ನವದೆಹಲಿ: ಭಾರೀ ನಿರೀಕ್ಷೆ ಮೂಡಿಸಿದ್ದ ಶಾರುಖ್ ಖಾನ್ (Shah Rukh Khan) ನಟನೆಯ ‘ಜವಾನ್’ (Jawan Movie) ಚಿತ್ರವು ಗುರುವಾರ ತೆರೆಗೆ ಅಪ್ಪಳಿಸಿದ್ದು, ಜನರಿಂದಲೂ ಭಾರೀ ಪ್ರತಿಕ್ರಿಯೆ ದೊರೆಯುತ್ತಿದೆ. ಮೊದಲನೇ ದಿನವೇ ಚಿತ್ರವನ್ನು ಜನರು ಮೆಚ್ಚಿಕೊಂಡಿದ್ದಾರೆ. ಆದರೆ, ಜವಾನ್ ಬಿಡುಗಡೆಯಾದ ದಿನವೇ, ಸಿನಿಮಾ ಆನ್‌ಲೈನ್‌ನಲ್ಲಿ ಲೀಕ್ (Jawan Leaked online) ಆಗಿದ್ದು, ಉಚಿತವಾಗಿ ಡೌನ್‌ಲೋಡ್ ಮಾಡಿಕೊಳ್ಳಬಹುದಾಗಿದೆ. ಟೆಲಿಗ್ರಾಮ್ ಮತ್ತು ಟೊರೆಂಟ್ ಆ್ಯಪ್‌ಗಳಲ್ಲಿ ಜವಾನ್ ಪೈರಸಿ ಆಗಿರುವ ಕುರಿತು ಶಾರುಖ್ ಅಭಿಮಾನಿಗಳು ಸರ್ಕಾರದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಜವಾನ್ ಸಿನಿಮಾವನ್ನು ಹಲವಾರು ವೆಬ್‌ಸೈಟ್‌ಗಳಲ್ಲಿ ಮಧ್ಯಮ ಗುಣಮಟ್ಟದಲ್ಲಿ ಸ್ಟ್ರೀಮ್ ಮಾಡಬಹುದು ಎಂದು ಶಾರುಖ್ ಖಾನ್ ಅಭಿಮಾನಿಗಳು ನಿರಾಶೆಗೊಂಡಿದ್ದಾರೆ. ಚಿತ್ರದ ಸೋರಿಕೆಯು ಅದರ ಗಲ್ಲಾಪೆಟ್ಟಿಗೆ ಗಳಿಕೆಯ ಮೇಲೆ ಪರಿಣಾಮ ಬೀರುತ್ತದೆ ಎಂದು ಕೆಲವರು ಚಿಂತಿತರಾಗಿದ್ದಾರೆ. ಅಭಿಮಾನಿಯೊಬ್ಬರು ಟ್ವೀಟ್ ಮಾಡಿ, “ಶಾರುಖ್ ಖಾನ್, ಇದು ತುಂಬಾ ಕೆಟ್ಟದಾಗಿದೆ. ಯಾರೋ ನಿಮ್ಮ ಹೊಸ ಚಲನಚಿತ್ರ ಜವಾನ್ ಅನ್ನು ಇಂದು ಲೀಕ್ ಮಾಡಿದ್ದಾರೆ. ಇದು ಕಲೆಕ್ಷನ್ ಮೇಲೆ ಪರಿಣಾಮ ಬೀರಲಿದೆ. ದಯವಿಟ್ಟು ಏನಾದರೂ ಮಾಡಿ. ಜವಾನ್ ಚಲನಚಿತ್ರ ಇಂಟರ್ನೆಟ್‌ನಲ್ಲಿ ಲಭ್ಯವಿದೆ.” ಹೇಳಿದ್ದಾನೆ.
@ianuragthakur @iamsrk Which law have you made? Right now no one is following that law. Jawan Today has been released and after some time it has been leaked online.The film industry suffers huge losses due to movies being leaked online. pic.twitter.com/FSYKf4euch
— Tej saini (@Tejsaini13) September 7, 2023
ಟ್ವಿಟರ್‌ನಲ್ಲಿ ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಸಚಿವ ಅನುರಾಗ್ ಠಾಕೂರ್ ಮತ್ತು ಶಾರುಖ್ ಖಾನ್ ಅವರನ್ನು ಟ್ಯಾಗ್ ಮಾಡಿರುವ ಮತ್ತೊಬ್ಬರು, “ನೀವು ಯಾವ ಕಾನೂನನ್ನು ಮಾಡಿದ್ದೀರಿ? ಈಗ ಯಾರೂ ಆ ಕಾನೂನನ್ನು ಪಾಲಿಸುತ್ತಿಲ್ಲ. ಜವಾನ್ ಇಂದು ಬಿಡುಗಡೆಯಾಗಿದ್ದು, ಸ್ವಲ್ಪ ಸಮಯದ ನಂತರ ಆನ್‌ಲೈನ್‌ನಲ್ಲಿ ಲೀಕ್ ಆಗಿದೆ. ಆನ್‌ಲೈನ್‌ನಲ್ಲಿ ಚಲನಚಿತ್ರಗಳು ಸೋರಿಕೆಯಾಗುವುದರಿಂದ ಚಿತ್ರರಂಗವು ದೊಡ್ಡ ನಷ್ಟವನ್ನು ಅನುಭವಿಸುತ್ತದೆ” ಎಂದು ಹೇಳಿದ್ದಾರೆ.
