ಬೆಂಗಳೂರು: ಕನ್ನಡ ಚಿತ್ರರಂಗದಲ್ಲಿ ಅದೆಷ್ಟೋ ಮಕ್ಕಳ ಚಿತ್ರಗಳು (Children Movie) ಈಗಲೂ ಧ್ವನಿಸುತ್ತಿದೆ. ಇದೀಗ ಚಿತ್ರರಂಗದಲ್ಲಿ ಫೀನಿಕ್ಸ್‌ ಫಿಲ್ಮ್ಸ್‌ ಬ್ಯಾನರ್‌ ಅಡಿ ಮಕ್ಕಳ ಚಿತ್ರವೊಂದು ಸೆಟ್ಟೇರಲು ಸಜ್ಜಾಗಿದೆ. ʻʻದಿ ಜರ್ನಿ ಆಫ್‌ ಬೆಳ್ಳಿʼʼ ಮಕ್ಕಳ ಸಿನಿಮಾದ ಶೀರ್ಷಿಕೆ ಪೋಸ್ಟರ್‌ ಒಂದನ್ನು ಬಿಡುಗಡೆ ಮಾಡಿದೆ.
ಈ ಚಿತ್ರಕ್ಕೆ ಗೌರಿ ಶ್ರೀನಿವಾಸ್‌ ಆ್ಯಕ್ಷನ್‌ ಕಟ್‌ ಹೇಳುತ್ತಿದ್ದು, ಮಹೇಂದ್ರ ಕುಮಾರ್‌ ಸಿನಿಮಾ ನಿರ್ಮಾಣ ಮಾಡುತ್ತಿದ್ದಾರೆ. ಈ ಚಿತ್ರ ಸುಮಾರು ಎರಡು ಗಂಟೆಯ ಅವಧಿಯ ಸಿನಿಮಾ ಆಗಿದೆ ಎಂದು ಚಿತ್ರತಂಡ ಹೇಳಿಕೊಂಡಿದೆ. ಮಂಗಳೂರಿನವರಾದ ಮಹೆಂದ್ರ ಕುಮಾರ್‌ ಈಗಾಗಲೇ ಕಲ್ಕುಡ ಕಲ್ಲುರ್ಟಿ ಜೀವನ ಚರಿತ್ರೆಯನ್ನಿಟ್ಟುಕೊಂಡು ಸಿನಿಮಾ ಮಾಡಿದ್ದಾರೆ. ʻಕಾರ್ನಿಕೊದ ಕಲ್ಲುರ್ಟಿʼ ಐತಿಹಾಸಿಕ ತುಳು ಸಿನಿಮಾವನ್ನು ಈ ಹಿಂದೆ ನಿರ್ಮಿಸಿದ್ದರು.
ಇದನ್ನೂ ಓದಿ | Powerful Kannada Movies | ಈ ಹಳೇ ಕನ್ನಡ ಸಿನಿಮಾಗಳಿಗೂ ಪ್ಯಾನ್ ಇಂಡಿಯಾ ಖದರು ಇತ್ತು!
ನಿರ್ದೇಶಕಿ ಗೌರಿ ಶ್ರೀನಿವಾಸ್‌ ಲಿಚ್ಚಿ ಸಂಸ್ಥೆಯ ಸಂಸ್ಥಾಪಕರಾಗಿದ್ದು, ಇವರು ಹಲವು ಸಾಕ್ಷ್ಯ ಚಿತ್ರ, ಚಲನಚನಚಿತ್ರಗಳನ್ನು ನಿರ್ದೇಶಿಸಿ, ನಿರ್ಮಾಣವನ್ನು ಮಾಡಿದ್ದಾರೆ. ಈ ಚಿತ್ರ ಮಗುವಿನ ಪ್ರಯಾಣವಾಗಿದ್ದು, ಮಗು ತನ್ನದೇ ಆದ ಪ್ರಪಂಚದಲ್ಲಿ ತಿಳಿಯದ ಪ್ರಶ್ನೆಗಳಿಗೆ ಉತ್ತರ ಹುಡುಕುವ ಕಥಾ ಹಂದರವನ್ನು ಹೊಂದಿದೆ. ಕೊಡಗಿನಲ್ಲಿ ಚಿತ್ರೀಕರಣ ನಡೆಯಲಿದೆ. ಮೋಹನ್‌ ರಂಗ ಕಹಳೆ ಅವರ ಛಾಯಾಗ್ರಹಣವಿದೆ.
ಇದನ್ನೂ ಓದಿ | Liger | ಲೈಗರ್ ಸಿನಿಮಾದ ಥೀಮ್ ಸಾಂಗ್ ರಿಲೀಸ್‌: ಸಖತ್‌ ಮಾಸ್‌ ಸಾಂಗ್ ಎಂದ ಫ್ಯಾನ್ಸ್‌