ಬೆಂಗಳೂರು : ಕಾಲಿವುಡ್‌ ಮತ್ತು ಟಾಲಿವುಡ್‌ನಲ್ಲಿ ಬಹು ಬೇಡಿಕೆ ನಟಿ ಎಂದರೆ ಅನುಷ್ಕಾ ಶೆಟ್ಟಿ. ಚಿತ್ರರಂಗದಲ್ಲಿ ಅವರ ಸಾಧನೆ ದೊಡ್ಡದು. ಇದೀಗ ಸಿನಿ ರಂಗದಲ್ಲಿ 17 ವರ್ಷ ಪೂರೈಸಿರುವುದಕ್ಕೆ ಟಾಲಿವುಡ್‌ ಮತ್ತು ಕಾಲಿವುಡ್‌ ಅಭಿಮಾನಿಗಳು ಸಂತಸ ವ್ಯಕ್ತ ಪಡಿಸುತ್ತಿದ್ದಾರೆ. ಮೂಲತಃ ಕನ್ನಡದವರಾದ ಇವರು ಹುಟ್ಟಿದ್ದು ಮಂಗಳೂರಿನಲ್ಲಿ.
ಪೂರಿ ಜಗನ್ನಾಥ್ ನಿರ್ದೇಶನದ ʻಸೂಪರ್ʼ ಸಿನಿಮಾದ ಮೂಲಕ ತೆಲುಗು ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ ಅನುಷ್ಕಾ ಸಿನಿ ಪಯಣಕ್ಕೆ ಇಂದಿಗೆ 17 ವರ್ಷ ಪೂರೈಸಿದೆ. ಮೊದಲ ಸಿನಿಮಾದಲ್ಲಿ ಸೂಪರ್ ಹಿಟ್ ಹೀರೋಯಿನ್ ಪಟ್ಟ ಅನುಷ್ಕಾ ಪಾಲಾಗಿತ್ತು. ನಂತರ ಸಾಲು ಸಾಲು ಹಿಟ್ ಚಿತ್ರ ನೀಡಿದ ಅನುಷ್ಕಾ ಬಾಹುಬಲಿಯಲ್ಲಿ ಮಾಡಿದ ದೇವಸೇನಾ ಪಾತ್ರವು ಹೊಸ ಮೈಲಿಗಲ್ಲು ಸೃಷ್ಟಿ ಮಾಡಿತು. ಈಗ ಅವರ 17 ವರ್ಷದ ಸಿನಿಪಯಣಕ್ಕೆ ಕೇಕ್ ಕತ್ತರಿಸಿ ಸಂಭ್ರಮಿಸಿದ್ದಾರೆ.
ಇದನ್ನೂ ಓದಿ | Women Film Directors | ಕಾಲಿವುಡ್‌ನಲ್ಲಿ ಸದ್ದು ಮಾಡುತ್ತಿರುವ ಪ್ರಮುಖ ಮಹಿಳಾ ನಿರ್ದೇಶಕಿಯರು
ಅನೇಕ ಸ್ಟಾರ್‌ ನಟರುಗಳೊಂದಿಗೆ ನಟಿಸಿದ ಅನುಷ್ಕಾ ಪ್ರಭಾಸ್‌ ಅವರೊಂದಿಗೆ ʻಬಾಹುಬಲಿʼ, ʻಮಿರ್ಚಿʼ ಸಿನಿಮಾಗಳಲ್ಲಿ ನಟಿಸಿ, ಫ್ಯಾನ್ಸ್‌ ಖುಷಿಯೂ ಪಟ್ಟಿದ್ದಾರೆ. ‘ಅರುಂಧತಿ’ ಮತ್ತು ‘ರುದ್ರಮಾದೇವಿ’ಯಂತಹ ಚಲನಚಿತ್ರಗಳಲ್ಲಿ ತಮ್ಮ ನಿಜವಾದ ಸಾಮರ್ಥ್ಯವನ್ನು ತೋರಿಸಿದರು.
2017ರಲ್ಲಿ ತೆರೆಕಂಡ ʻಬಾಹುಬಲಿʼ ಚಿತ್ರ ದಾಖಲೆ ಬರೆಯಿತು. ಅಲ್ಲಿಂದ ಅವರು ಸಿನಿಮಾಗಳನ್ನು ಮಾಡಲಿಲ್ಲ. ಇದೀಗ ನಟ ನವೀನ್‌ ಪೋಲಿ ಶೆಟ್ಟಿ ಜತೆ ಹೊಸ ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.
ಇದನ್ನೂ ಓದಿ | Laal Singh Chaddha | ನಟ ಚಿರಂಜೀವಿ ಮನೆಯಲ್ಲಿ ಸ್ಪೆಷಲ್‌ ಶೋ: ಕಣ್ಣೀರಿಟ್ಟ ಆಮಿರ್‌ ಖಾನ್