ಬೆಂಗಳೂರು: ಸೂಪರ್‌ಸ್ಟಾರ್ ರಜನಿಕಾಂತ್ ಅವರು ಮತ್ತೊಮ್ಮೆ ತಮ್ಮನ್ನು ತಾವು ಸಾಬೀತು ಪಡಿಸಿಕೊಂಡಿದ್ದಾರೆ. ಹೌದು ಜೈಲರ್ ಸಿನಿಮಾ (Jailer Box Office Collection) 100 ಕೋಟಿ ಕಲೆಕ್ಷನ್ ಸನಿಹದಲ್ಲಿದೆ. ಆಗಸ್ಟ್ 10ರಂದು ವಿಶ್ವಾದ್ಯಂತ ಜೈಲರ್ ಬಿಡುಗಡೆಯಾಗಿದ್ದು, ಮೊದಲನೇ ದಿನ ರೂ 48.35 ಕೋಟಿ ರೂ. ಗಳಿಕೆ ಕಂಡಿತ್ತು. ಜೈಲರ್ ಆಗಸ್ಟ್ 11ರಂದು 27 ಕೋಟಿ ರೂ. ಗಳಿಕೆ ಕಂಡಿದೆ. ಮೂರೇ ದಿನಕ್ಕೆ ಈ ಚಿತ್ರದ ಗಳಿಕೆ ನೂರು ಕೋಟಿ ರೂಪಾಯಿ ದಾಟಲಿದೆ ಎಂದು ವರದಿಯಾಗಿದೆ. ಈ ಮೂಲಕ ಚಿತ್ರದ ಒಟ್ಟೂ ಗಳಿಕೆ 75 ಕೋಟಿ ರೂಪಾಯಿ ಆಗಿದೆ. ಆಗಸ್ಟ್ 12 ಹಾಗೂ ಆಗಸ್ಟ್ 13 ಚಿತ್ರಕ್ಕೆ ಭರ್ಜರಿ ಕಲೆಕ್ಷನ್ ಆಗುವುದರಲ್ಲಿ ಯಾವುದೇ ಅನುಮಾನ ಇಲ್ಲ. ಆಗಸ್ಟ್ 15ರಂದು (Jailer Box Office Collection day 3) ಚಿತ್ರ ಒಳ್ಳೆಯ ಕಮಾಯಿ ಮಾಡುವುದರಲ್ಲಿ ಯಾವುದೇ ಅನುಮಾನ ಇಲ್ಲ.
ಆಗಸ್ಟ್ 12ರಂದು 30 ಕೋಟಿ ರೂ. ಗಳಿಸುವ ನಿರೀಕ್ಷೆಯಿದೆ. ಬಿಡುಗಡೆಯಾದ ಕೇವಲ ಮೂರು ದಿನಗಳಲ್ಲಿ ದೇಶೀಯ ಮಾರುಕಟ್ಟೆಯಲ್ಲಿ 100 ಕೋಟಿ ರೂಪಾಯಿಗಳ ಗಡಿಯನ್ನು ಮೀರಿ ಮುನ್ನಡೆಯಲಿದೆ.
ತೆಲುಗು ಪ್ರದರ್ಶನಗಳ ಒಟ್ಟಾರೆ ಆಕ್ಯುಪೆನ್ಸಿ ಶೇಕಡಾ 61.01 ಕ್ಕೆ ತಲುಪಿದೆ, ಆದರೆ ಕನ್ನಡ ಮಾರುಕಟ್ಟೆಯು ಒಟ್ಟಾರೆ ಆಕ್ಯುಪೆನ್ಸಿ ಶೇಕಡಾ 30.38ರಷ್ಟನ್ನು ದಾಖಲಿಸಿದೆ. ಹಿಂದಿ ಮಾರುಕಟ್ಟೆಯು ಒಟ್ಟಾರೆ ಶೇಕಡಾ 31.73 ರಷ್ಟು ಆಕ್ಯುಪೆನ್ಸಿಯನ್ನು ಹೊಂದಿದೆ. ಆಗಸ್ಟ್ 11ರಂದು ಮೂರು ಪ್ರಮುಖ ಚಲನಚಿತ್ರಗಳು ಬಿಡುಗಡೆಯಾಗಿವೆ:. ಸನ್ನಿ ಡಿಯೋಲ್ ಅವರ ಗದರ್ 2, ಅಕ್ಷಯ್ ಕುಮಾರ್ ಅವರ OMG 2 ಮತ್ತು ಚಿರಂಜೀವಿ ಅವರ ಭೋಲಾ ಶಂಕರ್. ಗದರ್ 2 ಅಂದಾಜು ರೂ 40 ಕೋಟಿ ರೂ. ಗಳಿಸಿದರೆ, OMG 2 ರೂ 9.5 ಕೋಟಿ ರೂ. ಮತ್ತು ಭೋಲಾ ಶಂಕರ್ ರೂ 20 ಕೋಟಿ ರೂ. ಗಳಿಸಿತು.
