ಮುಂಬೈ: ಇನ್‌ಸ್ಟಾಗ್ರಾಂನ ಇನ್‌ಫ್ಲೂಯೆನ್ಸರ್‌ ಮತ್ತು ಪ್ರಸಿದ್ಧ ಕಂಟೆಂಟ್‌ ಕ್ರಿಯೇಟರ್‌ ಆಗಿರುವ ಕುಶಾ ಕಪಿಲಾ(Kusha Kapila) ಅವರು ಪತಿ ಜೋರಾವರ್‌ ಅಹ್ಲುವಾಲಿಯಾ ಅವರೊಂದಿಗಿನ ದಾಂಪತ್ಯವನ್ನು ಮುರಿದುಕೊಂಡಿದ್ದಾರೆ. ಈ ಬಗ್ಗೆ ಅವರು ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್‌ ಒಂದನ್ನು ಹಂಚಿಕೊಳ್ಳುವ ಮೂಲಕ ಮಾಹಿತಿ ಕೊಟ್ಟಿದ್ದಾರೆ.
“ಜೋರಾವರ್‌ ಮತ್ತು ನಾನು ಬೇರೆಯಾಗುವುದಕ್ಕೆ ನಿರ್ಧರಿಸಿದ್ದೇವೆ. ಇದು ಸುಲಭವಾದ ನಿರ್ಧಾರವಲ್ಲ. ಆದರೆ ನಮ್ಮ ಜೀವನದಲ್ಲಿ ಈ ಹಂತದಲ್ಲಿ ಇದು ಸರಿಯಾದ ನಿರ್ಧಾರವಾಗಿದೆ. ನಾವಿಬ್ಬರು ಹಂಚಿಕೊಂಡ ಪ್ರೀತಿ ಎಂದೆಂದಿಗೂ ಅರ್ಥಪೂರ್ಣ. ಆದರೆ ಸದ್ಯಕ್ಕೆ ನಮ್ಮಿಬ್ಬರ ನಡುವೆ ಹೊಂದಾಣಿಕೆಯಾಗುತ್ತಿಲ್ಲ. ಎಲ್ಲವನ್ನು ಸರಿಪಡಿಸಿಕೊಳ್ಳುವುದಕ್ಕೆ ನಾವು ಸಕಲ ಪ್ರಯತ್ನ ಮಾಡಿದ್ದಾಗಿದೆ” ಎಂದು ನಟಿ ಪೋಸ್ಟ್‌ನಲ್ಲಿ ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: Viral Video: ಪ್ರೀತಿಯಲ್ಲಿ ಬಿದ್ದ ಮಗಳಿಗೆ ಬಾಸುಂಡೆ ಬರುವಂತೆ ಬಾರಿಸಿದ ಅಮ್ಮ! ಇದು ಲವ್ ಸೈಡ್ ಎಫೆೆಕ್ಟ್
ಹಾಗೆಯೇ, “ಸಂಬಂಧಗಳ ಅಂತ್ಯ ನಿಜಕ್ಕೂ ದುಃಖಕರ, ಇದು ನಮಗೆ ಮತ್ತು ನಮ್ಮ ಕುಟುಂಬಕ್ಕೆ ಅಗ್ನಿಪರೀಕ್ಷೆ. ಇದನ್ನು ಸಹಿಸಿಕೊಳ್ಳುವುದಕ್ಕೆ ನಮಗೆ ಸಮಯವಿದೆ. ನಮ್ಮ ಜೀವನದಲ್ಲಿ ಮುಂದೆ ಹೋಗುವುದಕ್ಕೆ ಮತ್ತು ಎಲ್ಲವೂ ಸರಿಯಾಗುವುದಕ್ಕೆ ಇನ್ನೂ ಹೆಚ್ಚಿನ ಸಮಯ ಬೇಕಿದೆ. ಸದ್ಯಕ್ಕೆ ಪರಸ್ಪರ ಪ್ರೀತಿ, ಗೌರವ ಮತ್ತು ಬೆಂಬಲ ಕೊಟ್ಟುಕೊಳ್ಳಬೇಕಿದೆ. ನಮ್ಮ ಪ್ರೀತಿಯಾದ ಮಾಯಾಳಿಗೆ ನಾವಿಬ್ಬರೂ ಸಹ ಪೋಷಕರಾಗಿಯೇ ಇರುತ್ತೇವೆ” ಎಂದು ಅವರು ಹೇಳಿಕೊಂಡಿದ್ದಾರೆ.
ಕುಶಾ ಕಪಿಲಾ ಅವರು ಇತ್ತೀಚೆಗೆ ಮುಂಬೈಗೆ ಸ್ಥಳಾಂತರಗೊಂಡಿದ್ದಾರೆ. ಜೋರಾವರ್‌ ಅವರು ಗುರುಗ್ರಾಮದಲ್ಲಿಯೇ ನೆಲೆಸಿದ್ದಾರೆ. ಈ ಜೋಡಿ 2017ರಲ್ಲಿ ವಿವಾಹವಾಗಿತ್ತು. ಕುಶಾ ಅವರು ʼಮಸಬ ಮಸಬʼ ವೆಬ್‌ ಸೀರಿಸ್‌ನಲ್ಲಿ ನಟಿಸುವ ಮೂಲಕ ನಟಿಯಾಗಿಯೂ ಗುರುತಿಸಿಕೊಂಡಿದ್ದಾರೆ.