ಮುಂಬೈನಲ್ಲಿ ಜುಲೈ 25ರಂದು ನಡೆದ ʻರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ’ ಚಿತ್ರದ ಪ್ರದರ್ಶನದಲ್ಲಿ ಹಿರಿಯ ನಟಿ ಜಯಾ ಬಚ್ಚನ್ ಪಾಪರಾಜಿಗಳ (ಫೋಟೊಗ್ರಾಫರ್‌ಗಳ) ಮೇಲೆ ಸಿಡಿಮಿಡಿಗೊಂಡರು. ಜಯಾ ಬಚ್ಚನ್ (Jaya Bachchan) ಈ ರೀತಿ ವರ್ತನೆ ತೋರುವುದು ಇದೇ ಮೊದಲನೇಲ್ಲ. ಸಾಕಷ್ಟು ಸಲ ಈ ನಟಿ ಪಾಪರಾಜಿಗಳ (ಫೋಟೊಗ್ರಾಫರ್‌ಗಳ) ವಿರುದ್ಧ ಕೂಗಾಡಿದ್ದಾರೆ. ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ ಸಿನಿಮಾ ಬಿಡುಗಡೆಗೆ ಸಜ್ಜಾಗಿದೆ. ಆಲಿಯಾ ಭಟ್ ಮತ್ತು ರಣವೀರ್ ಸಿಂಗ್ ಭರ್ಜರಿ ಪ್ರಚಾರ ಮಾಡುತ್ತಿದ್ದಾರೆ. ಗ್ರ್ಯಾಂಡ್ ರಿಲೀಸ್‌ಗೂ ಮುಂಚಿತವಾಗಿ ರಣವೀರ್ ಸಿಂಗ್ ಮತ್ತು ಆಲಿಯಾ ಭಟ್ ಅಭಿನಯದ ಕರಣ್ ಜೋಹರ್ ನಿರ್ದೇಶನದ ʻರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿʼ (rocky aur rani ki prem kahani) ತಂಡ ವಿಶೇಷ ಪ್ರದರ್ಶನ ಹಮ್ಮಿಕೊಂಡಿತ್ತು. ಜಯಾ ಬಚ್ಚನ್ ಜತೆ ಪುತ್ರಿ ಶ್ವೇತಾ ಬಚ್ಚನ್, ಪುತ್ರ ಅಭಿಷೇಕ್ ಬಚ್ಚನ್ ಜೊತೆ ವಿಶೇಷ ಪ್ರದರ್ಶನಕ್ಕೆ ಹಾಜರಾಗಿದ್ದರು. ಪಾಪರಾಜಿಗಳು ಮತ್ತೆ ಮತ್ತೆ ಕರೆದುದನ್ನು ಕೇಳಿ ‘ನಾನೇನು ಕಿವುಡಿ….’ ಅಲ್ಲ ಎಂದು ಕಿವಿ ಮುಚ್ಚಿ ಹೇಳಿ ಸಿಡುಕುತ್ತಾ ಹೋದರು ಜಯಾ ಬಚ್ಚನ್.
