ಬೆಂಗಳೂರು: ಹಲವು ಕಾರಣಗಳಿಂದ ಗಮನ ಸೆಳೆಯುತ್ತಿರುವ ಈ ಬಾರಿಯ ಕನ್ನಡ ಬಿಗ್ ಬಾಸ್ ಸೀಸನ್‌ 10 (BBK SEASON 10)ರಲ್ಲಿ ಡ್ರೋನ್ ಪ್ರತಾಪ್ ಮತ್ತು ಸಂಗೀತಾ ಶೃಂಗೇರಿ ಪ್ರಬಲ ಸ್ಪರ್ಧೆಗಳೆಂದೇ ಗುರುತಿಸಲ್ಪಡುತ್ತಾರೆ. ಜತೆಗೆ ಇವರಿಬ್ಬರ ಮಧ್ಯೆ ಉತ್ತಮ ಸ್ನೇಹ ಸಂಬಂಧ ಏರ್ಪಟ್ಟಿದೆ. ಡ್ರೋನ್ ಪ್ರತಾಪ್ ʼಅಕ್ಕಾʼ ಎಂದೇ ಸಂಗೀತಾ ಅವರನ್ನು ಕರೆಯುತ್ತಾರೆ. ಸಂಗೀತಾ ಕೂಡ ಪ್ರತಾಪ್‌ಗೆ ತನ್ನ ತಮ್ಮನ ಸ್ಥಾನ ನೀಡಿದ್ದಾರೆ.
ಕನ್ಫೆಷನ್ ರೂಮ್ನಲ್ಲಿ ಹೇಳಿಕೊಂಡ ಸಂಗೀತಾ
ಡ್ರೋನ್ ಪ್ರತಾಪ್ ನಡೆದುಕೊಳ್ಳುತ್ತಿರುವ ರೀತಿ ಸಂಗೀತಾ ಅವರಿಗೆ ಇಷ್ಟ ಆಗಿದೆ. ಅದನ್ನು ಬಹಿರಂಗವಾಗಿಯೇ ಹೇಳಿಕೊಂಡಿದ್ದಾರೆ. ʼ‘ನನಗೆ ಪ್ರತಾಪ್ ತುಂಬ ಇಷ್ಟ’ʼ ಎಂದು ಅವರು ಕನ್ಫೆಷನ್ ರೂಮ್ನಲ್ಲಿ ಹೇಳಿದ್ದಾರೆ. ದಿನದಿಂದ ದಿನಕ್ಕೆ ಈ ಅಕ್ಕ-ತಮ್ಮ ನಡುವಿನ ನಡುವೆ ಬಾಂಧವ್ಯ ಹೆಚ್ಚಾಗುತ್ತಿದೆ. ನೇರ ನಡೆ-ನುಡಿಯಿಂದಲೇ ಬಿಗ್ ಬಾಸ್ ಮನೆಯಲ್ಲಿ ಗಮನ ಸೆಳೆದಿರುವ ಸಂಗೀತಾ ಪ್ರತಾಪ್ ಬಗ್ಗೆ ಮೆಚ್ಚುಗೆ ಸೂಚಿಸಿದ್ದು ಹಲವರಿಗೆ ಅಚ್ಚರಿಯನ್ನೂ ತಂದಿದೆ.
ಸ್ಪರ್ಧಿಗಳ ಕುಟುಂಬದಿಂದ ಯಾರಾದರೊಬ್ಬರನ್ನು ಬಿಗ್ ಬಾಸ್ ಮನೆಯ ಒಳಗೆ ಕರೆಸಲಾಗುತ್ತದೆ. ಆದರೆ ತಮ್ಮ ಮನೆಯಿಂದ ಯಾರೂ ಬರುವುದು ಬೇಡ ಎಂದಿರುವ ಸಂಗೀತಾ, ಡ್ರೋನ್ ಪ್ರತಾಪ್ ಅವರ ಮನೆಯಿಂದ ಯಾರಾದರೂ ಬಂದರೆ ತಮಗೆ ಖುಷಿ ಎಂದು ಹೇಳಿದ್ದಾರೆ. ಜತೆಗೆ ಪ್ರತಾಪ್ ಅವರನ್ನು ಪ್ರೀತಿಯಿಂದ ʼಪ್ರತುʼ ಎಂದು ಕರೆದಿದ್ದಾರೆ. ಈ ಬಾಂಧವ್ಯ ಕೊನೆಯವರೆಗೂ ಹೀಗೆ ಇರಲಿ ಎಂದು ಹಲವರು ಹೇಳಿದ್ದಾರೆ. ಟಾಸ್ಕ್ ವಿಚಾರಕ್ಕೆ ಅಥವಾ ಇನ್ಯಾವುದೋ ಕಾರಣಕ್ಕೆ ಇವರ ಈ ಆಪ್ತತೆ ಕೊನೆಯಾಗದಿರಲಿ ಎಂದು ಹಾರೈಸಿದ್ದಾರೆ.
