ಬೆಂಗಳೂರು: ಹಾಲಿವುಡ್ ನಟ, WWE ಸೂಪರ್‌ಸ್ಟಾರ್ (WWE Superstar Spectacle) ಜಾನ್ ಸೆನಾ (John Cena) 17 ವರ್ಷಗಳ ನಂತರ ಭಾರತಕ್ಕೆ ಭೇಟಿ ನೀಡಿದ್ದು, ಹೈದರಾಬಾದ್‌ನಲ್ಲಿದ್ದಾರೆ. ತಮಿಳು ನಟ ಕಾರ್ತಿ (actor Karthi) ತಮ್ಮ ತವರಿನಲ್ಲಿ WWE ಸೂಪರ್‌ಸ್ಟಾರ್ ಅವರನ್ನು ಭೇಟಿಯಾಗಿದ್ದಾರೆ. ಜಾನ್ ಜತೆಗಿನ ಫೋಟೊವನ್ನು ಹಂಚಿಕೊಂಡು ಅವರನ್ನು ಭಾರತಕ್ಕೆ ಸ್ವಾಗತಿಸಿದರು. ಜಾನ್ ಬಿಳಿ ಟಿ-ಶರ್ಟ್ ಮತ್ತು ಕಪ್ಪು ಕ್ಯಾಪ್ ಧರಿಸಿದ್ದರೆ, ಕಾರ್ತಿ ಕಪ್ಪು ಟಿ-ಶರ್ಟ್ WWE ಜರ್ಸಿಯನ್ನು (Karthi meets John Cena) ಧರಿಸಿದ್ದರು.
ಕಾರ್ತಿ ಅವರು ಇನ್‌ಸ್ಟಾದಲ್ಲಿ ಪೋಸ್ಟ್ ಹಂಚಿಕೊಂಡು ʻʻನಿಮ್ಮನ್ನು ಭೇಟಿಯಾಗಿದ್ದಕ್ಕೆ ತುಂಬಾ ಸಂತೋಷವಾಗಿದೆʼʼಎಂದು ಬರೆದುಕೊಂಡಿದ್ದಾರೆ. WWE ಸ್ಪೆಕ್ಟಾಕಲ್ ಹೈದರಾಬಾದ್ ಹ್ಯಾಶ್‌ಟ್ಯಾಗ್‌ನೊಂದಿಗೆ WWE ಇಂಡಿಯಾ ಮತ್ತು ಸೋನಿ ಸ್ಪೋರ್ಟ್ಸ್ ನೆಟ್‌ವರ್ಕ್ ಟ್ಯಾಗ್ ಮಾಡಿದ್ದಾರೆ.
ವರ್ಲ್ಡ್ ರೆಸ್ಲಿಂಗ್ ಎಂಟರ್ಟೈನ್ಮೆಂಟ್(WWE) ಸೂಪರ್ ಸ್ಪೆಕ್ಟಾಕಲ್ ಹಣಾಹಣಿ ಭಾರತದಲ್ಲಿ ಆರು ವರ್ಷಗಳ ಬಳಿಕ ನಡೆಯುತ್ತಿದೆ. ಇದೇ ಕಾರಣಕ್ಕೆ ಹಾಲಿವುಡ್ ನಟ, WWE ಸೂಪರ್‌ಸ್ಟಾರ್ ಜಾನ್ ಸೆನಾ 17 ವರ್ಷಗಳ ನಂತರ ಭಾರತಕ್ಕೆ ಭೇಟಿ ನೀಡಿದ್ದು.ಇಬ್ಬರೂ ಸೂಪರ್‌ಸ್ಟಾರ್‌ಗಳ ಭೇಟಿಗೆ ಹಲವಾರು ಅಭಿಮಾನಿಗಳು ಕಮೆಂಟ್ ಮಾಡಿದ್ದಾರೆ. ಹಲವು ಮಂದಿ ಕಾರ್ತಿ ಅವರ ಕಾಲೆಳೆದಿದ್ದಾರೆ. ಒಬ್ಬರೇ ಏಕೆ ನಿಂತಿದ್ದಿರಿ? ಒಬ್ಬರೇ ಗಾಳಿಯಲ್ಲಿ ಹ್ಯಾಂಡ್ ಶೇಕ್ ಮಾಡುತ್ತಿರುವುದೇಕೆ… ನಮಗೆ ಅಲ್ಲಿ ಯಾರು ಕಾಣಿಸುತ್ತಿಲ್ಲ. ಒಬ್ಬರೇ ನಿಂತು ಫೋಸ್ ಯಾಕೆ ನೀಡುತ್ತಿದ್ದಿರಿ ಎಂದು ಕಮೆಂಟ್ ಮಾಡಿದ್ದಾರೆ.
ಇದನ್ನೂ ಓದಿ: Bray Wyatt: ಹೃದಯಾಘಾತದಿಂದ ಸಾವನ್ನಪ್ಪಿದ WWE ಮಾಜಿ ಸೂಪರ್‌ಸ್ಟಾರ್ ಬ್ರೇ ವ್ಯಾಟ್
ಜಾನ್ ಸೆನಾ ಕಳೆದ ತಿಂಗಳು ಯಾವುದೇ ಶೀರ್ಷಿಕೆಯಿಲ್ಲದೆ ತನ್ನ ಇನ್‌ಸ್ಟಾಗ್ರಾಮ್‌ನಲ್ಲಿ ತ್ರಿವಣ ಧ್ವಜದ ಚಿತ್ರವನ್ನು ಹಂಚಿಕೊಂಡು ಸುದ್ದಿಯಲ್ಲಿದ್ದರು. ಪೋಸ್ಟ್ ವೇಳೆ ಚಂದ್ರಯಾನ-3ರ ಸಾಧನೆಯಲ್ಲಿತ್ತು ಭಾರತ. ಭಾರತದ ಐತಿಹಾಸಿಕ ಸಾಧನೆಗೆ ಗೌರವ ಸಲ್ಲಿಸುತ್ತಿದ್ದಾರೆಯೇ ಎಂದು ಅನೇಕರು ಕಮೆಂಟ್ ಮೂಲಕ ವ್ಯಕ್ತಪಡಿಸಿದ್ದರು.
ಫಾಸ್ಟ್ & ಫ್ಯೂರಿಯಸ್ ಫ್ರ್ಯಾಂಚೈಸ್‌ನ ಹತ್ತನೇ ಕಂತು ಫಾಸ್ಟ್ ಎಕ್ಸ್‌ನಲ್ಲಿ ಜಾನ್ ಕೊನೆಯದಾಗಿ ಕಾಣಿಸಿಕೊಂಡರು. ಕಾರ್ತಿ ಕೊನೆಯದಾಗಿ ಈ ವರ್ಷದ ಆರಂಭದಲ್ಲಿ ಮಣಿರತ್ನಂ ಅವರ ಐತಿಹಾಸಿಕ ಮಹಾಕಾವ್ಯ ಪೊನ್ನಿಯನ್ ಸೆಲ್ವನ್: 2ನಲ್ಲಿ ಕಾಣಿಸಿಕೊಂಡಿದ್ದರು.