ರಣವೀರ್ ಸಿಂಗ್ ನಟನೆಯ ‘ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ’ ಬಿಡುಗಡೆಗೆ ಸಜ್ಜಾಗಿದೆ. ರಣವೀರ್ ರಾಕಿ ರಾಂಧವಾ ಪಾತ್ರದಲ್ಲಿ ಕಾಣಿಸಿಕೊಂಡರೆ, ಆಲಿಯಾ ರಾಣಿ ಚಟರ್ಜಿ ಪಾತ್ರವನ್ನು ನಿರ್ವಹಿಸಲಿದ್ದಾರೆ. ಅವರಲ್ಲದೆ, ಈ ಚಿತ್ರದಲ್ಲಿ ಜಯಾ ಬಚ್ಚನ್, ಧರ್ಮೇಂದ್ರ ಮತ್ತು ಶಬಾನಾ ಅಜ್ಮಿ ಕೂಡ ನಟಿಸಿದ್ದಾರೆ. ಧರ್ಮ ಪ್ರೊಡಕ್ಷನ್ಸ್ ನಿರ್ಮಿಸಿರುವ ‘ ‘ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ’ ಇದೇ ಜುಲೈ 28 ರಂದು (rocky aur rani ki prem kahani release date) ಬಿಡುಗಡೆಯಾಗುತ್ತಿದೆ. ಗ್ರ್ಯಾಂಡ್ ರಿಲೀಸ್‌ಗೂ ಮುಂಚಿತವಾಗಿ ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ ಸಿನಿಮಾತಂಡ ವಿಶೇಷ ಪ್ರದರ್ಶನ ಹಮ್ಮಿಕೊಂಡಿತ್ತು. ಪಾಪರಾಜಿಗಳು ಹಂಚಿಕೊಂಡ ವಿಡಿಯೊದಲ್ಲಿ ಜಯಾ ಬಚ್ಚನ್ ಕೆಂಪು ಬಣ್ಣದ ಡ್ರೆಸ್ ಧರಿಸಿ ಆಗಮಿಸಿದ್ದರು. ಸ್ಟೈಲಿಶ್ ಆಗಿ ಕಾಣಿಸಿಕೊಂಡಿದ್ದ ಜಯಾ ಬಚ್ಚನ್ ವಿಡಿಯೊ ವೈರಲ್ ಆಗಿದೆ. ಕಾರ್ಯಕ್ರಮಕ್ಕೆ ಎಂಟ್ರಿ ಕೊಡುತ್ತಿದ್ದಂತೆ ಪಾಪರಾಜಿಗಳು ಪೋಸ್ ನೀಡುವಂತೆ ಕರೆದರು. ಪಾಪರಾಜಿಗಳು ಕರೆದನ್ನು ಕೇಳಿ ‘ನಾನೇನು ಕಿವುಡಿ….’ ಅಲ್ಲ ಎಂದು ಕಿವಿ ಮುಚ್ಚಿ ಹೇಳಿ ಸಿಡುಕುತ್ತಾ ಹೋದರು.
ಇದನ್ನೂ ಓದಿ: Deepika Padukone Ranveer Singh: ಆಲಿಯಾ ಜತೆ ರ‍್ಯಾಂಪ್ ವಾಕ್ ಮಾಡುತ್ತಿದ್ದಾಗಲೇ ದೀಪಿಕಾಗೆ ಕಿಸ್ ಕೊಟ್ಟ ರಣವೀರ್!
ಹೆಸರೇ ಸೂಚಿಸುವಂತೆ ಇದೊಂದು ಪ್ರೇಮ ಕಥೆ. ಇದನ್ನು ಯಾವ ರೀತಿಯಲ್ಲಿ ಕಟ್ಟಿಕೊಡಲಾಗಿದೆ ಎಂಬ ಕುತೂಹಲ ಅಭಿಮಾನಿಗಳಲ್ಲಿ ಮೂಡಿದೆ. ಮದುವೆಯ ದೃಶ್ಯಗಳು ಸಹ ಟೀಸರ್‌ನಲ್ಲಿ ಇದ್ದವು. ಆಲಿಯಾ ವಧುವಿನಂತೆ ಅಲಂಕೃತವಾಗಿ ನಡೆದುಕೊಂಡು ಹೋಗುತ್ತಿರುವ ದೃಶ್ಯವಿತ್ತು.‘ಬ್ರಹ್ಮಾಸ್ತ್ರ’, ‘ಭೂಲ್ ಭುಲಯ್ಯ 2’ ಸೇರಿ ಹಲವು ಸೂಪರ್ ಹಿಟ್ ಚಿತ್ರಗಳಿಗೆ ಸಂಗೀತ ಸಂಯೋಜನೆ ಮಾಡಿರುವ ಪ್ರೀತಮ್ ಅವರು ‘ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ’ ಸಿನಿಮಾಗೆ ಸಂಗೀತ ಸಂಯೋಜನೆ ಮಾಡಿದ್ದಾರೆ.