ಲಾಸ್‌ ಏಂಜಲೀಸ್: ಹಾಲಿವುಡ್‌ನ ಖ್ಯಾತ ನಟ, ಟೈಟಾನಿಕ್‌ ಖ್ಯಾತಿಯ ಲಿಯೊನಾರ್ಡ್‌ ಡಿಕ್ಯಾಪ್ರಿಯೊ, ಭಾರತೀಯ ಮಾಡೆಲ್ ಒಬ್ಬಳೊಂದಿಗೆ ಡೇಟಿಂಗ್‌ ಮಾಡ್ತಾ ಇದ್ದಾರಾ? ಇಬ್ಬರೂ ಜತೆಯಾಗಿ ಆತ್ಮೀಯವಾಗಿ ಹಲವು ಬಾರಿ ಕಾಣಿಸಿಕೊಂಡಿರುವುದು ಈ ಬಗ್ಗೆ ಕುತೂಹಲ ಮೂಡಿಸಿದೆ.
ಶುಕ್ರವಾರ ಹಾಲಿವುಡ್ ಸೆನ್ಸೇಶನ್ ಲಿಯೊನಾರ್ಡೊ ಡಿಕಾಪ್ರಿಯೊ ಅವರು ಪ್ಯಾರಿಸ್‌ನಲ್ಲಿ ಭಾರತೀಯ ಮೂಲದ ಬ್ರಿಟಿಷ್ ಮಾಡೆಲ್ ನೀಲಂ ಗಿಲ್ ಅವರೊಂದಿಗೆ ಔತಣಕೂಟದಲ್ಲಿ ಭಾಗವಹಿಸಿದರು. ಜತೆಗೆ ಡಿಕಾಪ್ರಿಯೊ ಸ್ನೇಹಿತ ಟೋಬೆ ಮ್ಯಾಗೈರ್ ಕೂಡ ಇದ್ದರು. ಡಿಕ್ಯಾಪ್ರಿಯೊ ಮತ್ತು ಮ್ಯಾಗೈರ್ ಪ್ಯಾರಿಸ್‌ನಲ್ಲಿರುವ ಹೋಟೆಲ್ ಕಾಸ್ಟ್ಸ್‌ನಿಂದ ಹೊರಟು ತಡರಾತ್ರಿಯ ಊಟಕ್ಕಾಗಿ ರೂ ಡಿ ರಿವೋಲಿಗೆ ತೆರಳಿದರು. ಡಿಕ್ಯಾಪ್ರಿಯೊ ಅವರ ಸೋದರ ಸೊಸೆ ನಾರ್ಮಂಡಿ, ಮ್ಯಾಗೈರ್ ಅವರ ಮಕ್ಕಳಾದ ರೂಬಿ ಮತ್ತು ಓಟಿಸ್ ಕೂಡ ಅವರೊಂದಿಗೆ ಭೋಜನಕ್ಕೆ ಸೇರಿಕೊಂಡರು. ಡಿಕಾಪ್ರಿಯೊ ಮತ್ತು ಮ್ಯಾಗೈರ್ ಇಬ್ಬರೂ ಕ್ಯಾಶುಯಲ್ ಡೆನಿಮ್‌ ಹಾಗೂ ಕಪ್ಪು ಟಿ-ಶರ್ಟ್‌ನಲ್ಲಿದ್ದರೆ, ನೀಲಂ ನೀಲಿ ಬಣ್ಣದ ಮಿನಿ ಸ್ಕರ್ಟ್‌ನೊಂದಿಗೆ ಕಪ್ಪು ಟ್ಯಾಂಕ್ ಟಾಪ್‌ ಧರಿಸಿದ್ದರು. ದುಬಾರಿ ಬೆಲ್ಟ್ ಮತ್ತು ಸೊಗಸಾದ ಸ್ಟಿಲೆಟ್ಟೊ ಬೂಟುಗಳನ್ನು ಕೂಡ ನೀಲಂ ಧರಿಸಿದ್ದರು.