ಸೌತ್‌ ಮಾಸ್, ನಾರ್ತ್ ಕ್ಲಾಸ್ ಮಿಕ್ಸ್‌; ʻಜವಾನ್ʼಗೆ ಫ್ಯಾನ್ಸ್‌ಗಳ ಜೈಕಾರ!
ಶಾರುಖ್ ಖಾನ್ ಅಭಿನಯದ (Jawan First Reviews) ʼಜವಾನ್ʼ ಚಿತ್ರ ಸೆಪ್ಟೆಂಬರ್‌ 7ರಂದು ವಿಶ್ವಾದ್ಯಂತ ತೆರೆ ಕಂಡಿದೆ. ಮುಂಜಾನೆ 5 ಗಂಟೆಗೆ ಪ್ರಥಮ ಪ್ರದರ್ಶನಗೊಂಡಿದೆ. ಬಿಡುಗಡೆಗೂ ಮುನ್ನವೇ ದಾಖಲೆಗಳನ್ನು ಉಡೀಸ್‌ ಮಾಡಿದ್ದ ಜವಾನ್ ಇದೀಗ ಪ್ರೇಕ್ಷಕರಿಂದ ಭಾರಿ ಮೆಚ್ಚುಗೆಗೆ ವ್ಯಕ್ತವಾಗಿದೆ. ಸಿನಿಮಾ ಬಿಡುಗಡೆ ಆದ ಕೂಡಲೇ ಶಾರುಖ್ ಅಭಿಮಾನಿಗಳು ಚಿತ್ರಮಂದಿರದ ಮುಂದೆ ಹುಚ್ಚೆದ್ದು ಕುಣಿದಿದ್ದಾರೆ. “ಜವಾನ್ ಒಂದು ಭಾವನಾತ್ಮಕ ರೋಲರ್ ಕೋಸ್ಟರ್ʼʼ ಎಂದು ಅಭಿಮಾನಿಯೊಬ್ಬರು ಹೊಗಳಿದ್ದಾರೆ.
ಕೆಲವು ಅಭಿಮಾನಿಗಳು ಮುಂಜಾನೆ ಹೌಸ್‌ಫುಲ್ ಶೋಗಳನ್ನು ತೋರಿಸುವ ವಿಡಿಯೊ ತುಣುಕುಗಳನ್ನು ಹಂಚಿಕೊಂಡಿದ್ದಾರೆ. ತುಂಬಿದ ಚಿತ್ರಮಂದಿರಗಳ ಮುಂದೆ ಅಭಿಮಾನಿಗಳು ಕುಣಿದು ಕುಪ್ಪಳಿಸಿ ಸಂಭ್ರಮಿಸುತ್ತಿದ್ದರು. ಟ್ವಿಟರ್‌ನಲ್ಲಿ ಅಭಿಮಾನಿಯೊಬ್ಬರು ʻʻಜವಾನ್ ಒಂದು ಭಾವನಾತ್ಮಕ ಪ್ಯಾಕೇಜ್‌ ಹೊಂದಿದೆ. ನಾನು ನೋಡಿದ ಅತ್ಯುತ್ತಮ ಬಾಲಿವುಡ್ ಮತ್ತು ಪ್ಯಾನ್ ಇಂಡಿಯಾ ಚಲನಚಿತ್ರಗಳಲ್ಲಿ ಇದು ಒಂದಾಗಿದೆ. ಯಾವುದೇ ಬಾಲಿವುಡ್ ಸ್ಟಾರ್ ಕ್ರೇಜ್ ಈ ರೀತಿ ಇದುವರೆಗೆ ನೋಡಿಲ್ಲ. ಜವಾನ್ ಬಾಕ್ಸ್ ಆಫೀಸ್ ನಲ್ಲಿ ಇತಿಹಾಸ ಸೃಷ್ಟಿಸುವುದು ಪಕ್ಕಾʼʼ ಎಂದು ಬರೆದುಕೊಂಡಿದ್ದಾರೆ.
ಮತ್ತೊಬ್ಬರು ʻ ಇಲ್ಲಿಯವರೆಗೆ ಜವಾನ್ ಚಿತ್ರವು ಕ್ಲಾಸ್ ಮತ್ತು ಮಾಸ್ ಪ್ರೇಕ್ಷಕರಿಗಾಗಿ ಎಂದಾಗಿತ್ತು. ದಕ್ಷಿಣ ಭಾರತದ ಮಾಸ್ಸಿ ಫ್ಲೇವರ್ ಮತ್ತು ನಾರ್ತ್ ಇಂಡಿಯನ್ ಕ್ಲಾಸಿ ಫ್ಲೇವರ್ ಇದರಲ್ಲಿದೆʼʼ ಎಂದು ಬಣ್ಣಿಸಿದ್ದಾರೆ. ʻʻಚಿತ್ರಕಥೆ ಅತ್ಯುತ್ತಮವಾಗಿದೆ. ಭಾವನೆಗಳು ಮತ್ತು ಪಾತ್ರಗಳನ್ನು ಕಟ್ಟಿಕೊಟ್ಟಿರುವುದು ಅದ್ಭುತ. ಇದು ನಿರ್ದೇಶಕ ಅಟ್ಲೀ ಮಾಸ್ಟರ್ ಪೀಸ್ʼʼ ಎಂದು ಇನ್ನೊಬ್ಬರು ಬರೆದುಕೊಂಡಿದ್ದಾರೆ.