Site icon Vistara News

Captain Miller: ಧನುಷ್- ಶಿವರಾಜ್‌ಕುಮಾರ್‌ ನಟನೆಯ ತಮಿಳು ಸಿನಿಮಾ ರಿಲೀಸ್‌ ಡೇಟ್‌ ಅನೌನ್ಸ್‌!

Yashaswi Devadiga
Captain Miller new release date

ಬೆಂಗಳೂರು; ಧನುಷ್ ಹಾಗೂ ಶಿವರಾಜ್‌ಕುಮಾರ್‌ ಅಭಿನಯದ ದೊಡ್ಡ-ಬಜೆಟ್ ಚಿತ್ರ ಕ್ಯಾಪ್ಟನ್ ಮಿಲ್ಲರ್ (Captain Miller ) ಬಿಡುಗಡೆ ದಿನಾಂಕ ರಿವೀಲ್‌ ಆಗಿದೆ. ಈ ಮೊದಲು ಡಿಸೆಂಬರ್ 15 ರಂದು ಚಿತ್ರ ಬಿಡುಗಡೆಯಾಗಲಿದೆ ಎಂದು ಘೋಷಿಸಲಾಗಿತ್ತು. ‘ಕ್ಯಾಪ್ಟನ್ ಮಿಲ್ಲರ್’ ಸಿನಿಮಾವನ್ನು 2024ರ ಸಂಕ್ರಾಂತಿಗೆ ಬಿಡುಗಡೆ ಮಾಡಲಾಗುತ್ತಿದೆ. ಅಂದರೆ ಜನವರಿ 15ಕ್ಕೆ ಅಥವಾ 14 ಕ್ಕೆ ಸಿನಿಮಾ ಬಿಡುಗಡೆ ಆಗಲಿದೆ. ಸಿನಿಮಾದ ಬಿಡುಗಡೆ ದಿನಾಂಕವನ್ನು ನಿರ್ಮಾಣ ಸಂಸ್ಥೆಯಾದ ಸತ್ಯಜ್ಯೋತಿ ಫಿಲಮ್ಸ್‌​ ಘೋಷಣೆ ಮಾಡಿದೆ.

ಇದೇ ಮೊದಲ ಬಾರಿಗೆ ಪ್ರಿಯಾಂಕಾ ಮೋಹನ್ ಅವರ ಲುಕ್ ಕೂಡ ಅನಾವರಣಗೊಂಡಿದೆ. ಈಗಾಗಲೇ ಸಿನಿಮಾದ ಟೀಸರ್‌ ಅನಾವರಣಗೊಂಡಿದ್ದು, 61 ನೇ ವಯಸಿನಲ್ಲೂ ಕ್ಯಾಪ್ಟನ್ ಮಿಲ್ಲರ್ ಸಿನಿಮಾದಲ್ಲಿ ಕುದುರೆ ಸವಾರಿ ಮಾಡಿ ಸಿನಿಪ್ರೆಕ್ಷಕರ ಗಮನ ಸೆಳೆದಿದ್ದರು ಶಿವಣ್ಣ.

ಬ್ರಿಟಿಷರ ವಿರುದ್ಧ ಹೋರಾಡುವ ಕ್ಯಾಪ್ಟನ್ ಆಗಿ ಧನುಷ್ ಮಿಂಚಿದ್ದಾರೆ. ಎಂದೂ ನಟಿಸಿರದ ಪಾತ್ರದಲ್ಲಿ ನಟ ಕಾಣಿಸಿಕೊಂಡಿದ್ದಾರೆ. ಕ್ಯಾಪ್ಟನ್ ಮಿಲ್ಲರ್ ಅರುಣ್ ಮಾಥೇಶ್ವರನ್ ನಿರ್ದೇಶಿಸಿದ್ದು, ಜಿವಿ ಪ್ರಕಾಶ್ ಸಂಗೀತ ಸಂಯೋಜಿಸಿದ್ದಾರೆ. ಚಿತ್ರದಲ್ಲಿ ಧನುಷ್ ದ್ವಿಪಾತ್ರದಲ್ಲಿ ನಟಿಸುತ್ತಿದ್ದಾರೆ ಎಂಬ ಮಾತು ಕೇಳಿಬರುತ್ತಿದೆ. ಅವರು ತಂದೆ ಮತ್ತು ಮಗನಾಗಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ವರದಿಯಾಗಿದೆ. ಇದರಲ್ಲಿ ಶಿವರಾಜ್‌ ಕುಮಾರ್, ಪ್ರಿಯಾಂಕಾ ಮೋಹನ್, ನಿವೇದಿತಾ ಸತೀಶ್, ಜಾನ್ ಕೊಕ್ಕೆನ್ ಮತ್ತು ಮೂರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

