ಮುಂಬೈ: ಮನೋಜ್‌ ಬಾಜಪೇಯಿ ಅವರ ಫ್ಯಾಮಿಲಿ ಮ್ಯಾನ್‌ (Family Man 3) ಸೀರಿಸ್‌ ಒಟಿಟಿ ಪ್ರಿಯರಿಗೆ ಅತ್ಯಂತ ಇಷ್ಟವಾದ ಸೀರಿಸ್‌. 2019ರಲ್ಲಿ ಮೊದಲನೇ ಸೀರಿಸ್‌ ಬಿಡುಗಡೆಯಾಗಿ ಯಶಸ್ಸು ಕಂಡ ಬೆನ್ನಲ್ಲೇ ಕಳೆದ ವರ್ಷ ಚಿತ್ರತಂಡ ʼಫ್ಯಾಮಿಲಿ ಮ್ಯಾನ್‌ 2ʼ ಅನ್ನು ಬಿಡುಗಡೆ ಮಾಡಿತ್ತು. ಈ ಸೀರಿಸ್‌ ಕೂಡ ಜನರ ಮೆಚ್ಚುಗೆಗೆ ಪಾತ್ರವಾದ ಹಿನ್ನೆಲೆ ತಂಡ ಇದೀಗ ʼಫ್ಯಾಮಿಲಿ ಮ್ಯಾನ್‌ 3ʼ ಸಿದ್ಧಮಾಡಿಕೊಂಡಿದೆ.
ಇದನ್ನೂ ಓದಿ: Delhi Crime | ಶ್ರದ್ಧಾ ಹತ್ಯೆಗೆ ದಿ ಫ್ಯಾಮಿಲಿ ಮ್ಯಾನ್‌ 2 ಸಿರೀಸ್‌ನ ಸಮಂತಾ ಪಾತ್ರ ಸ್ಫೂರ್ತಿ?
ಫ್ಯಾಮಿಲಿ ಮ್ಯಾನ್‌ 3 ಯಾವಾಗ ಬಿಡುಗಡೆಯಾಗುತ್ತದೆ ಎನ್ನುವ ಕುತೂಹಲ ಎಲ್ಲರಲ್ಲಿ ಇತ್ತು. ಚಿತ್ರತಂಡವು ಇದೀಗ ಆ ಕುತೂಹಲಕ್ಕೆ ತೆರೆ ಎಳೆದಿದೆ. ಇದೇ ವರ್ಷದ ಹೋಳಿ ಹಬ್ಬದ ಸಮಯದಲ್ಲಿ ʼಫ್ಯಾಮಿಲಿ ಮ್ಯಾನ್‌ 3ʼ ಅನ್ನು ಬಿಡುಗಡೆ ಮಾಡುವುದಾಗಿ ಹೇಳಲಾಗಿದೆ. ಈ ಬಗ್ಗೆ ಸೀರಿಸ್‌ನ ಪ್ರಮುಖ ಪಾತ್ರದಲ್ಲಿರುವ ನಟ ಮನೋಜ್‌ ಅವರೇ ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್‌ ಹಂಚಿಕೊಂಡಿದ್ದಾರೆ.
“ಹಲೋ.. ನಿಮ್ಮೊಂದಿಗೆ ಸಿಕ್ಕು ಬಹಳಷ್ಟು ಸಮಯವಾಯಿತು. ಈಗ ನನ್ನ ಮಾತನ್ನು ಸರಿಯಾಗಿ ಕೇಳಿಸಿಕೊಳ್ಳಿ. ಈ ಹೋಳಿಯಲ್ಲಿ ನಿಮ್ಮ ಕುಟುಂಬಕ್ಕೆ ನಮ್ಮ ಕುಟುಂಬದೊಂದಿಗೆ ಬರಲಿದ್ದೇನೆ” ಎಂದು ಮನೋಜ್‌ ವಿಡಿಯೋದಲ್ಲಿ ಹೇಳಿದ್ದಾರೆ. ಹಾಗೆಯೇ “ಫ್ಯಾಮಿಲಿ ಜತೆ ಬರುತ್ತಿದ್ದೇನೆ. ನನ್ನನ್ನು ಸ್ವಾಗತ ಮಾಡುವುದಿಲ್ಲವೇ?” ಎಂದು ಕ್ಯಾಪ್ಶನ್‌ನಲ್ಲಿ ಬರೆದುಕೊಂಡಿದ್ದಾರೆ.
ಮನೋಜ್‌ ಅವರು ಈ ಪೋಸ್ಟ್‌ ಹಾಕುತ್ತಿದ್ದಂತೆಯೇ ಅಭಿಮಾನಿಗಳ ಮನಸ್ಸಲ್ಲಿ ಸಂತಸ ಅರಳಿದೆ. “ನಮ್ಮ ಕಾಯುವಿಕೆ ಆರಂಭವಾಗಿದೆ” ಎಂದು ಕೆಲವರು ಕಾಮೆಂಟ್‌ ಮಾಡಿದ್ದರೆ, “ದಿ ಬೆಸ್ಟ್‌ ಸೀರಿಸ್‌ ಬರುವುದಕ್ಕೆ ಸಿದ್ಧವಾಗುತ್ತಿದೆ” ಎಂದು ಕೆಲವರು ಹೇಳಿದ್ದಾರೆ. “ಮಾಸ್ಟರ್‌ ಪೀಸ್‌ಗಾಗಿ ಕಾಯುತ್ತಿದ್ದೇವೆ” ಎಂದೂ ಕಾಮೆಂಟ್‌ಗಳು ಬಂದಿವೆ.
ಇದನ್ನೂ ಓದಿ: Rakesh Jhunjhunwala | ಹೂಡಿಕೆ ಫಸ್ಟ್ ಲವ್‌ ಆದರೂ ಫ್ಯಾಮಿಲಿ ಮ್ಯಾನ್‌ ಆಗಿದ್ದ ಜುಂಜುನ್‌ವಾಲಾ!
ಈ ಸೀರಿಸ್‌ನ ಬಗ್ಗೆ ಈ ಹಿಂದೆಯೇ ಮಾತನಾಡಿದ್ದ ನಿರ್ದೇಶಕರಾದ ರಾಜ್‌ ನಿದಿಮೊರು ಮತ್ತು ಕೃಷ್ಣ ಡಿ.ಕೆ. ಅವರು, “ನಮ್ಮಲ್ಲಿ ಫ್ಯಾಮಿಲಿ ಮ್ಯಾನ್‌ 3ಕ್ಕೆ ಕಾನ್ಸೆಪ್ಟ್‌ ಸಿದ್ಧವಿದೆ. ಐಡಿಯಾ ಕೂಡ ಸಿದ್ಧವಿದೆ. ಅಡಿಪಾಯವನ್ನೂ ಹಾಕಿಕೊಂಡಿದ್ದೇವೆ. ಈಗ ಕಥೆಯನ್ನು ಅಭಿವೃದ್ಧಿಪಡಿಸುವ ಹಂತದಲ್ಲಿದ್ದೇವೆ” ಎಂದು ಹೇಳಿದ್ದರು.