ಬೆಂಗಳೂರು: ʻಬಿಗ್ ಬಾಸ್’ ಬೆಡಗಿ ತನಿಷಾ ಕುಪ್ಪಂಡ (Tanisha Kuppanda) ದೊಡ್ಮನೆ ಆಟ ಮುಗಿದ ಮೇಲೆ ನಟನೆ, ಉದ್ಯಮ ಕ್ಷೇತ್ರಗಳಲ್ಲಿ ಬ್ಯುಸಿಯಾಗಿದ್ದಾರೆ. ‘ನನ್ನಮ್ಮ ಸೂಪರ್ ಸ್ಟಾರ್-3’ರಲ್ಲಿ (Nanamma Super Star 3) ತನಿಷಾ ಭಾಗಿಯಾಗಿದ್ದರು. ಇದೀಗ ಅಮ್ಮನ ಬರ್ತಡೇ ದಿನವನ್ನು ಆಚರಿಸಿ, ʻನನ್ನ ತಾಯಿ ಮಾತ್ರವಲ್ಲ ಅವಳು ನನ್ನ ಮಗುʼಎಂದು ಇನ್‌ಸ್ಟಾದಲ್ಲಿ ಫೋಟೊ ಶೇರ್‌ ಮಾಡಿಕೊಂಡಿದ್ದಾರೆ.
ತನಿಷಾ ಅಮ್ಮನ ಫೋಟೊ ಶೇರ್‌ ಮಾಡಿಕೊಂಡು ʻʻನನ್ನ ಸ್ಟ್ರಾಂಗ್‌ ಲೇಡಿ ಲೀಲಾ ಕುಪ್ಪಂಡ. ಅವಳು ನನ್ನ ತಾಯಿ ಮಾತ್ರವಲ್ಲ ಅವಳು ನನ್ನ ಮಗು. ನನ್ನ ಮಗುನ ನಾನು ಚೆನ್ನಾಗ ನೋಡ್ಕೋತೀನೋ ಇಲ್ವೋ ಗೊತ್ತಿಲ್ಲಆದರೆ ನಾನು ನನ್ನ ಲೀಲುವನ್ನು ಸಾಧ್ಯವಾದಷ್ಟು ಉತ್ತಮ ರೀತಿಯಲ್ಲಿ ನೋಡಿಕೊಳ್ಳುತ್ತಿದ್ದೇನೆ. ನನ್ನ ಮಗುವಿಗೆ ಜನ್ಮದಿನದ ಶುಭಾಶಯಗಳು. ಐ ಲವ್ ಯು ಅಮ್ಮ. ಕುಶಿ ಕುಶಿ ಆಗಿರು ನನ್ನಮ್ಮ. ಲವ್ ಯು ಲೀಲಾವತಿʼʼ ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: WPL 2024: ಪ್ಲೇ ಆಫ್ ಪ್ರವೇಶಿಸಿದ ಹಾಲಿ ಚಾಂಪಿಯನ್ ಮುಂಬೈ; ನೂತನ ಅಂಕಪಟ್ಟಿ ಹೇಗಿದೆ?
ಇತ್ತೀಚೆಗೆ ತನಿಷಾ ಮತ್ತು ಕಾರ್ತಿಕ್ (Karthik Mahesh) ಸಿನಿಮಾ ಮಾಡುವ ಕುರಿತಂತೆ ಮಾತನಾಡಿದ್ದರು. ಈ ಕುರಿತು ಸ್ವತಃ ತನಿಷಾ ಅವರೇ ಮಾಧ್ಯಮಗಳ ಮುಂದೆ ಹೇಳಿಕೆ ನೀಡಿದ್ದರು. ನಮ್ಮದೇ ಬ್ಯಾನರ್‌ನಲ್ಲಿ ಪುಟ್ಟ ಪ್ರಾಜೆಕ್ಟ್‌ವೊಂದನ್ನು ಮಾಡಲು ಹೊರಟ್ಟಿದ್ದೇನೆ. ಕಾರ್ತಿಕ್ ಅವರ ಕಾಲ್‌ಶೀಟ್ ಕೇಳಿದ್ದೇವೆ ಎಂದಿದ್ದರು.
