ಬೆಂಗಳೂರು: ಲೇಡಿ ಸೂಪರ್ ಸ್ಟಾರ್ ನಯನತಾರಾ (Actress Nayanthara) ಅವರ 75ನೇ ಸಿನಿಮಾ ಘೋಷಣೆಯಾಗಿ ಕೆಲ ದಿನಗಳಾಗಿವೆ. ಅಕ್ಟೋಬರ್ 24ರಂದು, ವಿಜಯದಶಮಿಯ ಸಂದರ್ಭದಲ್ಲಿ, ಚಿತ್ರತಂಡ ಚಿತ್ರದ ಶೀರ್ಷಿಕೆ ಮತ್ತು ಟೀಸರ್ ಅನಾವರಣಗೊಳಿಸಿದೆ. ಈ ಸಿನಿಮಾಗೆ ‘ಅನ್ನಪೂರ್ಣಿ’ ಎಂದು (Annapoorani teaser) ಹೆಸರಿಸಲಾಗಿದೆ. ಬ್ರಾಹ್ಮಣ ಕುಟುಂಬದ ಮಹಿಳೆಯಾಗಿ ನಯನತಾರಾ ನಟಿಸಿರುವುದರಿಂದ ಟೀಸರ್ ಕುತೂಹಲ ಕೆರಳಿಸುತ್ತದೆ.
ನಯನತಾರಾ ಕೊನೆಯ ಬಾರಿಗೆ ‘ಜವಾನ್’ ಚಿತ್ರದಲ್ಲಿ ಕಾಣಿಸಿಕೊಂಡರು. ಈ ಸಿನಿಮಾ ಮೂಲಕ ಬಾಲಿವುಡ್‌ಗೆ ಪದಾರ್ಪಣೆ ಮಾಡಿದರು. ಚಿತ್ರರಂಗದಲ್ಲಿ ಮಾತ್ರವಲ್ಲದೇ ಉದ್ಯಮಿಯಾಗಿಯೂ ಗುರುತಿಸಿಕೊಳ್ಳುತ್ತಿದ್ದಾರೆ. ಅಕ್ಟೋಬರ್ 24ರಂದು,’ಅನ್ನಪೂರ್ಣಿ’ ಟೀಸರ್ ಔಟ್‌ ಆಗಿದೆ. ತಿರುಚ್ಚಿಯ ಶ್ರೀ ರಂಗಂನ್‌ ದೇವಸ್ಥಾನದ ಪಕ್ಕ ಒಂದು ಸಣ್ಣ ಮನೆ, ಅಗ್ರಹಾರದ ಮೂಲಕ ನಟಿಯ ಲುಕ್‌ ರಿವೀಲ್‌ ಆಗಿದೆ. ಮ್ಯಾನೇಜ್ ಮೆಂಟ್ ಪುಸ್ತಕ ಓದುತ್ತಿರುವ ನಯನತಾರಾ ಅವರ ಲುಕ್‌ ರಿವೀಲ್‌ ಮಾಡಿದಾಗ, ಅಲ್ಲೊಂದು ಟ್ವಿಸ್ಟ್‌ ಇದೆ. ಆದರೆ ನಟಿ ಮ್ಯಾನೇಜ್ಮೆಂಟ್ ಪುಸ್ತಕವನ್ನು ಓದುತ್ತಿಲ್ಲ ಬದಲಾಗಿ ಮಾಂಸ ಪದಾರ್ಥಗಳ ಕುರಿತು ಇರುವ ಪುಸ್ತಕವನ್ನು ಓದುತ್ತಿರುತ್ತಾರೆ. ಬ್ರಾಹ್ಮಣ ಹಿನ್ನೆಲೆಯಿಂದ ಬಂದ ನಯನತಾರಾ ಪಾತ್ರವನ್ನು ಸಸ್ಯಾಹಾರಿಯಾಗಿ ಸಾಂಪ್ರದಾಯಿಕ ರೀತಿಯಲ್ಲಿ ತೋರಿಸಲಾಗಿದೆ. ಆಕೆಯ ಒಲವು ಮಾತ್ರ ಕುಟುಂಬದ ವಿರುದ್ಧವಂತೆ ಇದೆ ಈ ಟೀಸರ್. ಇದೀಗ ಈ ಟೀಸರ್ ಪ್ರೇಕ್ಷಕರ ಗಮನ ಸೆಳೆಯುತ್ತಿದೆ.
‘ಅನ್ನಪೂರ್ಣಿ’ ನಯನತಾರಾ ಅವರ ವೃತ್ತಿ ಜೀವನದಲ್ಲಿ ಅವರ 75 ನೇ ಚಿತ್ರವಾಗಿದೆ. ಈ ಚಿತ್ರವನ್ನು ನೀಲೇಶ್ ಕೃಷ್ಣ ಅವರು ನಿರ್ದೇಶಿಸಿದ್ದಾರೆ. ಜೈ, ಸತ್ಯರಾಜ್, ಕೆಎಸ್ ರವಿಕುಮಾರ್, ರೆಡಿನ್ ಕಿಂಗ್ಸ್ಲಿ, ಕುಮಾರಿ ಸಚ್ಚು, ಕಾರ್ತಿಕ್ ಕುಮಾರ್ ಮತ್ತು ಸುರೇಶ್ ಚಕ್ರವರ್ತಿ ತಾರಾಬಳಗವಿದೆ. ಸತ್ಯನ್ ಸೂರ್ಯನ್ ಛಾಯಾಗ್ರಹಣ ಪ್ರವೀಣ್ ಆಂಟೋನಿ ಸಂಕಲನ ಚಿತ್ರಕ್ಕಿದೆ.
