ಬೆಂಗಳೂರು : ಆಲಿಯಾ ಭಟ್ ಮತ್ತು ರಣಬೀರ್ ಕಪೂರ್ ಮದುವೆ ಆದ ಬಳಿಕ ಇದೇ ಮೊದಲ ಬಾರಿ ಒಟ್ಟಿಗೆ ತೆರೆಯ ಮೇಲೆ ಕಾಣಿಸಿಕೊಳ್ಳುತ್ತಿದ್ದಾರೆ. ಬಾಲಿವುಡ್‌ ಕ್ಯೂಟ್‌ ಕಪಲ್‌ ಎಂದೇ ಪ್ರಸಿದ್ಧಿ ಪಡೆದ ಈ ಜೋಡಿ ʼಬ್ರಹ್ಮಾಸ್ತ್ರ ʼ ಟೀಸರ್‌ ಮೂಲಕ ಸಕತ್‌ ಸುದ್ದಿಯಲ್ಲಿದ್ದಾರೆ. ಪ್ಯಾನ್‌ ಇಂಡಿಯಾ ಸಿನಿಮಾಗಳದ್ದೇ ಹವಾ ಇರುವ ಕಾರಣ, ಐದು ಭಾಷೆಗಳಿಗಿಂತ ಹೆಚ್ಚು ಭಾಷೆಗಳಲ್ಲಿ ಸಿನಿಮಾ ರಿಲೀಸ್‌ ಆಗುತ್ತಿದೆ.
ಬ್ರಹ್ಮಾಸ್ತ್ರ ಸಿನಿಮಾದಿಂದ ಪ್ರೇಕ್ಷಕರಿಗೆ ಗುಡ್‌ ನ್ಯೂಸ್‌ :
ಬ್ರಹ್ಮಾಸ್ತ್ರ ಸಿನಿಮಾ ರಿಲೀಸ್‌ ಆಗಲು ಇನ್ನೂ 100 ದಿನ ಬಾಕಿ ಇದೆ. ಟ್ವೀಟರ್‌ನಲ್ಲಿ ಹೆಚ್ಚು ಸುದ್ದಿಯಾಗುತ್ತಿದ್ದು, ಸ್ಪೆಷಲ್‌ ವಿಡಿಯೋವೊಂದನ್ನು ರಿಲೀಸ್‌ ಮಾಡುವುದರ ಮೂಲಕ ಫ್ಯಾನ್ಸ್‌ಗೆ ಸಕತ್‌ ನ್ಯೂಸ್‌ ಚಿತ್ರತಂಡ ನೀಡಿದೆ. ಟ್ರೈಲರ್‌ ಕೂಡ ಜೂನ್‌ 15 ರಂದು ರಿಲೀಸ್‌ ಆಗುತ್ತಿದೆ ಎಂದು ಹೇಳಿಕೊಂಡಿದೆ.
ಇದನ್ನೂ ಓದಿ | ಕರಣ್ ಜೋಹರ್ @ 50: ಯಶ್ ರಾಜ್ ಸ್ಟುಡಿಯೋದಲ್ಲಿ ಬಾಲಿವುಡ್‌ ನೈಟ್ಸ್‌
ಟೀಸರ್‌ ಸಕತ್‌ ಹವಾ:
ಮೊದಲ ಭಾಗಕ್ಕೆ ʼಬ್ರಹ್ಮಾಸ್ತ್ರ : ಪಾರ್ಟ್‌ ಒನ್‌ ಶಿವʼ ಎಂದು ಶೀರ್ಷಿಕೆ ಇಡಲಾಗಿದೆ. ಇದರಲ್ಲಿ ರಣಬೀರ್ ಕಪೂರ್ ಅವರು ಶಿವನ ಗೆಟ್‌ಆಪ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ರಣಬೀರ್ ಮತ್ತು ಪ್ರತೀ ಪಾತ್ರಗಳ ಲುಕ್‌ ಕೂಡ ಕ್ಯೂರಿಯಾಸಿಟಿಯನ್ನು ಅಭಿಮಾನಿಗಳಿಗೆ ಹುಟ್ಟಿಸಿದೆ. ಬಾಲಿವುಡ್‌ನಲ್ಲಿ ಆಲಿಯಾ ಭಟ್ RRRನಲ್ಲಿ ನಟಿಸುವ ಮೂಲಕ ದಕ್ಷಿಣ ಭಾರತದ ಚಿತ್ರರಂಗಕ್ಕೆ ಕಾಲಿಟ್ಟಿದ್ದಾರೆ.
