ಬೆಂಗಳೂರು: ಮಾಲಿವುಡ್‌ ನಿರ್ದೇಶಕ ಮನು ಜೇಮ್ಸ್ (Manu James) ಫೆಬ್ರವರಿ 24 ರಂದು ಕೇರಳದ ಎರ್ನಾಕುಲಂನ ಆಲುವಾದಲ್ಲಿನ ಖಾಸಗಿ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದರು. ಅವರ ಅಂತ್ಯಕ್ರಿಯೆ ಫೆಬ್ರವರಿ 26, ಮಧ್ಯಾಹ್ನ 3 ಗಂಟೆಗೆ ಎರ್ನಾಕುಲಂನಲ್ಲಿ ನಡೆಯಿತು. ಅವರಿಗೆ ಕೇವಲ 31 ವರ್ಷ ವಯಸ್ಸಾಗಿತ್ತು. ವೈದ್ಯರ ಪ್ರಕಾರ, ನ್ಯುಮೋನಿಯಾ ಮತ್ತು ಹೆಪಟೈಟಿಸ್‌ನಿಂದ ಚಿಕಿತ್ಸೆ ಫಲಕಾರಿಯಾಗದೇ ಮೃತಪಟ್ಟಿರುವುದಾಗಿ ಹೇಳಿಕೆ ನೀಡಿದ್ದಾರೆ. ಅವರ ಚೊಚ್ಚಲ ನಿರ್ದೇಶನದ ʻನ್ಯಾನ್ಸಿ ರಾಣಿʼ (Nancy Rani) ಸಿನಿಮಾ ಶೀಘ್ರದಲ್ಲೇ ಬಿಡುಗಡೆಯಾಗಲಿದೆ.
ನ್ಯಾನ್ಸಿ ರಾಣಿ ಸಿನಿಮಾ ಇನ್ನೇನು ಕೆಲವೇ ದಿನಗಳಲ್ಲಿ ಚಿತ್ರ ಬಿಡುಗಡೆ ಆಗಲಿದೆ. ಅದಕ್ಕೂ ಮುಂಚೆಯೇ ನಿರ್ದೇಶಕ ನಿಧನರಾಗಿದ್ದಾರೆ. ನಿಧನಕ್ಕೆ ಮಾಲಿವುಡ್‌ ಸಿನಿರಂಗ ಸಂತಾಪ ಸೂಚಿಸಿದೆ. ನಟ ಅಜು ವರ್ಗೀಸ್ ಅವರ ನಿಧನಕ್ಕೆ ಸಂತಾಪ ಸೂಚಿಸಿ, “ತುಂಬಾ ಬೇಗ ಹೋದ ಸಹೋದರ” ಎಂದು ಬರೆದಿದ್ದಾರೆ.
ಮನು ಜೇಮ್ಸ್ ಯಾರು?
ನಿರ್ದೇಶಕ ಸಾಬು ಜೇಮ್ಸ್ ಅವರ ಐ ಆಮ್ ಕ್ಯೂರಿಯಸ್ ಚಿತ್ರದಲ್ಲಿ ಮನು ಬಾಲ ನಟನಾಗಿ ಪದಾರ್ಪಣೆ ಮಾಡಿದರು. ಚಿತ್ರವು 2004 ರಲ್ಲಿ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಯಿತು. ವರ್ಷಗಳ ನಂತರ, ಅವರು ಮಲಯಾಳಂ, ಕನ್ನಡ ಮತ್ತು ಹಿಂದಿಯಲ್ಲಿ ಅನೇಕ ಚಲನಚಿತ್ರಗಳಲ್ಲಿ ಸಹಾಯಕ ಮತ್ತು ಸಹ ನಿರ್ದೇಶಕರಾಗಿ ಕೆಲಸ ಮಾಡಿದರು. ಶ್ರೀನಿವಾಸನ್, ಲಾಲ್, ಲೀನಾ ಮತ್ತು ಇಂದ್ರನ್ಸ್ ಸೇರಿದಂತೆ ಹಿಂದಿನ ನಟರು ಮನು ಜೇಮ್ಸ್ ಅವರಿಗೆ ಶ್ರದ್ಧಾಂಜಲಿ ಸಲ್ಲಿಸಿದರು.