ಇದನ್ನೂ ಓದಿ: Actress Nayanthara: ನಯನತಾರಾ ಸಿನಿಮಾ ಪ್ರಚಾರ ಮಾಡದಿರಲು ಕಾರಣವೇನು? ಬಾಯ್ಬಿಟ್ಟ ವಿಘ್ನೇಶ್ ಶಿವನ್!
ಬೈಜು ಬವ್ರಾ’ ಚಿತ್ರದಲ್ಲಿ ನಟಿಸುತ್ತಾರಾ ನಯನತಾರಾ?
ಸದ್ಯ ಕೇಳಿ ಬಂದಿರುವ ಸುದ್ದಿಯ ಪ್ರಕಾರ ನಯನತಾರಾ ಅವರು ಸಂಜಯ್ ಲೀಲಾ ಬನ್ಸಾಲಿ ಅವರ ಬಹು ನಿರೀಕ್ಷಿತ ‘ಬೈಜು ಬವ್ರಾ’ ಚಿತ್ರದಲ್ಲಿ ನಟಿಸಲಿದ್ದಾರೆ ಎನ್ನಲಾಗುತ್ತಿದೆ. ಚಿತ್ರದಲ್ಲಿ ರಣವೀರ್‌ ಸಿಂಗ್‌ ಮತ್ತು ಆಲಿಯಾ ಭಟ್‌ ನಟಿಸುತ್ತಿದ್ದಾರೆ ಎನ್ನುವ ಸುದ್ದಿ ಬಹಳ ಹಿಂದಿನಿಂದಲೇ ಕೇಳಿ ಬರುತ್ತಿತ್ತು. ಇದೀಗ ಈ ಬಹು ನಿರೀಕ್ಷಿತ ಪ್ರಾಜೆಕ್ಟ್‌ನಲ್ಲಿ ನಯನತಾರಾ ಕೂಡ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗುತ್ತಿದ್ದು, ಅಭಿಮಾನಿಗಳಲ್ಲಿ ನಿರೀಕ್ಷೆ ಮೂಡಿಸಿದೆ.
ತಮ್ಮ ಎರಡನೇ ಬಾಲಿವುಡ್‌ ಚಿತ್ರದ ಬಗ್ಗೆ ಸಂಜಯ್ ಲೀಲಾ ಬನ್ಸಾಲಿ ಜತೆ ಈಗಾಗಲೇ ನಯನತಾರಾ ಚರ್ಚೆ ನಡೆಸಿ ನಟಿಸಲು ಗ್ರೀನ್‌ ಸಿಗ್ನಲ್‌ ನೀಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ರಣವೀರ್‌ ಸಿಂಗ್‌ ಟೈಟಲ್‌ ರೋಲ್‌ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದು 1952ರಲ್ಲಿ ತೆರೆಕಂಡ ‘ಬೈಜು ಬವ್ರಾ’ ಚಿತ್ರದ ರಿಮೇಕ್‌ ಎನ್ನಲಾಗಿದ್ದು, ಮೂಲ ಚಿತ್ರದಲ್ಲಿ ಭರತ್ ಭೂಷಣ್-ಮೀನಾ ಕುಮಾರಿ ನಟಿಸಿದ್ದರು. ಸಂಗೀತಗಾರನೊಬ್ಬನ ಜೀವನದ ಬಗ್ಗೆ ಈ ಚಿತ್ರ ಬೆಳಕು ಚೆಲ್ಲಿತ್ತು. ಈ ಚಿತ್ರದ ಪ್ರಮುಖ ಪಾತ್ರ ನಿರ್ವಹಿಸುವಂತೆ ನಯನತಾರಾ ಅವರನ್ನು ಸಂಪರ್ಕಿಸಲಾಗಿದೆ. ಅವರು ಇನ್ನೂ ತಮ್ಮ ನಿರ್ಧಾರವನ್ನು ಅಂತಿಮಗೊಳಿಸಿಲ್ಲ. ಮಾರ್ಚ್‌ನಲ್ಲಿ ನಯನತಾರಾ, ಪತಿ ವಿಘ್ನೇಶ್ ಶಿವನ್ ಜತೆ ಸಂಜಯ್ ಲೀಲಾ ಬನ್ಸಾಲಿ ಅವರನ್ನು ಭೇಟಿಯಾಗಿ ಈ ಸಿನಿಮಾ ಕುರಿತು ಮಾತುಕತೆ ನಡೆಸಿದ್ದರು ಎಂದು ಮೂಲಗಳು ವರದಿ ಮಾಡಿವೆ.