ಇದನ್ನೂ ಓದಿ: Jailer Movie: ʻತಲೈವಾʼ ರಜನಿಯನ್ನೇ ಓವರ್ ಟೇಕ್ ಮಾಡಿದ ʻಶಿವಣ್ಣʼ! ತಮಿಳು ಪ್ರೇಕ್ಷಕರಿಂದ ಜೈಕಾರ!
ತಮ್ಮ ಎರಡು ವರ್ಷಗಳ ವಿರಾಮದ ನಂತರ ಸೂಪರ್‌ಸ್ಟಾರ್ ರಜನಿಕಾಂತ್ ಬೆಳ್ಳಿ ಪರದೆಯ ಮೇಲೆ ಜೈಲರ್ ಮೂಲಕ ಮರಳಿದ್ದಾರೆ. ಅವರು ಕೊನೆಯದಾಗಿ ಕಾಣಿಸಿಕೊಂಡದ್ದು ʼಅಣ್ಣಾತ್ತೆʼಯಲ್ಲಿ. ಜೈಲರ್‌ನ ಪಾತ್ರವರ್ಗದಲ್ಲಿ ಶಿವ ರಾಜ್‌ಕುಮಾರ್‌, ಮೋಹನ್‌ಲಾಲ್‌, ರಮ್ಯಾ ಕೃಷ್ಣನ್, ಜಾಕಿ ಶ್ರಾಫ್, ವಸಂತ್ ರವಿ, ಯೋಗಿ ಬಾಬು ಮತ್ತು ರೆಡಿಂಗ್ ಕಿಂಗ್ಸ್‌ಲಿ ಕೂಡ ಇದ್ದಾರೆ. ಕಾವಾಲಯ್ಯಾ ಹಾಡಿನಲ್ಲಿ ತಮನ್ನಾ ಭಾಟಿಯಾ ಅವರ ಆಕರ್ಷಕ ನೃತ್ಯ ಚಲನೆಗಳು ಈಗಾಗಲೇ ಇಂಟರ್ನೆಟ್‌ನಲ್ಲಿ ಬಿರುಗಾಳಿಯಂತೆ ಆವರಿಸಿವೆ.
ರಜನಿಕಾಂತ್ ಮತ್ತು ಮೋಹನ್ ಲಾಲ್ ಕಾಂಬಿನೇಷನ್ ಸಿನಿಮಾ ಇದಾಗಿದ್ದು ಇದೇ ಮೊದಲ ಬಾರಿಗೆ ಇಬ್ಬರು ನಟರು ಒಟ್ಟಾಗಿ ಕಾಣಿಸಿಕೊಂಡಿದ್ದಾರೆ. ರಜನಿಕಾಂತ್ ಅವರ 169ನೇ ಚಿತ್ರ ಇದಾಗಿದೆ. ಸನ್ ಪಿಕ್ಚರ್ಸ್ ಬ್ಯಾನರ್ ಅಡಿಯಲ್ಲಿ ಕಲಾನಿಧಿ ಮಾರನ್ ನಿರ್ಮಿಸಿದ್ದಾರೆ. ಕೇರಳದಲ್ಲಿ ಚಿತ್ರದ ವಿತರಣಾ ಹಕ್ಕುಗಳನ್ನು ಶ್ರೀ ಗೋಕುಲಂ ಮೂವೀಸ್ ಬ್ಯಾನರ್ ಅಡಿಯಲ್ಲಿ ಗೋಕುಲಂ ಗೋಪಾಲನ್ ಪಡೆದುಕೊಂಡಿದ್ದಾರೆ.