ಮುಂಬೈ: ಇತ್ತೀಚಿನ ದಿನಗಳಲ್ಲಿ ಆರ್ಟಿಫಿಶಿಯಲ್‌ ಇಂಟೆಲಿಜೆನ್ಸ್‌ ಹೆಚ್ಚೇ ಕೆಲಸ ಮಾಡುತ್ತಿದೆ. ಸ್ವಾತಂತ್ರ್ಯ ಹೋರಾಟಗಾರರು ಸೇರಿದಂತೆ ಹಲವು ಗಣ್ಯರು ಈಗ ಇದ್ದು ಸೆಲ್ಫೀ ತೆಗೆದುಕೊಂಡಿದ್ದರೆ ಹೇಗಿರುತ್ತಿತ್ತು ಎನ್ನುವ ಸೀರಿಸ್‌ ಎಐ ಫೋಟೋಗಳನ್ನು ನೀವು ನೋಡಿರಬಹುದು. ಅದೇ ರೀತಿಯಲ್ಲಿ ಇದೀಗ ನಮ್ಮ ಬಾಲಿವುಡ್‌ನ ನಟರು ಗಂಡಾಗುವ ಬದಲು ಹೆಣ್ಣಾಗಿದ್ದರೆ ಹೇಗಿರುತ್ತಿತ್ತು (Bollywood Gender Change) ಎನ್ನುವ ಫೋಟೋಗಳು ಕೂಡ ಬಂದಿವೆ. ಅವು ಸಾಮಾಜಿಕ ಜಾಲತಾಣಗಳಲ್ಲಿ ಸದ್ದು ಮಾಡುತ್ತಿವೆ.
ಎಐ ಮಾಸ್ಟರ್‌ ಎಂದು ಕರೆಸಿಕೊಳ್ಳುತ್ತಿರುವ ಶಾಹಿದ್‌ ಅವರು ಈ ಫೋಟೋಗಳನ್ನು ತಯಾರಿಸಿದ್ದಾರೆ. ಅದರಲ್ಲಿ ನಟರಾದ ಅಮಿತಾಭ್‌ ಬಚ್ಚನ್‌, ಶಾರುಖ್‌ ಖಾನ್, ಆಮಿರ್‌ ಖಾನ್, ಸಲ್ಮಾನ್‌ ಖಾನ್, ಅಕ್ಷಯ್‌ ಕುಮಾರ್‌, ಶಾಹಿದ್‌ ಕಪೂರ್‌, ವರುಣ್‌ ಧವನ್‌, ಟೈಗರ್ ಶರಾಫ್. ರಾಜ್‌ಪಾಲ್‌ ಯಾದವ್‌ ಮತ್ತು ಪಂಕಜ್‌ ತ್ರಿಪಾಠಿ ಅವರು ಹೆಣ್ಣಾಗಿದ್ದಾರೆ ಹೇಗೆ ಕಾಣುತ್ತಿದ್ದರು ಎಂದು ತೋರಿಸಲಾಗಿದೆ.
ಇದನ್ನೂ ಓದಿ: Chai GPT: ಚಾಟ್‌ಜಿಪಿಟಿ ಕೇಳಿದ್ದೀರಿ, ಚಾಯ್‌ ಜಿಪಿಟಿ ಕೇಳಿದ್ದೀರಾ? ಹೌದು, ಇಲ್ಲಿ ಎಐ ಸಿಗಲ್ಲ, ಚಾಯ್‌ ಸಿಗತ್ತೆ!
ಕೇವಲ ಫೋಟೋ ಹಾಕುವುದಲ್ಲದೆ ಅವರಿಗೆ ಹೆಣ್ಣಿನ ಹೆಸರನ್ನೂ ಇಟ್ಟಿದ್ದಾರೆ ಶಾಹಿದ್‌. ಉದಾಹರಣೆಗೆ ಅಮಿತಾಭ್‌ ಬಚ್ಚನ್‌ ಅವರಿಗೆ ಅಮಿತಾ ಭಚ್ಚನ್‌, ವರುಣ್‌ ಧವನ್‌ಗೆ ವರ್ಷ ಧವನ್‌, ಅಕ್ಷಯ್‌ ಕುಮಾರ್‌ಗೆ ಅಕ್ಷಯ ಕುಮಾರಿ ಎನ್ನುವಂತಹ ಹೆಸರನ್ನು ಕೊಡಲಾಗಿದೆ.
