Site icon Vistara News

Kajal Aggarwal: ಕಾಜಲ್ ಅಗರ್ವಾಲ್‌ ಜನುಮದಿನಕ್ಕೆ ಸತ್ಯಭಾಮಾ, ಭಗವಂತ ಕೇಸರಿ ತಂಡದಿಂದ ಭರ್ಜರಿ ಗಿಫ್ಟ್‌

Yashaswi Devadiga
Kajal Aggarwal

ಬೆಂಗಳೂರು: ಕಾಜಲ್ ಅಗರ್ವಾಲ್ (Kajal Aggarwal) ಜೂನ್‌ 19ರಂದು 38ನೇ ವರ್ಷದ ಜನುಮದಿನವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಕಾಜಲ್ ಅಗರ್ವಾಲ್ ಅಭಿಮಾನಿಗಳಿಗೆ ಸಖತ್‌ ಸರ್‌ಪ್ರೈಸ್‌ ಕೂಡ ನೀಡಿದ್ದಾರೆ. ಮುಂಬರುವ ಚಿತ್ರ ಸತ್ಯಭಾಮಾದ ಟೀಸರ್ ಜೂನ್ 18ರಂದು ಅವರ ಹುಟ್ಟುಹಬ್ಬದ ಒಂದು ದಿನ ಮುಂಚಿತವಾಗಿ ಬಿಡುಗಡೆಯಾಯಿತು. ನಂದಮೂರಿ ಬಾಲಕೃಷ್ಣ ನಟನೆಯ ಭಗವಂತ ಕೇಸರಿ ಚಿತ್ರತಂಡ ಚಿತ್ರದ ಫಸ್ಟ್ ಲುಕ್ ಪೋಸ್ಟರ್ ಅನಾವರಣಗೊಳಿಸಿದೆ.

ಭಗವಂತ ಕೇಸರಿಯಲ್ಲಿ ಕಾಜಲ್ ಅಗರ್ವಾಲ್

ನಂದಮೂರಿ ಬಾಲಕೃಷ್ಣ ಅವರ ಸಾಹಸ ಚಿತ್ರ ಭಗವಂತ ಕೇಸರಿಯಲ್ಲಿ ಕಾಜಲ್ ಅಗರ್ವಾಲ್ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಕಾಜಲ್ ಗುಲಾಬಿ ಬಣ್ಣದ ಸೀರೆಯೊಂದಿಗೆ ಕನ್ನಡಕವನ್ನು ಧರಿಸಿದ್ದಾರೆ. ಫೋನ್ ಸಂಭಾಷಣೆಯಲ್ಲಿ ತೊಡಗಿರುವ ಕ್ಯೂಟ್‌ ಫೋಟೊವನ್ನು ಹಂಚಿಕೊಂಡಿದೆ. ಈ ಹಿಂದೆ ನಿರ್ದೇಶಕ ಅನಿಲ್ ರವಿಪುಡಿ ಅವರ ಸಿನಿಮಾಗಳು ಬ್ಲಾಕ್ ಬಸ್ಟರ್ ಆಗಿದ್ದವು. ಎಫ್ 3, ಸರಿಲೇರು ನೀಕೆವ್ವರು, ಎಫ್ 2: ಫನ್ ಆಂಡ್‌ ಫ್ರಸ್ಟ್ರೇಶನ್ ಮತ್ತು ರಾಜಾ ದಿ ಗ್ರೇಟ್ ಮುಂತಾದ ಚಿತ್ರಗಳು ಭಾರಿ ಹಿಟ್ ಆಗಿದ್ದವು. ಶೈನ್ ಸ್ಕ್ರೀನ್ಸ್ ಬ್ಯಾನರ್ ಅಡಿಯಲ್ಲಿ ಚಿತ್ರ ನಿರ್ಮಾಣವಾಗಿದೆ.

ಭಗವಂತ ಕೇಸರಿ ಫ್ಯಾಮಿಲಿ ಎಂಟರ್ಟೈನರ್ ಸಿನಿಮಾವಾಗಿದೆ. ಚಿತ್ರದಲ್ಲಿ ಶ್ರೀಲೀಲಾ ಕೂಡ ಕಾಣಿಸಿಕೊಳ್ಳಲಿದ್ದಾರೆ. ಬಾಲಿವುಡ್ ನಟ ಅರ್ಜುನ್ ರಾಂಪಾಲ್ ವಿಲನ್‌ ಪಾತ್ರವನ್ನು ನಿರ್ವಹಿಸಲಿದ್ದಾರೆ.

ಇದನ್ನೂ ಓದಿ: Kajal Aggarwal: ಹುಟ್ಟುಹಬ್ಬದಂದು ಮಗನ ಕ್ಯೂಟ್‌ ಫೋಟೊ ಹಂಚಿಕೊಂಡ ಕಾಜಲ್ ಅಗರ್ವಾಲ್

ಕಾಜಲ್ ಅವರ 60ನೇ ಚಿತ್ರ ಸತ್ಯಭಾಮ

ಈ ಚಿತ್ರದಲ್ಲಿ ಕಾಜಲ್ ಪೊಲೀಸ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಶಶಿ ಕಿರಣ್ ಟಿಕ್ಕಾ ಬರೆದಿರುವ ಸತ್ಯಭಾಮ ಚಿತ್ರವು ಮಹಿಳಾ ಪ್ರಧಾನ ಚಿತ್ರವಾಗಿದೆ. ಇದರಲ್ಲಿ ಕಾಜಲ್ ಜತೆಗೆ ರೆಜಿನಾ ಕಸ್ಸಂದ್ರ, ಜಾನ್ಲಿಯರ್ ಮತ್ತು ಆಧವ್ ಕನ್ನಡಸನ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಇದನ್ನು ಅಖಿಲ್ ದೇಗಲ ನಿರ್ದೇಶಿಸಿದ್ದಾರೆ.

ಇದನ್ನೂ ಓದಿ: Kajal Aggarwal: ಹುಟ್ಟುಹಬ್ಬದಂದು ಮಗನ ಕ್ಯೂಟ್‌ ಫೋಟೊ ಹಂಚಿಕೊಂಡ ಕಾಜಲ್ ಅಗರ್ವಾಲ್

ಸತ್ಯಭಾಮಾ ಮತ್ತು ಭಗವಂತ ಕೇಸರಿಯ ಹೊರತಾಗಿ, ನಿರ್ದೇಶಕ ಶಂಕರ್ ಅವರ ಇಂಡಿಯನ್‌ 2 ನಲ್ಲಿ ಕಾಜಲ್ ಅಗರ್ವಾಲ್ ಕೂಡ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರದಲ್ಲಿ ಕಮಲ್ ಹಾಸನ್, ಸಿದ್ಧಾರ್ಥ್ ಮತ್ತು ರಾಕುಲ್ ಪ್ರೀತ್ ಸಿಂಗ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

Exit mobile version