ಮುಂಬೈ: ನಟಿ ದಿಶಾ ಪಠಾನಿ (Disha Patani) ಬಾಲಿವುಡ್‌ನ ಹಾಟ್‌ ನಟಿಯರಲ್ಲಿ ಒಬ್ಬರು. ತಮ್ಮ ಹಾಟ್‌ ಲುಕ್‌ನಿಂದಾಗಿಯೇ ದೊಡ್ಡ ಅಭಿಮಾನಿ ಬಳಗವನ್ನೇ ಹೊಂದಿರುವ ಈ ನಟಿ ಇತ್ತೀಚೆಗೆ ಇಂಡಿಯಾ ಕೌಚರ್‌ ವೀಕ್‌ ಕಾರ್ಯಕ್ರಮದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಕಾರ್ಯಕ್ರಮದಲ್ಲಿ ನಟಿ ಸಖತ್‌ ಬೋಲ್ಡ್‌ ಆಗಿ ರ‍್ಯಾಂಪ್‌ ಮೇಲೆ ಹೆಜ್ಜೆ ಹಾಕಿದ್ದು, ಅದರ ವಿಡಿಯೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್‌ ಆಗಿವೆ.
ದಿಶಾ ಇಂಡಿಯಾ ಕೌಚರ್‌ ವೀಕ್‌ 2023 ಕಾರ್ಯಕ್ರಮದಲ್ಲಿ ಅವರು ಶಿಮ್ಮರಿ ಬ್ರಾಲೆಟ್‌ ಧರಿಸಿದ್ದರು. ಪ್ಲಂಗಿಂಗ್‌ ನೆಕ್‌ಲೈನ್‌ ಇದ್ದ ಆ ಬ್ರಾಲೆಟ್‌ಗೆ ಮ್ಯಾಚ್‌ ಅಗುವಂತಹ ಥೈ ಹೈ ಸ್ಲಿಟ್‌ ಇದ್ದ ಸ್ಕರ್ಟ್‌ ಅನ್ನು ಧರಿಸಿದ್ದರು. ತಮ್ಮ ಉದ್ದನೆಯ ಕೂದಲನ್ನು ಒಂದು ಸೈಡ್‌ನಲ್ಲಿ ಫ್ರೀ ಆಗಿ ಬಿಟ್ಟಿದ್ದರು. ಕಿವಿಗೆ ದೊಡ್ಡದಾದ ಓಲೆ, ಕೈಗೆ ಶಿಮ್ಮರಿ ಬಳೆ ಮತ್ತು ಅದೇ ರೀತಿಯಲ್ಲಿ ಶಿಮ್ಮರಿ ಉಂಗುರಗಳನ್ನು ಧರಿಸಿದ್ದ ನಟಿ ರ‍್ಯಾಂಪ್‌ ಮೇಲೆ ಹೆಜ್ಜೆ ಹಾಕಿದ್ದರು.
ಇದನ್ನೂ ಓದಿ: Viral Video: ಐಸ್‌ಕ್ರೀಂ ಕಡ್ಡಿ, ಬೆಂಕಿ ಪೊಟ್ಟಣದ ನೆರಳಿನಲ್ಲೇ ಕಿಂಗ್‌ ಕೊಹ್ಲಿ ಚಿತ್ರ! ಕಲಾವಿದನಿಗೊಂದು ಸಲಾಂ
ನಟಿ ರ‍್ಯಾಂಪ್‌ ವಾಕ್‌ ಮಾಡಿದ ವಿಡಿಯೊಗಳನ್ನು ಅನೇಕರು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ಅದನ್ನು ಕಂಡಿರುವ ಅವರ ಅಭಿಮಾನಿಗಳು ಅಪ್ಸರೆಯೇ ಧರೆಗಿಳಿದು ಬಂದಂತಿದೆ ಎಂದು ಹಾಡಿ ಹೊಗಳಲಾರಂಭಿಸಿದ್ದಾರೆ. “ದಿಶಾ ಬಾಲಿವುಡ್‌ನಲ್ಲಿರುವ ಅತ್ಯಂತ ಹಾಟ್‌ ಹೀರೋಯಿನ್‌” ಎಂದು ಕೊಂಡಾಡಲಾರಂಭಿಸಿದ್ದಾರೆ. ಹಾಗೆಯೇ “ದಿಶಾ ನಡಿಗೆ ಆಲಿಯಾ ಭಟ್‌, ಸಾರಾ ಅಲಿ ಖಾನ್‌ರ ನಡಿಗೆಗಿಂತ ಚೆನ್ನಾಗಿದೆ” ಎಂದು ನಟಿಯನ್ನು ಬೇರೆ ನಟಿಯರೊಂದಿಗೂ ಹೋಲಿಸಿ ಮಾತನಾಡಲಾರಂಭಿಸಿದ್ದಾರೆ.