ಎರಡು ದಿನಗಳ ಹಿಂದೆ ಹಂಚಿಕೊಳ್ಳಲಾದ ಈ ಪೋಸ್ಟ್‌ ಈಗಾಗಲೇ ಸಾವಿರಾರು ಜನರಿಗೆ ರೀಚ್‌ ಆಗಿದೆ. 1800ಕ್ಕೂ ಅಧಿಕ ಮಂದಿ ಪೋಸ್ಟ್‌ಗೆ ಲೈಕ್‌ ಕೊಟ್ಟಿದ್ದಾರೆ. ಹಾಗೆಯೇ ನೂರಾರು ಮಂದಿ ಈ ಪೋಸ್ಟ್‌ ಅನ್ನು ತಮ್ಮ ಸ್ನೇಹಿತರೊಂದಿಗೆ ಹಂಚಿಕೊಂಡಿದ್ದಾರೆ. “ಅಮಿತಾಭ್‌ ಅವರು ರೇಖಾ ರೀತಿಯಲ್ಲಿ ಕಾಣುತ್ತಿದ್ದಾರೆ”, “ಶಾರುಖ್‌ ಅವರು ಅವರ ಪತ್ನಿಯ ರೀತಿಯಲ್ಲಿ ಕಾಣುತ್ತಿದ್ದಾರೆ”, “ಸಲ್ಮಾನ್‌ ಅವರು ಚಿತ್ರಾಂಗದ ಸಿಂಗ್‌ ರೀತಿ ಕಾಣಿಸುತ್ತಿದ್ದಾರೆ”, “ಈಗ ನನಗೆ ಟೈಗರ್ ಶರಾಫ್ ಮತ್ತು ವರ್ಷ ಧವನ್‌ ಮೇಲೆ ಕ್ರಷ್‌ ಆಗಿದೆ” ಎನ್ನುವಂತಹ ಹಲವಾರು ಕಾಮೆಂಟ್‌ಗಳು ಬಂದಿವೆ.
ಇದನ್ನೂ ಓದಿ: Actress Jyothika : 25 ವರ್ಷಗಳ ನಂತರ ಬಾಲಿವುಡ್‌ಗೆ ಜ್ಯೋತಿಕಾ ವಾಪಸ್‌!
ಈ ಫೋಟೋಗಳನ್ನು ಮಾಡಿರುವ ಶಾಹಿದ್‌ ಈ ಹಿಂದೆ ಮತ್ತೊಂದಿಷ್ಟು ವಿಶೇಷ ಫೋಟೋಗಳನ್ನು ಮಾಡಿದ್ದರು. ರಣಬೀರ್‌ ಕಪೂರ್‌, ಶಾರುಖ್‌ ಖಾನ್, ಹೃತಿಕ್‌ ರೋಷನ್‌, ಅಲ್ಲು ಅರ್ಜುನ್‌, ಸಲ್ಮಾನ್‌ ಖಾನ್, ಆಮಿರ್‌ ಖಾನ್, ಮಹೇಶ್‌ ಬಾಬು, ಪ್ರಭಾಸ್‌, ಅಕ್ಷಯ್‌ ಕುಮಾರ್‌ ಮತ್ತು ಶಾಹಿದ್‌ ಕಪೂರ್‌ ಅವರು ವಯಸ್ಸಾದ ನಂತರ ಹೇಗೆ ಕಾಣಿಸುತ್ತಾರೆ ಎಂದು ಎಐ ಫೋಟೋ ಮೂಲಕ ತೋರಿಸಿದ್ದರು.