ಆಸ್ಪತ್ರೆ ಸೇರಿದ್ದ ಪ್ರತಾಪ್-ಸಂಗೀತಾ
ಇತ್ತೀಚೆಗೆ ನಡೆದ ಟಾಸ್ಕ್ ಒಂದರಲ್ಲಿ ಸಂಗೀತಾ ಮತ್ತು ಪ್ರತಾಪ್ ಗಾಯಗೊಂಡು ಆಸ್ಪತ್ರೆ ಸೇರಿದ್ದರು. ಬಿಗ್ಬಾಸ್ ಮನೆಯೊಳಗೆ ಬಿಗ್ಬಾಸ್ ಲೋಕ ಎಂಬ ಆಟದಲ್ಲಿ ಗಂಧರ್ವರು ಮತ್ತು ರಾಕ್ಷಸರು ಎಂದು ಎರಡು ಗುಂಪುಗಳನ್ನಾಗಿ ಮಾಡಿ, ಹಲವು ಟಾಸ್ಕ್ ಗಳನ್ನು ನೀಡಲಾಗಿತ್ತು. ಟಾಸ್ಕ್ ವೇಳೆ ರಾಕ್ಷಸರು ಮತ್ತು ಗಂಧರ್ವರ ಗುಂಪುಗಳ ನಡುವೆ ಭಾರೀ ಕದನವೇ ನಡೆದು ಹೋಯ್ತು. ಈ ಟಾಸ್ಕ್‌ನಲ್ಲಿ ಒಬ್ಬರಿಗೊಬ್ಬರು ಕೆಣಕಿಕೊಳ್ಳುತ್ತಿದ್ದು, ಇದರಿಂದ ಮನೆಯಲ್ಲಿ ಅನಾಹುತ ಆಗಬಹುದು ಎಂದು ಮೊದಲೇ ಅಂದಾಜಿಸಲಾಗಿತ್ತು. ಅದೇ ರೀತಿಯೇ ಆಯಿತು.
ಇದನ್ನೂ ಓದಿ: BBK SEASON 10: ಸ್ಕೂಲಲ್ಲಿ ನನ್ನನ್ನು ಕಾರ್ನರ್ ಮಾಡಿದ್ದ ಹಾಗೆ ಇಲ್ಲಿಯೂ ಮಾಡ್ತಿದ್ದಾರೆ; ಸಂಗೀತಾ ಕಣ್ಣೀರು!
ಟಾಸ್ಕ್ ವೇಳೆ ಸಂಗೀತಾ ಹಾಗೂ ಡ್ರೋನ್ ಪ್ರತಾಪ್ ಅವರ ಮುಖಕ್ಕೆ ಅತಿಯಾಗಿ ಕೆಮಿಕಲ್ ನೀರು ಹಾಕಿದ ಪರಿಣಾಮ ಇಬ್ಬರೂ ಅಸ್ವಸ್ಥಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದರು. ಇದೀಗ ಇಬ್ಬರೂ ಚಿಕಿತ್ಸೆ ಪಡೆದು ಬಿಗ್ಬಾಸ್ ಮನೆಗೆ ಮರಳಿದ್ದಾರೆ. ಕನ್ನಡಕ ತೊಟ್ಟುಕೊಂಡು ಸ್ಪರ್ಧೆಯಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ. ಸಂಗೀತಾ ಹಾಗೂ ಪ್ರತಾಪ್ ಮತ್ತೆ ವಾಪಸ್ ಬರುತ್ತಾರಾ ಇಲ್ಲವಾ ಎಂಬ ಪ್ರಶ್ನೆ ಪ್ರೇಕ್ಷಕರಿಗೆ ಕಾಡಿತ್ತು. ಮರಳಿ ಬಂದ ಸಂಗೀತಾ, ಪ್ರತಾಪ್ ಅವರನ್ನು ಕಂಡು ಕಾರ್ತಿಕ್‌ ಹಾಗೂ ತನಿಷಾ ಭಾವುಕರಾಗಿದ್ದರು. ಕಾರ್ತಿಕ್‌ ಅವರಂತೂ ʻʻಈ ಸ್ಥಿತಿಯಲ್ಲಿ ಅವರನ್ನು ನೋಡೋಕೆ ಆಗ್ತಿಲ್ಲʼʼ ಎಂದು ಕಣ್ಣೀರಿಟ್ಟಿದ್ದರು. ಮೊದಲಿನಿಂದಲೂ ಕಾರ್ತಿಕ್‌ ಮತ್ತು ಸಂಗೀತಾ ಸ್ನೇಹಿತರಾಗಿ ಗುರುತಿಸಿಕೊಂಡಿದ್ದಾರೆ.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