ಬೆಂಗಳೂರು : ಕ್ರಿಕೆಟ್‌ ಲೋಕದಲ್ಲಿ ಮಿಂಚಿದ್ದ ಅನೇಕರು ಸಿನಿರಂಗದಲ್ಲಿ ಕಾಣಿಸಿಕೊಂಡಿದ್ದಾರೆ. ಶ್ರೀಶಾಂತ್‌ ಹಾಗೂ ಹರ್ಭಜನ್‌ ಸಿಂಗ್‌ ಚಿತ್ರರಂಗಕ್ಕೆ ಕಾಲಿಟ್ಟಿದ್ದರು. ಇದೀಗ ಟೀಂ ಇಂಡಿಯಾ ಬೌಲಿಂಗ್‌ನಲ್ಲಿ ಮಿಂಚಿದ್ದ ಇರ್ಫಾನ್‌ ಪಠಾಣ್‌ ಅವರು ಕೋಬ್ರಾ ಸಿನಿಮಾ (Cobra Movie) ಮೂಲಕ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡುತ್ತಿದ್ದಾರೆ.
ವಿಕ್ರಮ್‌ ನಟನೆಯ ಕಾಲಿವುಡ್ ಸಿನಿಮಾ ಕೋಬ್ರಾ ಟ್ರೈಲರ್‌ ಈಗಾಗಲೇ ಬಿಡುಗೆಗೊಂಡಿದೆ. ಹಾಗೂ ಸಾಕಷ್ಟು ಪ್ರಶಂಸೆಗೆ ವ್ಯಕ್ತವಾಗಿದೆ. ವಿಕ್ರಮ್‌ ಫ್ಯಾನ್ಸ್‌ ಸಖತ್‌ ಚಿಂದಿ ಎಂದು ಕಮೆಂಟ್‌ ಮೂಲಕ ಖುಷಿಯನ್ನು ವ್ಯಕ್ತಪಡಿಸಿದ್ದಾರೆ.
ವಿಕ್ರಮ್‌ ಈ ಸಿನಿಮಾದಲ್ಲಿ ಮುಖ್ಯ ಪಾತ್ರದಲ್ಲಿ ಡಿಫರೆಂಟ್‌ ಲುಕ್‌ ಮೂಲಕ ಕಾಣಿಸಿಕೊಂಡಿದ್ದಾರೆ. ನಾಯಕಿಯಾಗಿ ಕೆಜಿಎಫ್‌ ಖ್ಯಾತಿಯ ಶ್ರೀನಿಧಿ ಶೆಟ್ಟಿ ಅವರು ಬಣ್ಣ ಹಚ್ಚಿದ್ದಾರೆ. ಟ್ರೈಲರ್‌ ನೋಡುವಾಗ ವಿಕ್ರಮ್‌ ಅವರು ಹಲವಾರು ಅವತಾರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಹಿನ್ನೆಲೆ ಧ್ವನಿಯೂ ಮಾಸ್‌ ಆಗಿದ್ದು ಫ್ಯಾನ್ಸ್‌ ಆದಷ್ಟು ಬೇಗ ಸಿನಿಮಾ ತೆರೆ ಮೇಲೆ ಬರಲಿ ಎಂದು ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ | ಕಾಲಿವುಡ್ ನಿರ್ಮಾಪಕರಿಗೆ ಸೇರಿದ ಸ್ಥಳಗಳಲ್ಲಿ ಐಟಿ ರೇಡ್; 200 ಕೋಟಿ ರೂ ಅಕ್ರಮ ಆದಾಯ ಪತ್ತೆ
ಮೆಚ್ಚುಗೆ ವ್ಯಕ್ತ ಪಡಿಸಿದ ಇರ್ಫಾನ್‌ ಫ್ಯಾನ್ಸ್‌