ಮಂಗಳ ಗೌರಿ ಮದುವೆ ಧಾರಾವಾಹಿ ಮೂಲಕ ಮನೆ ಮಾತನಾಗಿದ್ದ ನಟಿ ತನಿಷಾ ಕುಪ್ಪಂಡ ಪೆಂಟಂಗನ್‌ ಸಿನಿಮಾದಲ್ಲಿ ಬೋಲ್ಡ್ ಅವತಾರದಲ್ಲಿ ಕಾಣಿಸಿಕೊಂಡು ಸುದ್ದಿಯಾಗಿದ್ದರು. ಬೋಲ್ಡ್ ಲುಕ್‌ನಲ್ಲಿ ಲಿಪ್‌ಲಾಕ್‌, ಬ್ಯಾಕ್‌ಲೆಸ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.ಈ ಸಿನಿಮಾದ ಕಾಮನ ಬಿಲ್ಲು ಹಾಡಿನಲ್ಲಿ ಹಾಟ್ ಆಗಿ ಕಾಣಿಸಿಕೊಂಡಿದ್ದರು ತನಿಷಾ. ಇದು ನಟಿಯ ಬಗ್ಗೆ ಸಾಕಷ್ಟು ಚರ್ಚೆಯಾಗಿತ್ತು.
ಸಂದರ್ಶನ ವೇಳೆ ನೀವು ನ್ಯೂಡ್ ಫಿಲ್ಮ್‌ ಮಾಡುತ್ತೀರಾ ಎಂಬ ಪ್ರಶ್ನೆಗೆ ನಟಿ ಮುಜುಗರದ ಸನ್ನಿವೇಶಕ್ಕೆ ಒಳಗಾಗಿದ್ದರು. ನಿಷಾ ಮಾತನಾಡಿ ʻʻಸಿನಿಮಾದಲ್ಲಿ ಬೋಲ್ಡ್ ಆಗಿ ನಟಿಸಿರುವ ಮಾತ್ರಕ್ಕೆ ಆ ಪ್ರಶ್ನೆ ಕೇಳಿದ್ದು ಸರಿ ಅಲ್ಲ. ಸುಶಾನ್ ಎಂಬ ವ್ಯಕ್ತಿ ನನಗೆ ಇಂಟರ್ವ್ಯೂ ಕೇಳಿದ್ದ. ಅವರು ಪ್ರಶ್ನೆ ಕೇಳುವ ರೀತಿ, ಮಾತನಾಡುವ ರೀತಿ ಇಷ್ಟ ಆಗಿರಲಿಲ್ಲ. ಹಲವು ಧಾರಾವಾಹಿಗಳು ಮಾಡಿ ಸಿನಿಮಾದಲ್ಲಿ ಗುರುತಿಸಿಕೊಳ್ಳುವ ಪ್ರಯತ್ನ ಮಾಡುತ್ತಿದ್ದೇನೆ. ಆದರೆ ಈ ರೀತಿ ಅನುಭವ ಮೊದಲ ಬಾರಿಗೆ ನನಗೆ ಆಗಿದೆ. ಕಷ್ಟ ಪಟ್ಟು ಕೆಲಸ ಮಾಡುವವರಿಗೆ ಈ ರೀತಿ ಪ್ರಶ್ನೆಗಳು ಯಾಕೆ..? ಬ್ಯಾಕ್ ಲೆಸ್ ಬೋಲ್ಡ್ ಸೀನ್ ಮಾಡುವ ಮುನ್ನ ಏನು ತಯಾರಿ ಮಾಡ್ಕೋತ್ತೀರಾ ಎಂದು ಒಬ್ಬರು ಕೇಳಿದದು ಅದಕ್ಕೂ ಉತ್ತರ ಕೊಟ್ಟಿದೆ. ಪ್ರಶ್ನೆ ಕೇಳುವ ಹಾವ ಭಾವ ಸರಿ ಇರಬೇಕು. ಈತನ ಉದ್ದೇಶ ಟ್ರೆಂಡಿಂಗ್‌ನಲ್ಲಿ ಇರುವುದು. ಪಬ್ಲಿಸಿಟಿ ಗಿಮಿಕ್ ಅಲ್ಲಾ ಇದು. ನಮ್ಮ ತಾಯಿ ತುಂಬಾ ಸೆನ್ಸಿಟಿವ್. ಕಳೆದ ಬಾರಿ 4 ದಿನಗಳ ಕಾಲ ಕೋಮಾದಲ್ಲಿ ಇದ್ದರು ನಮ್ಮ ತಾಯಿ. ಈ ವಿಷಯ ಕೇಳಿ ಅವರು ಬೇಜಾರಾಗಿದ್ದಾರೆ. ದುಡ್ಡು ಮಾಡುವ ಅಗತ್ಯ ನನಗಿಲ್ಲʼʼ ಎಂದು ಭಾವುಕರಾಗಿದ್ದರು.