ಮುಂಬಯಿ: ಚಲನಚಿತ್ರ ನಿರ್ಮಾಪಕ ಕಮಲ್ ಕಿಶೋರ್ ಮಿಶ್ರಾ ತಮ್ಮ ಪತ್ನಿಗೆ ಕಾರಿನಿಂದ ಡಿಕ್ಕಿ ಹೊಡೆದಿದ್ದಾರೆ. ಕಮಲ್ ಕಿಶೋರ್ ಇನ್ನೊಬ್ಬಳು ಮಹಿಳೆಯೊಂದಿಗೆ ಕಾರಲ್ಲಿ ಹೊರಟಿದ್ದರು. ಅದನ್ನು ನೋಡಿದ ಅವರ ಪತ್ನಿ ತಡೆಯಲು ಮುಂದಾಗಿದ್ದಾರೆ. ಆದರೆ ಅವರು ಪತ್ನಿಗೆ ಕಾರಿನಿಂದ ಗುದ್ದಿದ್ದಾರೆ. ಆಕೆ ನೆಲದ ಮೇಲೆ ಬಿದ್ದರೂ ಅವಳ ಮೇಲೆಯೇ ಕಾರು ಹತ್ತಿಸಲು ಯತ್ನಿಸಿದ್ದಾರೆ ಹೊರತು, ಅವರು ನಿಲ್ಲಲಿಲ್ಲ.
ಅಕ್ಟೋಬರ್ 19ರಂದು ನಡೆದ ಘಟನೆ ನಡೆದಿದ್ದು ಸಿಸಿಟಿವಿಯಲ್ಲಿ ದೃಶ್ಯ ಸೆರೆಯಾಗಿದೆ. ಪತಿಯ ಕಾರು ಗುದ್ದಿ, ಗಾಯಗೊಂಡು ನೆಲದ ಮೇಲೆ ಬಿದ್ದ ಮಹಿಳೆಯನ್ನು ಎತ್ತಲು ಆ ಪಾರ್ಕಿಂಗ್ ಏರಿಯಾದಲ್ಲಿದ್ದ ಸೆಕ್ಯೂರಿಟಿ ಓಡಿ ಬಂದಿದ್ದಾರೆ. ಆದರೆ ಕಮಲ್ ಕಿಶೋರ್ ಒಮ್ಮೆ ಕಾರು ನಿಲ್ಲಿಸಿದ ಹಾಗೇ ಮಾಡಿ, ಮುಂದೋಡಿಸಿದ್ದಾರೆ. ಅವರು ಕಾರಿನಿಂದ ಇಳಿಯಲೂ ಇಲ್ಲ. ಅತ್ತ ಕಾರು ಹೋಗುತ್ತಿದ್ದಂತೆ, ಇತ್ತ ಮೂರ್ನಾಲ್ಕು ಜನ ಬಂದು ಮಹಿಳೆಯ ಬಳಿ ನಿಂತಿದ್ದಾರೆ. ದೆಹತಿ ಡಿಸ್ಕೋ, ಭೂತಿಯಾಪಾ ಸೇರಿ ಹಲವು ಚಲನಚಿತ್ರಗಳನ್ನು ನಿರ್ಮಾಣ ಮಾಡಿರುವ ಕಮಲ್ ಕಿಶೋರ್ ಮಿಶ್ರಾಗೆ ಬಾಲಿವುಡ್ನಲ್ಲಿ ತಕ್ಕಮಟ್ಟಿಗೆ ಹೆಸರಿದೆ.
ಮಿಶ್ರಾ ವಿರುದ್ಧ ಅವರ ಪತ್ನಿ ಅಂಬೋಲಿ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ‘ನಾನು ಮನೆಯ ಒಳಗೆ ಇದ್ದೆ. ಪತಿ ಬಂದಿದ್ದು ಗೊತ್ತಾಗಿ ಕಾರು ಪಾರ್ಕಿಂಗ್ ಏರಿಯಾಕ್ಕೆ ಬಂದೆ. ಅಲ್ಲಿ ನೋಡಿದರೆ ಕಾರಿನಲ್ಲಿ ಇನ್ನೊಬ್ಬಳು ಮಹಿಳೆಯೂ ಇದ್ದಳು. ತಡೆಯಲು ಹೋದೆ. ಆದರೆ ನನಗೆ ಕಾರು ಡಿಕ್ಕಿ ಹೊಡೆಸಿ ಹೋಗಿದ್ದಾರೆ’ ಎಂದು ದೂರಿನಲ್ಲಿ ಉಲ್ಲೇಖಿಸಿದ್ದಾರೆ. ಆಕೆಯ ಕಾಲು, ಕೈಗಳಿಗೆಲ್ಲ ಗಾಯಗಳಾಗಿವೆ. ಸಿಸಿಟಿವಿ ಫೂಟೇಜ್ಗಳನ್ನು ಪೊಲೀಸರು ಪರಿಶೀಲನೆ ನಡೆಸಿದ್ದಾರೆ. ಮಿಶ್ರಾ ವಿರುದ್ಧ ಎಫ್ಐಆರ್ ದಾಖಲಾಗಿದೆ.
ಇದನ್ನೂ ಓದಿ: Viral Video | ರಾಜ್ಯದ ಒಳಿತಿಗಾಗಿ ಚಾಟಿ ಏಟು ಪಡೆದ ಛತ್ತೀಸ್ಗಢ ಮುಖ್ಯಮಂತ್ರಿ ಭೂಪೇಶ್ ಬಾಘೆಲ್