ಲಿಯೋ ಮತ್ತು ಮಾಡೆಲ್ ನಡುವೆ ಏನೋ ನಡೆಯುತ್ತಿದೆ ಎಂದು ಊಹಿಸಲು ಕಾರಣಗಳಿವೆ. ಅವರಿಬ್ಬರೂ ಲಂಡನ್‌ನಲ್ಲಿ ಇತ್ತೀಚಿಗೆ ನಡೆದ ಎರಡು ಕಾರ್ಯಕ್ರಮಗಳಿಗೆ ಹಾಜರಾಗಿದ್ದರು. ಅಲ್ಲಿ ನೀಲಂ ಅವರ ಪೋಷಕರು ಸಹ ಇದ್ದರು. ಕೆಲವೇ ವಾರಗಳ ಹಿಂದೆ, ನೀಲಂ ಲಂಡನ್‌ನ ಚಿಲ್ಟರ್ನ್ ಫೈರ್‌ಹೌಸ್‌ನಲ್ಲಿ ಕಾಣಿಸಿಕೊಂಡಿದ್ದರು. ಅಲ್ಲಿ ಡಿಕ್ಯಾಪ್ರಿಯೊ ತಮ್ಮ ತಂದೆ ಮತ್ತು ಮಲತಾಯಿಯನ್ನು ಅಲ್ಲಿಗೆ ಊಟಕ್ಕೆ ಕರೆತಂದಿದ್ದರು.
ಈ ನಡುವೆ, ಲಿಯೋನಾರ್ಡೋ ಅವರು ಇನ್ನೊಬ್ಬ ಮಾಡೆಲ್ ಗಿಗಿ ಹಡಿದ್ ಅವರೊಂದಿಗೆ ಕೂಡ ಲಿವ್- ಇನ್‌ ಸಂಬಂಧದಲ್ಲಿದ್ದಾರೆ ಎಂದೂ ವರದಿಯಾಗಿದೆ. ಇಬ್ಬರೂ ಆಗಾಗ ಜತೆಯಾಗಿ ಪ್ರಯಾಣಿಸುವುದು ಕಂಡುಬಂದಿದೆ. ಆದರೆ ಈ ಸಂಬಂಧವನ್ನು ಹೆಚ್ಚು ಮುಂದಕ್ಕೆ ಒಯ್ಯಲು ಇಬ್ಬರೂ ಇಷ್ಟಪಟ್ಟಿಲ್ಲ ಎನ್ನಲಾಗಿದೆ.
ನೀಲಂ ಗಿಲ್ ಅವರು ಇಂಗ್ಲೆಂಡ್‌ನ ವಾರ್ವಿಕ್‌ಷೈರ್‌ ಕೋವೆಂಟ್ರಿಯಲ್ಲಿ ನೆಲೆಸಿರುವ 28 ವರ್ಷದ ಮಾಡೆಲ್. ಏಪ್ರಿಲ್ 27, 1995ರಂದು ಜನಿಸಿರುವ ಅವರ ಪೂರ್ವಜರು ಭಾರತದ ಪಂಜಾಬ್‌ನವರು. Burberry, Abercrombie & Fitch ಮತ್ತಿತರ ಪ್ರತಿಷ್ಠಿತ ಹೆಸರಾಂತ ಬ್ರಾಂಡ್‌ಗಳಿಗೆ ಮಾಡೆಲ್ ಆಗಿ ಕೆಲಸ ಮಾಡಿ ನೀಲಂ ಫ್ಯಾಶನ್ ಉದ್ಯಮದಲ್ಲಿ ಮನ್ನಣೆ ಗಳಿಸಿದ್ದಾರೆ.
ಇದನ್ನೂ ಓದಿ: Yoga Day 2023: ಹಾಲಿವುಡ್-ಬಾಲಿವುಡ್‌ ಸೆಲೆಬ್ರಿಟಿಗಳ ಯೋಗಾಯೋಗ! ಇವರು ಇತರರಿಗೂ ಸ್ಫೂರ್ತಿ