ಬೆಂಗಳೂರು: ರಜನಿಕಾಂತ್ ಅಭಿನಯದ ʻಲಾಲ್ ಸಲಾಮ್ʼ (Lal Salaam Teaser) ಚಿತ್ರದ ಬಹು ನಿರೀಕ್ಷಿತ ಟೀಸರ್ ಬಿಡುಗಡೆಗೊಂಡಿದೆ. ಐಶ್ವರ್ಯಾ ರಜನಿಕಾಂತ್ ನಿರ್ದೇಶನದ ಈ ಚಿತ್ರದಲ್ಲಿ ವಿಷ್ಣು ವಿಶಾಲ್ ಮತ್ತು ವಿಕ್ರಾಂತ್ ಕೂಡ ನಟಿಸಿದ್ದಾರೆ. ಲಾಲ್ ಸಲಾಮ್ ಟೀಸರ್ ಕ್ರಿಕೆಟ್ ಪಂದ್ಯದೊಂದಿಗೆ ಪ್ರಾರಂಭವಾಗುತ್ತದೆ. ʻಇದು ಕೇವಲ ಆಟವಲ್ಲ ಆದರೆ ಯುದ್ಧʼ ಎಂಬ ಡೈಲಾಗ್‌ ಇಲ್ಲಿ ಪ್ರಮುಖ ಹೈಲೈಟ್‌. ಮೊಯ್ದೀನ್ ಭಾಯ್ ರಜನಿಕಾಂತ್ ಕೂಡ ರಗಡ್‌ ಆಗಿ ಕಂಡಿದ್ದಾರೆ.
ಟೀಸರ್‌ಗೆ ಪ್ರತಿಕ್ರಿಯಿಸಿದ ಅಭಿಮಾನಿಯೊಬ್ಬರು, “ಕಮರ್ಷಿಯಲ್ ಚಿತ್ರದ ಬದಲಿಗೆ ಸಂದೇಶ ಆಧಾರಿತ ಸಿನಿಮಾ ನೀಡಿದಕ್ಕೆ ಧನವ್ಯಾದʼʼಎಂದು ಒಬ್ಬರು ಕಮೆಂಟ್‌ ಮಾಡಿದ್ದಾರೆ. “ತಲೈವರ್ ಅವರ ಉಪಸ್ಥಿತಿಯು ಟೀಸರ್‌ವನ್ನು ಮತ್ತೊಂದು ಹಂತಕ್ಕೆ ಕರೆದೊಯ್ದಿದೆʼʼಎಂದು ಮತ್ತೊಬ್ಬರು ಕಮೆಂಟ್‌ ಮಾಡಿದ್ದಾರೆ.
ಚಿತ್ರದ ಚಿತ್ರೀಕರಣ ಜುಲೈನಲ್ಲಿ ಪೂರ್ಣಗೊಂಡಿದ್ದು 2024ರ ಸಂಕ್ರಾಂತಿ ಹಬ್ಬದಂದು ಬಿಡುಗಡೆಯಾಗಲಿದೆ. ರಜನಿಕಾಂತ್ ಅವರು ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಈ ಚಿತ್ರದಲ್ಲಿ ವಿಷ್ಣು ವಿಶಾಲ್ ಮತ್ತು ವಿಕ್ರಾಂತ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಕಪಿಲ್ ದೇವ್ ಅತಿಥಿ ಪಾತ್ರವನ್ನು ನಿರ್ವಹಿಸಿದ್ದಾರೆ.
ಕೆಲವೇ ದಿನಗಳ ಹಿಂದೆ ಈ ಸಿನಿಮಾದ ಹಾರ್ಡ್ ಡಿಸ್ಕ್ನಲ್ಲಿದ್ದ ರಜನಿಕಾಂತ್ ಅವರ ದೃಶ್ಯಗಳು ಮಿಸ್ಸಿಂಗ್ ಆಗಿವೆ ಎಂದು ಗಾಸಿಪ್ ಹಬ್ಬಿತ್ತು. ಆ ಕಾರಣದಿಂದ ಸಿನಿಮಾದ ರಿಲೀಸ್ ದಿನಾಂಕ ಮುಂದೂಡಿಕೆ ಆಗುವ ಸಾಧ್ಯತೆ ಇದೆ ಎಂದು ವರದಿಯಾಗಿತ್ತು. ಈಗ ಚಿತ್ರತಂಡದವರು ಟೀಸರ್ ರಿಲೀಸ್ ದಿನಾಂಕವನ್ನು ತಿಳಿಸಿದ್ದಾರೆ. ಸಿನಿಮಾದ ಬಿಡುಗಡೆ ಬಗ್ಗೆ ಮಾಹಿತಿ ಇರುವ ಹೊಸ ಪೋಸ್ಟರ್ ಕೂಡ ಹಂಚಿಕೊಂಡಿದ್ದಾರೆ. ಆ ಮೂಲಕ ಗಾಸಿಪ್ಗೆ ಫುಲ್ ಸ್ಟಾಪ್ ಹಾಕಿದ್ದಾರೆ.
ಇದನ್ನೂ ಓದಿ: Lal Salaam Teaser: ದೀಪಾವಳಿಗೆ ಬಿಡುಗಡೆಯಾಗ್ತಿದೆ ‘ಲಾಲ್ ಸಲಾಮ್’ ಟೀಸರ್!
ಮುಂದಿನ ವರ್ಷ ಜನವರಿಯಲ್ಲಿ ಹಲವು ತಮಿಳು ಸಿನಿಮಾಗಳು ಸಂಕ್ರಾಂತಿಯಂದು ಬಿಡುಗಡೆಯಾಗಲಿದೆ. ಶಿವಕಾರ್ತಿಕೇಯನ್ ಅಭಿನಯದ ʻಅಯಾಲನ್ ಪೊಂಗಲ್ʼ , ಸುಂದರ್ ಸಿ ಅವರ ಅರಣ್ಮನೈ 4, ಅರುಣ್ ವಿಜಯ್ ಅವರ ʻವನಂಗಾನ್ʼ ಮತ್ತು ಜಯಂ ರವಿ ಅವರ ʻಸೈರನ್ ಪೊಂಗಲ್ʼ ಬಿಡುಗಡೆಗೆ ಸಜ್ಜಾಗುತ್ತಿರುವ ಸಿನಿಮಾಗಳು. ಇವವೆಲ್ಲ ಸಿನಿಮಾಗಳ ಜತೆ ʻಲಾಲ್ ಸಲಾಮ್ ʼ ಪೈಪೋಟಿ ನಡೆಸಲಿದೆ. ಚಿತ್ರದಲ್ಲಿ ಮಾಜಿ ಕ್ರಿಕೆಟಿಗ ಕಪಿಲ್ ದೇವ್ ಕೂಡ ಕಾಣಿಸಿಕೊಳ್ಳಲಿದ್ದಾರೆ.
ರಜನಿಕಾಂತ್ ಕೊನೆಯ ಬಾರಿಗೆ ಜೈಲರ್ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. ಇದು ವಿಶ್ವಾದ್ಯಂತ 650 ಕೋಟಿ ರೂ. ಗಳಿಸಿತು. 33 ವರ್ಷಗಳ ನಂತರ ಅವರು ಅಮಿತಾಭ್ ಬಚ್ಚನ್ ಅವರೊಂದಿಗೆ ತಲೈವರ್ 170 ಹೆಸರಿಡದ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.