ಮುಂಬೈ: ಮಲ್ಲಿಕಾ ಶರಾವತ್‌ ಅನೇಕ ಪಡ್ಡೆ ಹುಡುಗರ ನಿದ್ದೆ ಕೆಡಿಸಿದ ಬೆಡಗಿ. ಇಂದಿಗೂ ಈ ನಟಿಗೆ ಅವರದ್ದೇ ಆದ ದೊಡ್ಡ ಅಭಿಮಾನಿ ಬಳಗವಿದೆ. ಅಂದ ಹಾಗೆ ಈ ನಟಿಯ ಬಗ್ಗೆ ನಟ ಶಾರುಖ್‌ ಖಾನ್‌ (Shah Rukh Khan) ಡರ್ಟಿ ಜೋಕ್‌ ಒಂದನ್ನು ಮಾಡಿದ್ದಾರೆ. ಅದರ ವಿಡಿಯೊ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ.
ಹಲವು ವರ್ಷಗಳ ಹಿಂದೆ ಶಾರುಖ್‌ ಖಾನ್‌ ಅವರು ನಟಿಯರಾದ ರಾಣಿ ಮುಖರ್ಜಿ ಮತ್ತು ಕಾಜೊಲ್‌ ಅವರ ಜತೆ ಕಾಫಿ ವಿತ್‌ ಕರಣ್‌ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಆಗ ಕರಣ್‌ ಅವರು ಶಾರುಖ್‌ಗೆ ಹಲವು ಪ್ರಶ್ನೆಗಳನ್ನು ಕೇಳಿದ್ದರು. ಅದರಲ್ಲಿ “ಒಂದು ವೇಳೆ ನಿಮ್ಮ ಮಗ ಆರ್ಯನ್‌ ನಟಿ ಮಲ್ಲಿಕಾ ಶರಾವತ್‌ ಮೇಲೆ ಕ್ರಷ್‌ ಬೆಳೆಸಿಕೊಂಡರೆ ಅವರಿಗೆ ಏನೆಂದು ಸಲಹೆ ಕೊಡುತ್ತೀರಾ?” ಎನ್ನುವ ಪ್ರಶ್ನೆಯೂ ಇತ್ತು.
ಇದನ್ನೂ ಓದಿ: Shah Rukh Khan : ಶಾರುಖ್‌ ಖಾನ್‌ ಪತ್ನಿ ಗೌರಿ ವಿನ್ಯಾಸಕಿ ಆಗಿದ್ದು ಏಕೆ? ಕಷ್ಟದ ದಿನಗಳನ್ನು ತೆರೆದಿಟ್ಟ ನಟ
ಈ ಪ್ರಶ್ನೆಗೆ ಉತ್ತರಿಸಿದ ಶಾರುಖ್‌, “ಮಲ್ಲಿಕಾ ಯೌವನದ ನಟಿ. ಒಂದು ವೇಳೆ ಆರ್ಯನ್‌ ಆಕೆಯ ಮೇಲೆ ಕ್ರಷ್‌ ಬೆಳೆಸಿಕೊಂಡರೆ ಆತ ಆಕೆಯೊಂದಿಗೆ ಆಟವಾಡುತ್ತಿರುತ್ತಾನೆ. ಹಾಗಾಗಿ ನಾನು ಅವನಿಗೆ ನಾನೂ ಮಲ್ಲಿಕಾ ಜತೆ ಆಟವಾಡಬಹುದೇ ಎಂದು ಕೇಳುತ್ತೇನೆ” ಎಂದು ಹೇಳಿದ್ದರು.
ಈ ಉತ್ತರ ಬರುತ್ತಿದ್ದಂತೆಯೇ ಅಲ್ಲಿದ್ದವರೆಲ್ಲರೂ ನಗುವಿನ ಅಲೆ ಎಬ್ಬಿಸಿದ್ದರು. ಕಾಜೊಲ್‌ ಈ ಹಾಸ್ಯಕ್ಕೆ “ಎಕ್ಸ್ಟ್ರೀಮ್ಲಿ ಗ್ರಾಸ್‌” ಎಂದು ಹೇಳಿದ್ದರೆ, ರಾಣಿ ಅವರು “ಸ್ವೀಟ್‌” ಎಂದು ಪ್ರತಿಕ್ರಿಯಿಸಿದ್ದರು.
ಇದನ್ನೂ ಓದಿ: Shah Rukh Khan: ಮತ್ತೆ ಶೂಟಿಂಗ್‌ನಲ್ಲಿ ಬ್ಯುಸಿಯಾದ್ರಾ ಶಾರುಖ್‌? ಫೋಟೊ ವೈರಲ್‌
ಈ ದೃಶ್ಯವಿರುವ ವಿಡಿಯೊ ಇದೀಗ ಮತ್ತೆ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ಸುದ್ದಿಯಾಗುತ್ತಿದೆ. ಅನೇಕರು ಶಾರುಖ್‌ ಅವರ ಉತ್ತರದ ಬಗ್ಗೆ ಬೈಯುತ್ತಿದ್ದರೆ, ಹಲವರು ಕರಣ್‌ ಅವರು ಕೇಳಿದ ಪ್ರಶ್ನೆಯೇ ಅಸಹ್ಯವಾಗಿತ್ತು. ಟಿಆರ್‌ಪಿಗೋಸ್ಕರ ಅಸಹ್ಯ ಮೂಡಿಸುವ ಪ್ರಶ್ನೆಗಳನ್ನು ಕೇಳಿದ್ದಾರೆ ಎಂದು ದೂರಲಾರಂಭಿಸಿದ್ದಾರೆ.