ಇದನ್ನೂ ಓದಿ | ರಣಬೀರ್ ಕಪೂರ್-ಆಲಿಯಾ ಭಟ್ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಸುಮಧುರ ಕ್ಷಣಗಳು…
ಕನ್ನಡದಲ್ಲೇ ಟ್ವೀಟ್‌ ಮಾಡಿದ ಆಲಿಯಾ :
ʼಬ್ರಹ್ಮಾಂಡದಲ್ಲಿ ಮಹಾಶಕ್ತಿಶಾಲಿಯಾದ ಅಸ್ತ್ರವೊಂದನ್ನು ಉದ್ಭವಿಸಲಿದೆ. ಮಹಾಯೋಧನೊಬ್ಬನ ಉದಯವಾಗಲಿದೆ. introducing Shiva ಎಂದು ಬರೆದುಕೊಂಡಿದ್ದಾರೆ.ʼ ಈ ಹಿಂದೆ ಕೂಡ ಆಲಿಯಾ RRR ಸಿನಿಮಾ ಪ್ರಚಾರಕ್ಕೆ ಬೆಂಗಳೂರಿಗೆ ಬಂದಿದ್ದರು. ʼಸಡಕ್‌-2ʼ ಚಿತ್ರದ ಚಿತ್ರೀಕರಣಕ್ಕೆ ಮೈಸೂರಿಗೆ ಬಂದಿದ್ದರು. ಇದೀಗ ಕನ್ನಡದಲ್ಲಿ ಟ್ವೀಟ್‌ ಮಾಡಿ ಕನ್ನಡಿಗರಿಂದ ಭಾರಿ ಪ್ರಶಂಸೆಗೆ ಒಳಗಾಗಿದ್ದಾರೆ ಆಲಿಯಾ.
VFX ಹೊಗಳಿದ ನೆಟ್ಟಿಗರು :
ಬ್ರಹ್ಮಾಸ್ತ್ರ VFX ಕುರುತಿ ಟ್ವೀಟರ್‌ನಲ್ಲಿ ಭಾರಿ ಚರ್ಚೆಗಳು ಪ್ರಾರಂಭವಾಗಿತ್ತು. ಅಷ್ಟೇ ಅಲ್ಲದೇ ಇಡೀ ಬಾಲಿವುಡ್‌ ಸಿನಿಮಾದಲ್ಲಿ ಇಂತಹ VFX ಬಳಸಿರುವುದನ್ನು ನಾವು ಕಂಡೇ ಇಲ್ಲ, ತುಂಬಾ ಅದ್ಭುತವಾಗಿದೆ. ನಿರೀಕ್ಷೆಗಳು ಜಾಸ್ತಿಯಾಗಿದ್ದು, ಬಿಡುಗಡೆಗೆ ಕಾಯುತ್ತಿರುವುದಾಗಿ ಟ್ವೀಟ್‌ ಮಾಡುತ್ತಿದ್ದಾರೆ.
