ಬೆಂಗಳೂರು: ಉಗ್ರಂ ಖ್ಯಾತಿಯ ರೋರಿಂಗ್‌ ಸ್ಟಾರ್‌ ಶ್ರೀ ಮುರುಳಿ ನಟನೆಯ ʼಬಘೀರʼ ಚಿತ್ರದ ಮುಹೂರ್ತ ಇದೇ ಮೇ 20ರಂದು ನಡೆಯಲಿದೆ. ಪ್ರಶಾಂತ್‌ ನೀಲ್‌ ಬರೆದ ʼಬಘೀರʼ ಕಥೆಯನ್ನು ಡಾ. ಸೂರಿ ನಿರ್ದೇಶಿಸಲಿದ್ದಾರೆ.
ಇದನ್ನೂ ಓದಿ | Golden Star | ಬಾನದಾರಿಯಲ್ಲಿ ಸಿನಿಮಾ First Look ರಿಲೀಸ್‌
ವಿಜಯ ಕಿರಗಂದೂರ್‌ ಅವರ ಹೊಂಬಾಳೆ ಫಿಲಂಸ್‌ ಈ ಚಿತ್ರವನ್ನು ನಿರ್ಮಿಸಲಿದೆ. ಸೂರಿ ಅವರು ಯಶ್‌ ಅವರ ʼಲಕ್ಕಿ ʼ ಚಿತ್ರದ ನಂತರ ನಾಲ್ಕು ವರ್ಷಗಳಾದ ಮೇಲೆ ಮತ್ತೆ ನಿರ್ದೇಶನಕ್ಕೆ ಬರುತ್ತಿದ್ದಾರೆ.
“ಉಗ್ರಂ ನಂತರ ಈ ಪಾತ್ರವನ್ನು ನೀವು ತುಂಬ ಇಷ್ಟ ಪಡುತ್ತೀರಿ. ಪ್ರಶಾಂತ್‌ ನೀಲ್‌ ಆಗಿರುವುದರಿಂದ ನಿಮಗೆ ಡಿಫರೆಂಟ್‌ ಫೀಲ್‌ ತಂದು ಕೊಡುವಲ್ಲಿ ಸಂಶಯವೇ ಇಲ್ಲ,” ಎಂದು ಹೇಳುತ್ತಾರೆ ಶ್ರೀಮುರುಳಿ.
ಶ್ರೀ ಮುರುಳಿ ನಟನೆಯ ಮದಗಜ ಸಿನಿಮಾ ಇತ್ತೀಚೆಗೆ ರಿಲೀಸ್‌ ಆಗಿ ಭರ್ಜರಿ ಯಶಸ್ಸು ಪಡೆದಿತ್ತು. ಮಫ್ತಿ, ಭರಾಟೆ, ರಥಾವರ, ಕಂಠಿ ಚಿತ್ರಗಳಲ್ಲಿ ಅಬ್ಬರಿಸಿದ ಶ್ರೀಮುರುಳಿ ಅಪಾರ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ.
ಈಗಾಗಲೇ ಬಘೀರ ಪೋಸ್ಟರ್‌ ಅನ್ನು ಮುರುಳಿ ಅವರ ಹುಟ್ಟು ಹಬ್ಬದಂದು ಬಿಡುಗಡೆ ಮಾಡಲಾಗಿತ್ತು. ಇದೇ ತಿಂಗಳು ಸ್ಮಾಲ್‌ ಸ್ಕೆಡ್ಯೂಲ್‌ ಆಗಲಿದ್ದು, ಚಿತ್ರೀಕರಣ ಪ್ರಾರಂಭಗೊಳ್ಳಲಿದೆ ಎಂದು ಚಿತ್ರತಂಡ ಹೇಳಿದೆ.
ಅತ್ಯಂತ ಪವರ್‌ಫುಲ್‌ ಮತ್ತು ಒರಟು ವರ್ತನೆಯ ಪೊಲೀಸ್‌ ಅವತಾರದಲ್ಲಿ ಶ್ರೀ ಮುರಳಿ ಕಾಣಿಸಿಕೊಂಡಿದ್ದಾರೆ. ʼಸಮಾಜವು ಕಾಡಿದಾಗ ಮತ್ತು ನ್ಯಾಯಕ್ಕಾಗಿ ಒಬ್ಬ ಪರಭಕ್ಷಕ ಘರ್ಜಿಸುತ್ತಾನೆʼ ಎಂಬ ಪೋಸ್ಟರ್‌ ಅಡಿಬರಹವೇ ಗಮನ ಸೆಳೆಯುತ್ತಿದೆ.
ಇದನ್ನೂ ಓದಿ | ʼದೇವರ ಪುತ್ರಿʼ ಬಾಲಿವುಡ್‌ ಎಂಟ್ರಿ?: ಸಾರಾ ತೆಂಡೂಲ್ಕರ್ ಸಿನಿಮಾ ಚರ್ಚೆ