ಈ ಸಿನಿಮಾ ಮೂಲಕ ಇರ್ಫಾನ್‌ ಪಠಾಣ್‌ ಸಿನಿ ಲೋಕಕ್ಕೆ ಎಂಟ್ರಿ ನೀಡಿರುವುದಕ್ಕೆ ಅವರ ಫ್ಯಾನ್ಸ್‌ ಖುಷಿ ಪಟ್ಟಿದ್ದಾರೆ. ಟ್ರೈಲರ್‌ ನೋಡುವಾಗ ಖಳನಾಯಕನಾಗಿ ಕಾಣಿಸಿಕೊಳ್ಳಲಿದ್ದಾರ? ಎಂದು ನೆಟ್ಟಿಗರು ಕಮೆಂಟ್‌ ಮೂಲಕ ಕೇಳಿದ್ದಾರೆ. ಕೋಲ್ಕತ್ತದಲ್ಲಿ ಶೂಟಿಂಗ್‌ ವೇಳೆ ತೆಗೆದಿರುವ ಫೋಟೋಗಳನ್ನು ಅವರು ತಮ್ಮ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಸುರೇಶ್‌ ರೈನಾ, ರಾಬಿನ್‌ ಉತ್ತಪ್ಪ, ದೀಪಕ್‌ ಹೂಡಾ ಸೇರಿ ಹಲವಾರು ಕ್ರಿಕೆಟ್‌ ದಿಗ್ಗಜರು ಶುಭಾಶಯ ಹೇಳಿದ್ದಾರೆ.
ಈ ಚಿತ್ರಕ್ಕೆ ಅಜಯ್ ಜ್ಞಾನಮುತ್ತು ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ. ಆಗಸ್ಟ್‌ 31ರಂದು ತೆರೆ ಕಾಣಲಿದ್ದು, ಬೆಂಗಳೂರಿಗೆ ಕೋಬ್ರಾ ತಂಡ ಪ್ರಚಾರಕ್ಕೆ ಅಗಮಿಸಿದೆ. ಕೋರಮಂಗಲದ ಮಾಲ್ ಒಂದರಲ್ಲಿ ಚಿತ್ರತಂಡ ಹಾಜರಾಗಲಿದೆ.
ಚಿತ್ರದಲ್ಲಿ ಮಿಯಾ, ಮಾಮುಕ್ಕೋಯ, ಕೆ.ಎಸ್. ರವಿಕುಮಾರ್, ರೇಣುಕಾ, ಬಾಬು ಆಂಟೋನಿ, ಪದ್ಮಪ್ರಿಯಾ ಜಾನಕಿರಾಮನ್, ರೋಬೋ ಶಂಕರ್, ಕನಿಕಾ, ರೋಷನ್ ಮ್ಯಾಥ್ಯೂ, ಮತ್ತು ಪೂವಯ್ಯರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.
7 ಸ್ಕ್ರೀನ್ ಸ್ಟುಡಿಯೋ ಬ್ಯಾನರ್ ಅಡಿಯಲ್ಲಿ ಈ ಚಿತ್ರವನ್ನು ಎಸ್.ಎಸ್. ಲಲಿತ್ ಕುಮಾರ್ ಅವರು ನಿರ್ಮಿಸಿದ್ದಾರೆ. ಆಸ್ಕರ್ ಪ್ರಶಸ್ತಿ ವಿಜೇತ ಸಂಗೀತ ನಿರ್ದೇಶಕ, ಎ ಆರ್ ರೆಹಮಾನ್ ಚಿತ್ರಕ್ಕೆ ಸಂಗೀತ ನೀಡಿದ್ದು, ಹಾಡುಗಳು ಕೂಡ ಸೂಪರ್ ಹಿಟ್ ಆಗಿದೆ.
ಇದನ್ನೂ ಓದಿ | Women Film Directors | ಕಾಲಿವುಡ್‌ನಲ್ಲಿ ಸದ್ದು ಮಾಡುತ್ತಿರುವ ಪ್ರಮುಖ ಮಹಿಳಾ ನಿರ್ದೇಶಕಿಯರು