ದಿಶಾ ಪಠಾನಿ ಅವರು ʼಎಂ.ಎಸ್‌.ಧೋನಿʼ ಸಿನಿಮಾದ ಮೂಲಕ ಮನೆ ಮಾತಾದವರು. ಅದರಲ್ಲಿನ ಅವರ ನಟನೆ ಸಾಕಷ್ಟು ಜನರಿಗೆ ಮೆಚ್ಚುಗೆಯಾಗಿತ್ತು. ದಿಶಾ ಅವರು ಅಲೆಕ್ಸಾಂಡರ್‌ ಅಲೆಕ್ಸ್‌ ಇಲಿಕ್‌ ಅವರೊಂದಿಗೆ ಪ್ರೀತಿಯಲ್ಲಿದ್ದಾರೆ ಎನ್ನುವ ಸುದ್ದಿಗಳು ಆಗಾಗ ಹರಿದಾಡುತ್ತಿರುತ್ತವೆ. ಈ ಇಬ್ಬರು ಶುಕ್ರವಾರ ರಾತ್ರಿ ಒಟ್ಟಿಗೆ ಡಿನ್ನರ್‌ ಮಾಡಿ, ರೆಸ್ಟೋರೆಂಟ್‌ನಿಂದ ಒಟ್ಟಿಗೆ ಹೊರಬಂದಿದ್ದು ಸುದ್ದಿಯಾಗಿತ್ತು. ಬಾಲಿವುಡ್‌ನ ಮಾಧ್ಯಮಗಳು ಈ ಬಗ್ಗೆ ವಿಸ್ತೃತವಾಗಿ ವರದಿ ಮಾಡಿದ್ದವು. ಆ ದೃಶ್ಯ ಇರುವ ವಿಡಿಯೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದ್ದವು.
ಈ ಪ್ರೀತಿಯ ಬಗ್ಗೆ ದಿಶಾ ಇದುವರೆಗೆ ಯಾವುದೇ ಹೇಳಿಕೆ ಕೊಟ್ಟಿಲ್ಲ. ಆದರೆ ಅಲೆಕ್ಸಾಂಡರ್‌ ಅವರು ತಾವಿಬ್ಬರು ಒಳ್ಳೆಯ ಸ್ನೇಹಿತರು ಎಂದು ಹೇಳಿಕೊಂಡಿದ್ದಾರೆ. 2015ರ ಸಮಯದಲ್ಲಿ ತಾವಿಬ್ಬರು ಇನ್ನೂ ಕೆಲವು ಮಾಡೆಲ್‌ಗಳ ಜತೆಯಲ್ಲಿ ಒಂದೇ ಫ್ಲಾಟ್‌ನಲ್ಲಿ ಇದ್ದೆವು. ಆಗ ನಮ್ಮಲ್ಲಿ ಸ್ನೇಹ ಹುಟ್ಟಿಕೊಂಡಿತು. ಇಬ್ಬರಿಗೂ ಫಿಟ್‌ನೆಸ್‌ ಬಗ್ಗೆ ಹೆಚ್ಚಿನ ಒಲವಿದೆಯಾದ್ದರಿಂದ ಇಬ್ಬರು ಒಳ್ಳೆಯ ಸ್ನೇಹ ಇಟ್ಟುಕೊಂಡಿದ್ದೇವೆ ಎಂದು ಅವರು ಹೇಳಿದ್ದರು.