ಬೆಂಗಳೂರು: ತಾಲ್ ಮತ್ತು ಚೋರಿ ಚೋರಿ ಚುಪ್ಕೆ ಚುಪ್ಕೆ ಸಿನಿಮಾ (Chori Chori Chupke Chupke) ಖ್ಯಾತಿಯ ಹಿರಿಯ ನಟಿ ಭೈರವಿ ವೈದ್ಯ ನಿಧನರಾಗಿದ್ದಾರೆ. ಅವರಿಗೆ ಕೇವಲ 67 ವರ್ಷ ವಯಸ್ಸಾಗಿತ್ತು. ಕ್ಯಾನ್ಸರ್ ಕಾಯಿಲೆಗೆ ನಟಿ ತುತ್ತಾಗಿದ್ದರು ಎಂದು ವರದಿಯಾಗಿದೆ. ವರದಿಯ ಪ್ರಕಾರ, ನಟಿ ಅಕ್ಟೋಬರ್ 8ರಂದು ಕೊನೆಯುಸಿರೆಳೆದರು. ಹಲವು ಟಿವಿ ಶೋಗಳಲ್ಲಿ ಕಾಣಿಸಿಕೊಂಡಿರುವ ಭೈರವಿ ಕಳೆದ ಆರು ತಿಂಗಳಿನಿಂದ ಕ್ಯಾನ್ಸರ್ ವಿರುದ್ಧ ಹೋರಾಡಿದ್ದರು. ಅವರ ಅಂತ್ಯಕ್ರಿಯೆ ಯಾವಾಗ, ಎಲ್ಲಿ ಎಂಬ ಮಾಹಿತಿ ಇದುವೆರೆಗೆ ತಿಳಿದು ಬಂದಿಲ್ಲ.
ನಟಿ ಗುಜರಾತಿ ಮತ್ತು ಹಿಂದಿ ಸಿನಿಮಾ ಎರಡರಲ್ಲಿಯೂ ಸಕ್ರಿಯರಾಗಿದ್ದರು. ಇತ್ತೀಚಿನ ಟಿವಿ ಶೋ ನಿಮಾ ಡೆನ್ಜಾಂಗ್ಪಾದಲ್ಲಿ (Nima Denzongpa) ಕಾಣಿಸಿಕೊಂಡಿದ್ದರು. ಹಸ್ರತೇನ್ ಮತ್ತು ಮಹಿಸಾಗರದಂತಹ (Hasratein and Mahisagar) ಶೋಗಳಲ್ಲಿ ಅವರ ಪಾತ್ರಗಳನ್ನು ಅಭಿಮಾನಿಗಳು ಮೆಚ್ಚಿದ್ದರು.
ಕಾರ್ಯಕ್ರಮವೊಂದರಲ್ಲಿ ಭೈರವಿ ಮೊಮ್ಮಗಳಾಗಿ ನಟಿಸಿದ ಅನುಪಮಾ ನಟಿ ನಿಶಿ ಸಕ್ಸೇನಾ ಅವರು ನಿಧನದ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ “ಭೈರವಿಜಿ ನನಗೆ ತುಂಬಾ ಹತ್ತಿರವಾಗಿದ್ದರು. ಅವರು ಈ ಜಗತ್ತಿನಲ್ಲಿಲ್ಲ ಎಂದು ತಿಳಿದಾಗ ನನಗೆ ಆಘಾತವಾಯಿತು. ಅವರು ನನ್ನ ಡ್ಯಾಡಿ ಪಾತ್ರದಲ್ಲಿ ನಟಿಸಿದ್ದರು. ಶೂಟಿಂಗ್ ಸಮಯದಲ್ಲಿ ಒಂದೇ ಕ್ಯಾಬ್ ಬುಕ್ ಮಾಡಿ ಒಟ್ಟಿಗೆ ಪ್ರಯಾಣಿಸುತ್ತಿದ್ದೆವು. ಅವರ ಆತ್ಮಕ್ಕೆ ಶಾಂತಿ ಸಿಗಲಿʼʼಎಂದು ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: Sir Michael Gambon: ‘ಹ್ಯಾರಿ ಪಾಟರ್’ ಚಿತ್ರದ ನಟ, ಸರ್ ಮೈಕೆಲ್ ಗ್ಯಾಂಬೊನ್ ನಿಧನ
ನಿಮಾ ಡೆನ್ಜಾಂಗ್ಪಾ ಪಾತ್ರದಲ್ಲಿ ನಟಿಸಿದ ಸುರಭಿ ದಾಸ್ “ಭೈರವಿ ಜೀ ಅವರು ಇನ್ನಿಲ್ಲ ಎಂದರೆ ನಂಬಲಾಗುತ್ತಿಲ್ಲ. ಅವರ ಆತ್ಮಕ್ಕೆ ಶಾಂತಿ ಸಿಗಲಿ. ನಾವು ಅವರೊಂದಿಗೆ ಶೂಟಿಂಗ್ ಮಾಡುವಾಗ ಸುಂದರ ಸಮಯವನ್ನು ಕಳೆದಿದ್ದೇವೆ. ಇದೆಲ್ಲ ಇನ್ನು ನೆನಪು ಮಾತ್ರʼʼಎಂದು ಹೇಳಿಕೊಂಡಿದ್ದಾರೆ. ನಟಿ ಹುಮ್ರಾಜ್, ಹೇರಾ ಫೆರಿ, ವಾಟ್ಸ್ ಯುವರ್ ರಾಶೀ (What’s Your Rashee), ಕ್ಯಾ ದಿಲ್ ನೆ ಕಹಾ ಮತ್ತು ಇತರ ಸಿನಿಮಾಗಳಲ್ಲಿಯೂ ನಟಿಸಿದ್ದರು.