ಬೆಂಗಳೂರು: ಕಾಲಿವುಡ್‌ ನಟ ಧನುಷ್ (Dhanush) ಹೊಸ ಮನೆಯ ಗೃಹಪ್ರವೇಶದ ಫೋಟೊಗಳನ್ನು ಹಂಚಿಕೊಂಡಿದ್ದಾರೆ. ಚೆನ್ನೈನ ಪೋಯಸ್ ಗಾರ್ಡನ್‌ನಲ್ಲಿರುವ ಸುಮಾರು 150 ಕೋಟಿ ರೂ. ಮೌಲ್ಯದ ಮನೆಯನ್ನು ತಮ್ಮ ಪೋಷಕರಿಗೆ ಉಡುಗೊರೆಯಾಗಿ ನೀಡಿದ್ದಾರೆ. ಗೃಹಪ್ರವೇಶ ಸಮಾರಂಭ ಇತ್ತೀಚೆಗೆ ನಡೆದಿದ್ದು, ಟ್ವಿಟರ್ ಮತ್ತು ಇನ್‌ಸ್ಟಾಗ್ರಾಮ್‌ನಲ್ಲಿ ಅಭಿಮಾನಿಗಳ ಫೋಟೋಗಳನ್ನು ಶೇರ್‌ ಮಾಡಿಕೊಂಡಿದ್ದಾರೆ. ಧನುಷ್ ನೀಲಿ ಕುರ್ತಾ ಮತ್ತು ಬಿಳಿ ಪೈಜಾಮ್‌ನಲ್ಲಿ ಮಿಂಚಿದ್ದರು.
ಗೃಹಪ್ರವೇಶ ಸಮಾರಂಭದ ಕೆಲವು ಫೋಟೊಗಳನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಗ್ರೂಪ್ ಫೋಟೊದಲ್ಲಿ, ಧನುಷ್ ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಟೆರೇಸ್‌ನಲ್ಲಿ ಪೋಸ್ ನೀಡಿದ್ದಾರೆ. ಧನುಷ್ ಮತ್ತು ಅವರ ಪೋಷಕರು ಅತಿಥಿಗಳನ್ನು ಸ್ವಾಗತಿಸುತ್ತಿರುವ ಕೆಲವು ಫೋಟೊಗಳು ಮತ್ತು ಬಿಳಿ ಹೂವಿನಿಂದ ಅಲಂಕರಿಸಲ್ಪಟ್ಟ ಮೆಟ್ಟಿಲುಗಳ ಬಳಿ ಸಿಹಿತಿಂಡಿಗಳು ಮತ್ತು ಹಣ್ಣುಗಳನ್ನು ಎಕ್ಸ್‌ಚೇಂಚ್‌ ಮಾಡಿಕೊಳ್ಳುವ ಕೆಲವು ಫೋಟೊಗಳು ವೈರಲ್‌ ಆಗಿವೆ.
ಇದನ್ನೂ ಓದಿ: Dhanush: ʻವಾತಿʼ ಪ್ರಚಾರದ ವೇಳೆ ಶಿಕ್ಷಣದ ಪ್ರಾಮುಖ್ಯತೆ ಬಗ್ಗೆ ಧನುಷ್ ಹೇಳಿದ್ದೇನು?
ನಿರ್ದೇಶಕ ಸುಬ್ರಮಣ್ಯಂ ಶಿವ ಅವರು ಫೇಸ್‌ಬುಕ್ ಪೋಸ್ಟ್‌ನಲ್ಲಿ ಮತ್ತು ಟ್ವಿಟರ್‌ನಲ್ಲಿ ಧನುಷ್ ಅವರ ಮನೆಯ ಫೋಟೊಗಳನ್ನು ಪೋಸ್ಟ್ ಮಾಡಿದ್ದಾರೆ. “ಸಹೋದರ ಧನುಷ್ ಅವರ ಹೊಸ ಮನೆ ನನಗೆ ದೇವಸ್ಥಾನದಂತೆ ಭಾಸವಾಗುತ್ತಿದೆ. ತಾಯಿ ಮತ್ತು ತಂದೆ ಜೀವಂತವಾಗಿರುವಾಗ ಸ್ವರ್ಗದಲ್ಲಿ ವಾಸಿಸುವಂತೆ ಮಾಡುವ ಮಕ್ಕಳು, ದೇವರಂತೆ ಭಾವಿಸುತ್ತಾರೆ. ಮತ್ತು ಅವರು ಉದಾಹರಣೆಯಾಗುತ್ತಾರೆ. ಅವರ ಮಕ್ಕಳಿಗೆ ಹಾಗೂ ಇತರರಿಗೆ ಮಾದರಿ ಆಗಿ ಕಾಣುತ್ತಾರೆ. ಹೆಚ್ಚು ಕಾಲ ಬಾಳಿ’ ಎಂದು ಸುಬ್ರಮಣಿಯಮ್ ಶಿವ ಪೋಸ್ಟ್ ಮಾಡಿದ್ದಾರೆ.ʼʼ
ಇದನ್ನೂ ಓದಿ: Dhanush: ಧನುಷ್ ನಟನೆಯ ದ್ವಿಭಾಷಾ ಚಿತ್ರ ವಾತಿ ಟ್ರೈಲರ್‌ ಔಟ್‌
ಧುನುಷ್‌ ಅವರ ಮನೆ ನಾಲ್ಕು ಅಂತಸ್ತಿನ ಕಟ್ಟಡವಾಗಿದೆ ಎಂದು ವರದಿಯಾಗಿದೆ. ಈ ಮನೆ ನಿರ್ಮಾಣದ ಸಂದರ್ಭದಲ್ಲಿ ನಡೆದ ಪೂಜೆಯಲ್ಲಿ ಧನುಷ್ ಮಾಜಿ ಪತ್ನಿ ಐಶ್ವರ್ಯಾ, ರಜನಿಕಾಂತ್ ಕೂಡ ಇದ್ದರು