ಮತ್ತು ಅಲಂಕಾರಿಕ ಉದ್ದೇಶಗಳಿಗಾಗಿ ಬಳಸಲಾಗುತ್ತಿತ್ತು. ಕೆಲವರು ಆಶಾವಲಿ ನೇಯ್ಗೆಯನ್ನು ಬನಾರಸ್ ಜವಳಿಗಳಿಗೆ ಪೂರ್ವಭಾವಿಯಾಗಿ ಪರಿಗಣಿಸುತ್ತಾರೆ.
ಆಶಾವಲಿ ಜವಳಿಗಳ ವಿಶಿಷ್ಟ ಲಕ್ಷಣಗಳು ಗಡಿ ಮತ್ತು ಪಲ್ಲುಗಳಲ್ಲಿ ಸಂಕೀರ್ಣವಾದ ಎನಾಮೆಲ್ಡ್ ಅಥವಾ ಮೀನಕರಿ ಕೆಲಸವನ್ನು ಇದು ಒಳಗೊಂಡಿವೆ. ಬ್ರೊಕೇಡ್‌ಗಳ ಜೊತೆಗೆ ಅವುಗಳನ್ನು ಪಟೋಲಾ ಅಥವಾ ಟೈ-ಡೈ ತಂತ್ರಗಳಿಂದ ನೇಯಲಾಗುತ್ತದೆ. ಬಾರ್ಡರ್ ಮತ್ತು ಪಲ್ಲಸ್‌ಗಳನ್ನು ಇಂಟರ್‌ಲಾಕಿಂಗ್ ತಂತ್ರಗಳನ್ನು ಬಳಸಿಕೊಂಡು ಸಂಕೀರ್ಣವಾಗಿ ನೇಯುವ ಈ ಸೀರೆಗೆ ಬಲುಚಾರಿ ಸೀರೆಗಳಂತೆಯೇ ಬಾದ್‌ಶಾ ಪಲ್ಲು, ಚಂದ್-ತಾರಾ ಮೋಟಿಫ್‌ಗಳು, ಗಿಳಿಗಳು ಮತ್ತು ನವಿಲುಗಳಂತಹ ವಿನ್ಯಾಸಗಳನ್ನು ನೀಡಲಾಗುತ್ತದೆ.
ಇದನ್ನೂ ಓದಿ: Aishwarya Rai: ಅಂಬಾನಿ ಮದುವೆಯಲ್ಲಿ ಕುಟುಂಬದ ಜತೆ ಪೋಸ್‌ ಕೊಡದ ಐಶ್ವರ್ಯಾ ರೈ; ಡಿವೋರ್ಸ್ ನಿಜವೇ?
ಇದೇ ರೀತಿಯ ವಿನ್ಯಾಸಗಳು ಗುಜರಾತ್‌ನ ಇತರ ಜವಳಿ ಕರಕುಶಲಗಳಾದ ಮೋಚಾ ಕಸೂತಿ, ಬೀಡ್‌ವರ್ಕ್ ಮತ್ತು ಜಾಲಿವರ್ಕ್‌ ಮತ್ತು ಮಹಾರಾಷ್ಟ್ರದ ಪೈಥಾನಿ ಸೀರೆಗಳಲ್ಲಿಯೂ ಕಂಡುಬರುತ್ತವೆ. ವೈವಿಧ್ಯಮಯ ಕೌಶಲಗಳು ಮತ್ತು ಕರಕುಶಲ ಸಂಪ್ರದಾಯಗಳ ಮಿಶ್ರಣವು ಆಶಾವಲಿ ಜವಳಿಗಳ ಬೇಡಿಕೆಯನ್ನು ಹೆಚ್ಚಿಸುತ್ತದೆ.