ಮುಂಬೈ: ಬಾಲಿವುಡ್‌ನ ಖ್ಯಾತ ನಟ ಗುರುದತ್‌ ಅವರ ಸಹೋದರಿ, ಆಮೀರ್‌ ಖಾನ್‌ ಅಭಿನಯದ ತಾರೆ ಜಮೀನ್‌ ಪರ್ ಸಿನಿಮಾದಲ್ಲಿ ಆರ್ಟ್ಸ್‌ ಟೀಚರ್‌ ಆಗಿ ನಟಿಸುವ ಮೂಲಕ ಖ್ಯಾತಿ ಗಳಿಸಿದ್ದ ಲಲಿತಾ ಲಜ್ಮಿ (90) (Lalita Lajmi Passes Away) ಸೋಮವಾರ ನಿಧನರಾಗಿದ್ದಾರೆ.
ಹಲವು ದಿನಗಳಿಂದ ಅನಾರೋಗ್ಯದಿಂದ ಬಳಲುತ್ತಿದ್ದ ಲಲಿತಾ ನಜ್ಮಿ ಅವರು ನಿಧನರಾಗಿದ್ದನ್ನು ಮುಂಬೈನ ಜಹಾಂಗೀರ್‌ ನಿಕೋಲ್ಸನ್‌ ಆರ್ಟ್‌ ಫೌಂಡೇಷನ್‌ ದೃಢಪಡಿಸಿದೆ. “ಸೂಕ್ಷ್ಮ ಸಂವೇದನೆಯ ಕಲಾವಿದೆ, ಕ್ಲಾಸಿಕಲ್‌ ಡಾನ್ಸ್‌ನಲ್ಲೂ ಅಪಾರ ಆಸಕ್ತಿ ಹೊಂದಿದ್ದ ಅವರ ಅಗಲಿಕೆಯ ಸುದ್ದಿ ದುಃಖ ತಂದಿದೆ” ಎಂದು ಸಂಸ್ಥೆ ಸಂತಾಪ ಸೂಚಿಸಿದೆ.
ಮೂಲತ ಲಲಿತಾ ಲಜ್ಮಿ ಅವರು ಚಿತ್ರ ಕಲಾವಿದೆಯಾಗಿದ್ದು, ಅವರ ಪೇಂಟಿಂಗ್‌ಗಳು ಹೆಚ್ಚು ಖ್ಯಾತಿ ಪಡೆದಿವೆ. ನೂರಾರು ಎಕ್ಸಿಬಿಷನ್‌ನಲ್ಲಿ ಅವರು ಬಿಡಿಸಿದ ಚಿತ್ರಗಳು ಪ್ರದರ್ಶನಗೊಂಡಿವೆ. ತಾರೆ ಜಮೀನ್‌ ಪರ್ ಸಿನಿಮಾದಲ್ಲಿ ಲಲಿತಾ ಅವರು ಅತಿಥಿ ಪಾತ್ರ ನಿರ್ವಹಿಸಿದ್ದರು. ಆದರೂ, ಇದು ಅವರಿಗೆ ಖ್ಯಾತಿ ತಂದುಕೊಟ್ಟಿತ್ತು.
ಇದನ್ನೂ ಓದಿ: Actor Tabassum | ಫೂಲ್‌ ಖಿಲೆ ಹೈ ಗುಲ್ಶನ್‌ ಗುಲ್ಶನ್‌ ಖ್ಯಾತಿಯ ನಟಿ ತಬಸ್ಸುಮ್‌ ನಿಧನ