ಬೆಂಗಳೂರು : ಗೋಲ್ಡನ್‌ ಸ್ಟಾರ್‌ ಗಣೇಶ್‌ ಅವರ ಹುಟ್ಟು ಹಬ್ಬದ ಪ್ರಯುಕ್ತ ಗಾಳಿಪಟ-2 (Gaalipata 2) ಚಿತ್ರತಂಡ ಹಾಡಿನ ಟೀಸರ್‌ ಬಿಡುಗಡೆಗೊಳಿಸಿದೆ. ಯೋಗರಾಜ್‌ ಭಟ್‌ ನಿರ್ದೇಶನದ ಗಾಳಿಪಟ-2 ಚಿತ್ರದ ʻನಾನಾಡದ ಮಾತೆಲ್ಲವʼ ಹಾಡು ಶನಿವಾರ (ಜು.2) ಬೆಳಗ್ಗೆ 10.5ಕ್ಕೆ ಬಿಡುಗಡೆಗೊಳ್ಳಲಿದೆ. ಚಿತ್ರತಂಡ ಗಣೇಶ್‌ ಅವರ ಹುಟ್ಟುಹಬ್ಬಕ್ಕೆ ಹಾಡನ್ನು ಬಿಡುಗಡೆಗೊಳಿಸುತ್ತಿರುವುದಕ್ಕೆ ಗಣೇಶ್‌ ಅಭಿಮಾನಿಗಳು ಖುಷಿ ಹಂಚಿಕೊಳ್ಳುತ್ತಿದ್ದಾರೆ.
ಸಾಹಿತ್ಯ ನೀಡಿರುವುದು ಜಯಂತ್‌ ಕಾಯ್ಕಿಣಿ. ಸೋನು ನಿಗಮ್‌ ಹಾಡಿದ್ದು, ಅರ್ಜುನ್‌ ಜನ್ಯಾ ಸಂಗೀತ ನೀಡಿದ್ದಾರೆ. ಮುಂಗಾರು ಮಳೆ ಸಿನಿಮಾ ಕೂಡ ಯೋಗರಾಜ್‌ ಭಟ್‌ ಮತ್ತು ಗಣೇಶ್‌ ಕಾಂಬಿನೇಷನ್‌ನೊಂದಿಗೆ, ಜಯಂತ್‌ ಕಾಯ್ಕಿಣಿ ಅವರ ಹಾಡುಗಳೊಂದಿಗೆ ಸ್ಯಾಂಡಲ್‌ವುಡ್‌ನಲ್ಲಿ ಹಿಟ್‌ ಆಗಿತ್ತು. ಇದೀಗ ಮತ್ತೆ ಅದೇ ಕಾಂಬಿನೇಷನ್‌ನಲ್ಲಿ ಬರುತ್ತಿರುವುದು ಅಭಿಮಾನಿಗಳಿಗೆ ಸಂತಸ ನೀಡಿದೆ.
ಇದನ್ನೂ ಓದಿ | Golden Star | ಜನುಮದಿನದ ಹಿನ್ನೆಲೆಯಲ್ಲಿ ಅಭಿಮಾನಿಗಳಲ್ಲಿ ಕ್ಷಮೆ ಕೇಳಿದ್ದೇಕೆ ಗಣೇಶ್‌?
ಆನಂದ್‌ ಯೂಟ್ಯೂಬ್‌ ಚಾನಲ್‌ನಲ್ಲಿ ಹಾಡಿನ ಟೀಸರ್‌ ರಿಲೀಸ್‌ ಮಾಡಿದೆ. ಕುದುರೆಮುಖದಲ್ಲಿ ಚಿತ್ರೀಕರಣ ಆಗಿದ್ದು, ಹಾಡಿನ ಮೇಕಿಂಗ್‌ ವಿಡಿಯೊ ಕೂಡ ಚಿತ್ರತಂಡ ಶೇರ್‌ ಮಾಡಿಕೊಂಡಿದೆ.
ಈ ಹಿಂದೆ ಎಕ್ಸಾಮ್‌ ಹಾಡಿನ ವಿಡಿಯೊ ಬಿಡುಗಡೆಗೊಂಡಿದ್ದು, ಕಮೆಂಟ್‌ ಮೂಲಕ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತ ಪಡಿಸಿದ್ದರು.
ಈ ಸಿನಿಮಾದಲ್ಲಿ ಹಿರಿಯ ನಟ ಅನಂತ್‌ನಾಗ್‌ ಕೂಡ ಬಣ್ಣ ಹಚ್ಚಿದ್ದಾರೆ. ಆಗಸ್ಟ್‌ 12ರಂದು ಚಿತ್ರ ಬಿಡುಗಡೆಗೊಳ್ಳಲಿದೆ.
ಇದನ್ನೂ ಓದಿ | ಆಗಸ್ಟ್‌ 15ಕ್ಕೆ 3 ದಿನ ಮೊದಲು ಹಾರಲಿದೆ ʼಗಾಳಿಪಟ -2ʼ: ಗೋಲ್ಡನ್‌ ಸ್ಟಾರ್‌ ಯೋಗರಾಜ ಭಟ್‌ ಜೋಡಿ