ಇದನ್ನೂ ಓದಿ: Captain Miller: ಎರಡು ಚಾಪ್ಟರ್‌ಗಳಲ್ಲಿ ಬರಲಿದೆ ಕ್ಯಾಪ್ಟನ್ ಮಿಲ್ಲರ್? ಪ್ರಮುಖ ಪಾತ್ರದಲ್ಲಿ ಶಿವಣ್ಣ!

ಕ್ಯಾಪ್ಟನ್ ಮಿಲ್ಲರ್ ಚಿತ್ರದಲ್ಲಿ ಧನುಷ್ ಒಟ್ಟು ಮೂರು ಲುಕ್‌ಗಳಲ್ಲಿ ಕಾಣಿಸಿಕೊಂಡಿದ್ದಾರೆ ಎಂದು ಅರುಣ್ ಬಹಿರಂಗಪಡಿಸಿದ್ದರು. “ಚಿತ್ರದಲ್ಲಿ ಧನುಷ್ ಮೂರು ಗೆಟಪ್‌ಗಳನ್ನು ಹೊಂದಿರುತ್ತಾರೆ. ಮೊದಲ ಪೋಸ್ಟರ್ ಈ ಲುಕ್‌. ಉಳಿದವುಗಳನ್ನು ಮುಂದಿನ ಪ್ರಚಾರದ ಸಮಯದಲ್ಲಿ ಬಿಡುಗಡೆ ಮಾಡಲಾಗುತ್ತದೆ. 85ರಷ್ಟು ಚಿತ್ರೀಕರಣ ಈಗಾಗಲೇ ಮುಗಿದಿದೆ. ಶಿವ ರಾಜ್‌ಕುಮಾರ್ ಅವರ ಭಾಗಗಳನ್ನು ಸಹ ಶೂಟಿಂಗ್‌ ಮುಗಿಸಿದ್ದೇವೆʼʼ ಎಂದಿದ್ದರು. ಚಿತ್ರದಲ್ಲಿ ನಟ ಧನುಷ್ (Actor Dhanush ) ಜತೆ ಶಿವಣ್ಣ ಸ್ಕ್ರೀನ್ ಶೇರ್ ಮಾಡಲಿದ್ದಾರೆ. ಧನುಷ್ ಅಣ್ಣನ ಪಾತ್ರದಲ್ಲಿ ಶಿವಣ್ಣ ಕಾಣಿಸಿಕೊಳ್ಳಲಿದ್ದಾರೆ.

‘ಜೈಲರ್’ ಸಿನಿಮಾದಿಂದ ತಮಿಳಿನಲ್ಲಿ ಅಭಿಮಾನಿ ವರ್ಗ ಶಿವಣ್ಣನಿಗೆ ಹೆಚ್ಚಾಗಿದೆ. ಈಗಾಗಲೇ ಕಮಲ್‌ ಹಾಸ್‌ ಜತೆ ಶಿವಣ್ಣ ಸಿನಿಮಾ ಮಾಡಲು ಮುಂದಾಗಿದ್ದಾರೆ ಎಂದು ವರದಿಯಾಗಿದೆ.

Exit mobile version