ಮುಂಬೈ: ಮುಂಬೈನ ಜುಹು ಬೀಚ್ ಬಳಿಯಿರುವ ಬಾಲಿವುಡ್ ಸ್ಟಾರ್ ಅಮಿತಾಭ್ ಬಚ್ಚನ್ (Amitabh Bachchan) ಅವರ ಜಲ್ಸಾ (Jalsa) ಜಲ್ಸಾ ಸಮೀಪದ ಬಂಗಲೆ (juhu beach Mubai) ಹರಾಜಿಗೆ ಇಡಲಾಗಿದೆ. ಡಾಯ್ಚ ಬ್ಯಾಂಕ್ (duetsche bank) ಈ ಬಂಗಲೆಯನ್ನು 25 ಕೋಟಿ ರೂ.ಗೆ ಹರಾಜು ಹಾಕಿದೆ.
ಬಂಗಲೆಯ ಕಾರ್ಪೆಟ್ ಪ್ರದೇಶವು 1,164 ಚದರ ಅಡಿ ಮತ್ತು ಓಪನ್‌ ಸ್ಪೇಸ್‌ 2,175 ಚದರ ಅಡಿ ಇದೆ. ಡಾಯ್ಚ ಬ್ಯಾಂಕ್ ಹೊರಡಿಸಿದ ಸೂಚನೆಯ ಪ್ರಕಾರ ಮಾರ್ಚ್ 27ರಂದು ಹರಾಜು ನಿಗದಿಪಡಿಸಲಾಗಿದೆ. 2002ರ ಆರ್ಥಿಕ ಆಸ್ತಿಗಳ ಭದ್ರತೆ ಮತ್ತು ಪುನರ್ನಿರ್ಮಾಣ ಮತ್ತು ಭದ್ರತಾ ಆಸಕ್ತಿಯ ಜಾರಿ ಕಾಯಿದೆ (SARFAESI) ಅಡಿಯಲ್ಲಿ ಬಂಗಲೆಯನ್ನು ಡಾಯ್ಚ ಬ್ಯಾಂಕ್ ಹರಾಜು ಮಾಡುತ್ತಿದೆ.
ಸಾರ್ವಜನಿಕ ಸೂಚನೆಯ ಪ್ರಕಾರ, ಬ್ಯಾಂಕ್ ಏಪ್ರಿಲ್ 2022ರಲ್ಲಿ ಡಿಮ್ಯಾಂಡ್ ನೋಟಿಸ್ ಕಳುಹಿಸಿದೆ. ಸಾಲಗಾರರು ಮತ್ತು ಸಹ-ಸಾಲಗಾರರಾದ ಸೆವೆನ್ ಸ್ಟಾರ್ ಸ್ಯಾಟಲೈಟ್ ಪ್ರೈವೇಟ್ ಲಿಮಿಟೆಡ್ ಮತ್ತು ಇತರರೊಂದಿಗೆ 12.89 ಕೋಟಿ ರೂ. ಬಾಕಿ ಮೊತ್ತವನ್ನು 60 ದಿನಗಳಲ್ಲಿ ಮರುಪಾವತಿಸಲು ಕೇಳಲಾಗಿದೆ. ಸಾಲಗಾರರು ಮತ್ತು ಸಹ-ಸಾಲಗಾರರು ಬಾಕಿಯನ್ನು ಮರುಪಾವತಿಸಲು ವಿಫಲವಾದ ಕಾರಣ, ಅಡವಿಟ್ಟ ಆಸ್ತಿಯನ್ನು ಸ್ವಾಧೀನಪಡಿಸಿಕೊಂಡಿದೆ ಎಂದು ಬ್ಯಾಂಕ್ ನೋಟಿಸ್‌ನಲ್ಲಿ ತಿಳಿಸಿದೆ. ಮಾರ್ಚ್ 27ರಂದು ನಡೆದ ಹರಾಜಿನ ಬೆಲೆ 25 ಕೋಟಿ ಮತ್ತು ಇಎಂಡಿ ಮೊತ್ತ 2.50 ಕೋಟಿ ರೂ ಎಂದು ವರದಿಯಾಗಿದೆ.
