ಬೆಂಗಳೂರು: ಬಾಲಿವುಡ್ ನಟ ರಣವೀರ್ ಸಿಂಗ್ ತಮ್ಮ ‘ಬಯೋಪಿಕ್’ನ ಭಾಗವಾಗಬೇಕೆಂದು ಚಲನಚಿತ್ರ ನಿರ್ಮಾಪಕ ಕರಣ್ ಜೋಹರ್ (Karan Johar) ಬಹಿರಂಗಪಡಿಸಿದ್ದಾರೆ. ಇದಕ್ಕೆ ಕಾರಣವನ್ನು ನೀಡಿರುವ ಕರಣ್, ನಟ ರಣವೀರ್ ಸಿಂಗ್ ನನ್ನ ಪಾತ್ರವನ್ನು ಉತ್ತಮವಾಗಿ ನಿರ್ವಹಿಸಬಲ್ಲರು. ಅವರು ನನ್ನ ಬಾಲ್ಯವನ್ನು ತೆರೆಯ ಮೇಲೆ ತೋರಿಸಬೇಕೆಂದು ಬಯಸುತ್ತಿದರು ಎನ್ನುವುದನ್ನು ಬಹಿರಂಗಪಡಿಸಿದರು.
ರೊಪೊಸೊ ಲೈವ್ ಶೋನಲ್ಲಿ ಈ ಕುರಿತು ಮಾಹಿತಿ ಹಂಚಿಕೊಂಡ ಕರಣ್ ಜೋಹರ್, ನಾನು ಅದ್ಭುತ ಬಾಲ್ಯದ ನೆನಪುಗಳನ್ನು ಹೊಂದಿದ್ದು, ಪೋಷಕರು ನನಗೆ ಎಲ್ಲವನ್ನೂ ಚೆನ್ನಾಗಿ ಕಲಿಸಿಕೊಟ್ಟಿದ್ದಾರೆ ಎಂದಿದ್ದಾರೆ. ತಮ್ಮ ಬಯೋಪಿಕ್‌ನಲ್ಲಿ ಯಾರು ಉತ್ತಮವಾಗಿ ನಟಿಸಬಹುದು ಎನ್ನುವುದಕ್ಕೆ ಕರಣ್ ಜೋಹರ್ ಪ್ರತಿಕ್ರಿಯೆ ನೀಡಿ ʻʻ”ನನ್ನ ಪ್ರಕಾರ ರಣವೀರ್ ಸಿಂಗ್ʼʼ ಎಂದಿದ್ದಾರೆ.
ಇದನ್ನೂ ಓದಿ | ಕರಣ್ ಜೋಹರ್ ಬರ್ತ್‌ ಡೇ ಪಾರ್ಟಿಗೆ ಹೋಗಿದ್ದ 50ಕ್ಕೂ ಹೆಚ್ಚು ಮಂದಿಗೆ ಏನಾಯ್ತು?; ಜೋರಾಗಿದೆ ಚರ್ಚೆ
“ನನಗೆ ಅದ್ಭುತವಾದ ಬಾಲ್ಯವಿತ್ತು. ನನ್ನ ಹೆತ್ತವರು ನನಗೆ ಅತ್ಯಂತ ಅದ್ಭುತವಾದ ಜೀವನ ಪಾಠಗಳನ್ನು ಕಲಿಸಿದ್ದಾರೆ. ನಾನು ಮಗುವಾಗಿದ್ದಾಗ ಕೆಲವು ಭಾವನೆಗಳನ್ನು ಹೊಂದಿದ್ದೆ. ಇತರರಿಗೆ ಹೋಲಿಸಿದರೆ ನಾನು ಭಿನ್ನವಾಗಿರುವುದರಿಂದ ಅದಕ್ಕೆ ಬೆಲೆ ತೆರಬೇಕಾಯಿತು. ಇದು ಕಠಿಣವಾಗಿತ್ತು. ಆ ಹಂತದಲ್ಲಿ ನಾನು ಬಹಳಷ್ಟು ಕಲಿತಿದ್ದೇನೆʼʼ ಎಂದು ಕರಣ್ ಹೇಳಿದರು.
ಕರಣ್ ಅವರನ್ನು KJo ಎಂದು ಕರೆಯಲಾಗುತ್ತದೆಯಾದರೂ ಅವರು ಆ ಅಡ್ಡ ಹೆಸರನ್ನು ಇಷ್ಟಪಡುವುದಿಲ್ಲ. ಜನರು ಅವರನ್ನು ಕರಣ್ ಎಂದು ಕರೆಯಲು ಬಯಸುತ್ತಾರೆ ಎನ್ನುವುದನ್ನು ಬಹಿರಂಗಪಡಿಸಿದರು. ತಮ್ಮ ಟಾಕ್‌ ಶೋನಲ್ಲಿ ಅಂತಾರಾಷ್ಟ್ರೀಯ ತಾರೆಗಳಾದ ಎಲ್ಲೆನ್ ಡಿಜೆನೆರೆಸ್ ಮತ್ತು ಮೆರಿಲ್ ಸ್ಟ್ರೀಪ್ ಅತಿಥಿಗಳಾಗಿ ಬರಬೇಕೆಂಬ ಆಶಯವನ್ನು ಹಂಚಿಕೊಂಡರು.
ಕರಣ್ ಜೋಹರ್ ಅವರು ಚಲನಚಿತ್ರ ನಿರ್ಮಾಪಕರಾದ ಯಶ್ ಜೋಹರ್ ಮತ್ತು ಹಿರೂ ಜೋಹರ್ ದಂಪತಿ ಪುತ್ರ. ‘ಕುಚ್ ಕುಚ್ ಹೋತಾ ಹೈ’ ಚಿತ್ರದ ಮೂಲಕ ನಿರ್ದೇಶನಕ್ಕೆ ಪದಾರ್ಪಣೆ ಮಾಡಿದ್ದರು. ʻಕಭಿ ಖುಷಿ ಕಭಿ ಗಮ್’, ‘ಕಭಿ ಅಲ್ವಿದಾ ನಾ ಕೆಹೆನಾ’, ‘ಮೈ ನೇಮ್ ಇಸ್ ಖಾನ್’, ‘ಸ್ಟೂಡೆಂಟ್ ಆಫ್ ದಿ ಇಯರ್’ ಹೀಗೆ ಅನೇಕ ಹಿಟ್‌ ಸಿನಿಮಾವನ್ನು ನಿರ್ದೇಶಿಸಿದ್ದಾರೆ.
ಇದನ್ನೂ ಓದಿ | Star Week | ದೀಪಾವಳಿ ಪಾರ್ಟಿಗೆ ಬಾಲಿವುಡ್ ತಾರೆಯರ ಪ್ರಭಾವಳಿ