ಭಾರಿ ಸಂಭಾವನೆ ಪಡೆದುಕೊಂಡ ರಣಬೀರ ಮತ್ತು ಆಲಿಯಾ :
ಅಯಾನ್‌ ಮುಖರ್ಜಿ ನಿರ್ದೇಶನದ ಈ ಸಿನಿಮಾದಲ್ಲಿ ರಣಬೀರ್ ಮತ್ತು ಆಲಿಯಾ ಭಟ್ ಹಾಗೂ ಅಮಿತಾಬ್‌ ಬಚ್ಚನ್‌, ಮೌನಿ ರಾಯ್‌, ನಾಗಾರ್ಜುನ ಸೇರಿದಂತೆ ಅನೇಕ ಕಲಾವಿದರು ಬಣ್ಣ ಹಚ್ಚಿದ್ದಾರೆ. 2018 ರಲ್ಲಿಯೇ ಸೆಟ್ಟಿಗೇರಿದ ಈ ಸಿನಿಮಾ ಈಗಷ್ಟೇ ಚಿತ್ರೀಕರಣ ಕಂಪ್ಲೀಟ್‌ ಮಾಡಿದೆ. ರಣಬೀರ್ ಕಪೂರ್ ಬರೋಬ್ಬರಿ 30 ಕೋಟಿ ಸಂಭಾವನೆ ಪಡೆದಿದ್ದಾರೆ ಎನ್ನಲಾಗಿದೆ. ಮತ್ತು ನಟಿ ಆಲಿಯಾ 12 ಕೋಟಿ ಸಂಭಾವನೆ ಪಡೆದಿದ್ದಾರೆ.
ಬ್ರಹ್ಮಾಸ್ತ್ರದ ಪ್ರಚಾರದ ಸದ್ದು :
ಚಿತ್ರದ ಪ್ರಚಾರಕ್ಕಾಗಿ ರಣಬೀರ್ ಕಪೂರ್ ವಿಶಾಖಪಟ್ಟಣಕ್ಕೆ ತೆರಳಿದ್ದರು. ಅಷ್ಟೇ ಅಲ್ಲದೇ ನಿರ್ದೇಶಕ ರಾಜಮೌಳಿ ಕೂಡ ಭಾಗಿಯಾಗಿರುವುದು ಇನ್ನೂ ವಿಶೇಷ. ಈ ಚಿತ್ರದ ʼಕೇಸರಿಯಾʼ, ತೆಲಗು ವರ್ಷನಲ್ಲಿ ಮೆಚ್ಚುಗೆಯನ್ನು ಗಲಳಿಸಿರುವದರ ಬಗ್ಗೆ ಹೇಳಿಕೊಂಡಿದ್ದಾರೆ. ಅಭಿಮಾನಿಗಳು ಕೂಡ ರಣಬೀರ್ ಭೇಟಿ ಆಗಲು ಮುಗಿ ಬಿದ್ದಿದ್ದು, ರಣಬೀರ್ ಮತ್ತು ರಾಜಮೌಳಿಯವರನ್ನು ಹೂವಿನ ಪೆಟಲ್ಸ್‌ನಿಂದ ಸ್ವಾಗತಿಸಿದ್ದಾರೆ.
ಈ ಸಿನಿಮಾದ ಶೂಟಿಂಗ್‌ ವೇಳೆ ರಣಬೀರ್ ಮತ್ತು ಆಲಿಯಾ ಲವ್‌ ಜರ್ನಿ ಶುರುವಾಗಿತ್ತು ಎಂಬ ಗಾಸಿಪ್‌ ಕೂಡ ಬಾಲಿವುಡ್‌ನಲ್ಲಿ ಹರಿದಾಡುತ್ತಿದೆ. ಇದೀಗ ಸಿನಿಮಾದ ಮೊದಲ ಭಾಗ ಸೆಪ್ಟೆಂಬರ್‌ 9 ರಂದು ದೇಶದಾದ್ಯಂತ ಬಿಡುಗಡೆಗೊಳ್ಳುತ್ತಿದೆ.
ಇದನ್ನೂ ಓದಿ | ದೇಶ ಎತ್ತ ಸಾಗುತ್ತಿದೆ?: ಟ್ವಿಟ್ಟರ್‌ನಲ್ಲಿ ಪ್ರಶ್ನಿಸಿದ ಹಿಜಾಬ್‌ ಯುವತಿ ಆಲಿಯಾ