ಸಾಲಗಾರರು ತಮ್ಮ ಸಾಲವನ್ನು ಮರುಪಾವತಿಸಲು ವಿಫಲವಾದ ನಂತರ ಮತ್ತು ಬ್ಯಾಂಕ್‌ಗಳು ತಮ್ಮ ಬಾಕಿಗಳನ್ನು ವಸೂಲಿ ಮಾಡುವ ಅಂತಿಮ ಪ್ರಯತ್ನದಲ್ಲಿ ಹಲವಾರು ಬ್ಯಾಂಕುಗಳು ರಿಯಲ್ ಎಸ್ಟೇಟ್ ಆಸ್ತಿಗಳನ್ನು ಹರಾಜು ಹಾಕುತ್ತವೆ. ಈ ಜುಹು ಬಂಗಲೆಯ ಹೊರತಾಗಿ, ಬಾಂದ್ರಾ ಕುರ್ಲಾ ಕಾಂಪ್ಲೆಕ್ಸ್‌ನಲ್ಲಿರುವ ಪ್ರಸಿದ್ಧ ಜಪಾನೀಸ್ ಮತ್ತು ಕೊರಿಯನ್ ರೆಸ್ಟೋರೆಂಟ್‌ನ ಪಕ್ಕದಲ್ಲಿ ಬಾಂದ್ರಾ ಪೂರ್ವದಲ್ಲಿರುವ ಪರಿನೀ ಕ್ರೆಸೆಂಜೊ ಕಟ್ಟಡದಲ್ಲಿ ವಾಣಿಜ್ಯ ಸ್ಥಳವು ಮಾರಾಟದಲ್ಲಿದೆ. ಹೆಕ್ಟಾ ಹಂಚಿಕೊಂಡ ವಿವರಗಳ ಪ್ರಕಾರ, ಈ ಆಸ್ತಿಯನ್ನು ಮಾರ್ಚ್ 19ರಂದು 21 ಕೋಟಿ ರೂ.ಗೆ ಯೆಸ್ ಬ್ಯಾಂಕ್ ಹರಾಜಿಗೆ ಇಟ್ಟಿದೆ ಎಂದು ವರದಿಯಾಗಿದೆ.
ಇದನ್ನೂ ಓದಿ: Amitabh Bachchan: ಟ್ರಂಪ್ ಮಗಳನ್ನು ಅಮಿತಾಭ್‌ಗೆ ಪರಿಚಯಿಸಿದ ಅಂಬಾನಿ!
ಬಿಗ್-ಬಿ ಅಮಿತಾಭ್ ಬಚ್ಚನ್ ಅವರು ಆಗಾಗ ಈ ಬಂಗಲೆಯ ಫೋಟೊಗಳನ್ನು ಇನ್ಸ್ಟಾಗ್ರಾಂ ಹಾಗೂ ಟ್ವಿಟರ್ನಲ್ಲಿ ಹಂಚಿಕೊಳ್ಳುತ್ತಿರುತ್ತಾರೆ. ಬಿಗ್-ಬಿ ಮನೆಯಲ್ಲಿ ಅಗತ್ಯದ ಎಲ್ಲ ಐಷಾರಾಮಿ ವಸ್ತುಗಳೂ ಇವೆಯಂತೆ. ಮನೆಗೆ ಜಲ್ಸಾ ಎಂದು ಹೆಸರಿಟ್ಟಿದ್ದು, ತಮ್ಮ ಟೇಸ್ಟ್ಗೆ ತಕ್ಕಂತೆ ಒಳಾಂಗಣ ವಿನ್ಯಾಸ ಮಾಡಿಸಿದ್ದಾರಂತೆ. ತಮ್ಮದೇ ಆದ ಮಿನಿ ಗ್ರಂಥಾಲಯ ಕಮ್ ಸ್ಟಡಿ ರೂಮ್ ಮಾಡಿಕೊಂಡಿದ್ದಾರೆ ಅಮಿತಾಭ್.
ಮುಂಬೈ ರಿಯಲ್ ಎಸ್ಟೇಟ್ ಮಾರುಕಟ್ಟೆಯಲ್ಲಿ ಇದೇ ರೀತಿಯ ಬಂಗಲೆ ಒಪ್ಪಂದದಲ್ಲಿ, ಮ್ಯಾಕ್ಲಿಯೊಡ್ಸ್ ಫಾರ್ಮಾಸ್ಯುಟಿಕಲ್ಸ್‌ನ ವ್ಯವಸ್ಥಾಪಕ ನಿರ್ದೇಶಕ ಗಿರ್ಧಾರಿ ಲಾಲ್ ಬಾವ್ರಿ ಅವರು ಫೆಬ್ರವರಿ 2024 ರಲ್ಲಿ ಮುಂಬೈನ ವಿಲೆ ಪಾರ್ಲೆ ಪ್ರದೇಶದಲ್ಲಿ 7,000 ಚದರ ಅಡಿಗಳಷ್ಟು ಜಾಗದಲ್ಲಿ 3,600 ಚದರ ಅಡಿ ಬಂಗಲೆಯನ್ನು 101 ಕೋಟಿ ರೂ.ಗೆ ಖರೀದಿಸಿದರು. ಇದರ ನಂತರ ಬಾಲಿವುಡ್ ನಟ ಜಾನ್ ಅಬ್ರಹಾಂ ಅವರು ಡಿಸೆಂಬರ್‌ನಲ್ಲಿ ಮುಂಬೈನ ಖಾರ್ ಪ್ರದೇಶದಲ್ಲಿ 5,416 ಚದರ ಅಡಿ ಬಂಗಲೆಯನ್ನು 70.83 ಕೋಟಿ ರೂ.ಗೆ ಖರೀದಿಸಿದ್ದರು.