‘ಬಿಗ್ ಬಾಸ್'(Bigg Boss Kannada) ಖ್ಯಾತಿಯ ರಕ್ಷಾ ಸೋಮಶೇಖರ್ (Raksha Somashekar) ಅವರು ಗೆಳೆಯ ನತನ್ ಜಾನಿ (Nathan Johny) ಜತೆ ಎಂಗೇಜ್ ಆಗಿದ್ದಾರೆ.
ಮೇ 20ಕ್ಕೆ ನಿಶ್ಚಿತಾರ್ಥ ನಡೆದಿದೆ. ‘ಮೇ1’ ಎಂಬ ಹಾರರ್‌ ಸಿನಿಮಾದಲ್ಲಿ ನಟಿಸಿ ಗಮನ ಸೆಳೆದಿದ್ದರು ಮಾಡೆಲ್‌ ಹಾಗೂ ನಟಿ ರಕ್ಷಾ ಸೋಮಶೇಖರ್. ಕನ್ನಡದಲ್ಲಿ ‘ಗೋದ್ರಾ’ ಸಿನಿಮಾದಲ್ಲಿ ವಸಿಷ್ಠ ಅವರಿಗೆ ಜೋಡಿಯಾಗಿ ಇವರು ಕಾಣಿಸಿಕೊಂಡಿದ್ದರು.
‘ಮಿಸ್ಟರ್‌ ಜೈ, ಮತ್ತು ಮಸ್ತ್‌ ನನ್ನ ಪ್ರೇಮ ಕಹಾನಿ’ ಎಂಬ ಸಿನಿಮಾಗಳಲ್ಲಿ ರಕ್ಷಾ ಸೋಮಶೇಖರ್ ನಟಿಸಿದ್ದರು.
ದೀಪಿಕಾ ದಾಸ್, ಶೈನ್ ಶೆಟ್ಟಿ, ಭೂಮಿ ಶೆಟ್ಟಿ ಸೀಸನ್‌ನಲ್ಲಿ ರಕ್ಷಾ ಕೂಡ ಬಿಗ್ ಬಾಸ್ ಸ್ಪರ್ಧಿಯಾಗಿ ಗಮನ ಸೆಳೆದಿದ್ದರು.ಬಿಗ್ ಬಾಸ್ ಮನೆಯಲ್ಲಿ ಹೆಚ್ಚು ದಿನ ಇರಲಿಲ್ಲ. ಬಹುಬೇಗ ಅವರು ಮನೆಯಿಂದ ಹೊರಬಂದಿದ್ದರು.
ಇದು ಲವ್ ಮ್ಯಾರೇಜೋ, ಅರೆಂಜ್ ಮ್ಯಾರೇಜ್ ಎಂಬ ಬಗ್ಗೆ ಮಾಹಿತಿ ಇಲ್ಲ. ಹುಡುಗನ ಬಗ್ಗೆ ರಕ್ಷಾ ಯಾವುದೇ ಮಾಹಿತಿ ಹಂಚಿಕೊಂಡಿಲ್ಲ.
ಬಿಗ್ ಬಾಸ್ ಸ್ಪರ್ಧಿಯಾಗಿದ್ದಾಗ ರಕ್ಷಾ ಮನೆಗೆ ಪ್ರವೇಶ ಪಡೆದ 12 ದಿನದಲ್ಲಿಯೇ ಮನೆಯಿಂದ ಹೊರಗೆ ಬಂದಿದ್ದರು. ಕೊನೆಯ ಸುತ್ತಿನಲ್ಲಿ ಚೈತ್ರಾ ಕೊಟ್ಟೂರು ಮತ್ತು ರಕ್ಷಾ ಉಳಿದುಕೊಂಡಿದ್ದರು.