ಬೆಂಗಳೂರು: ಕಾಲಿವುಡ್‌ ಸ್ಟಾರ್ ಅಜಿತ್ ಕುಮಾರ್ (Ajith Kumar) ಬೈಕ್‌ನಲ್ಲಿ ಸ್ಟಂಟ್‌ಗಳನ್ನು ಮಾಡುತ್ತಾ ಇರುತ್ತಾರೆ. ಈ ಹಿಂದೆ ಅಜಿತ್ ಅವರ ಜತೆ ನಟಿ ಮಂಜು ವಾರಿಯರ್ (Manju Warrier) ರೋಡ್‌ ಟ್ರಿಪ್ ಮಾಡಿದ್ದರು. ಕಾಶ್ಮೀರ ಮತ್ತು ಲೇಹ್-ಲಡಾಖ್‌ನಾದ್ಯಂತಹ ದೇಶಕ್ಕೆ ಅಜಿತ್ ಜತೆ ಹೋಗಿದ್ದರು. ಬಂದ ಬಳಿಕ ಐಷಾರಾಮಿ ಬೈಕ್ ಖರೀದಿಸಲು ಬಯಸುವುದಾಗಿ ಹೇಳುತ್ತಿದ್ದರು. ಇದೀಗ ಅವರಿಗೆ ಕಾಲ ಕೂಡಿ ಬಂದಿದೆ. 20ರಿಂದ 25 ಲಕ್ಷ ರೂ. ಬೆಲೆ ಬಾಳುವ BMW GS1250 ಬೈಕ್ ಖರೀದಿಸಿದ್ದಾರೆ.
ಮಂಜು ಅವರು ಕೊಚ್ಚಿಯಲ್ಲಿ ತಮ್ಮ ಹೊಸ ಬಿಎಂಡಬ್ಲ್ಯು ಐಷಾರಾಮಿ ಬೈಕ್ ಅನ್ನು ಕೊಂಡುಕೊಂಡಿರುವ ವೀಡಿಯೊವನ್ನು ಪೋಸ್ಟ್ ಮಾಡಿದ್ದಾರೆ. “ಧೈರ್ಯದ ಒಂದು ಸಣ್ಣ ಹೆಜ್ಜೆ ಇಡಲು ಯಾವಾಗಲೂ ಒಳ್ಳೆಯ ಸ್ಥಳದಿಂದಲೇ ಆಗಬೇಕು. ನನ್ನಂತಹ ಅನೇಕರಿಗೆ ಸ್ಫೂರ್ತಿಯಾಗಿದ್ದಕ್ಕಾಗಿ ಧನ್ಯವಾದಗಳು ಅಜಿತ್ ಸರ್‌ʼʼಎಂದು ಬರೆದುಕೊಂಡಿದ್ದಾರೆ.
ಕಳೆದ ವರ್ಷ ಅಜಿತ್ ಕುಮಾರ್ ಮತ್ತು ಅವರ ಟೀಮ್‌ ಜತೆ ಬೈಕ್ ರೈಡ್‌ ಮಾಡಿದ್ದರು. ಕಳೆದ ತಿಂಗಳು ಡ್ರೈವಿಂಗ್ ಲೈಸೆನ್ಸ್ ಪಡೆದಿದ್ದಾರೆ ಎಂದು ವರದಿಯಾಗಿದೆ. ಇತರ ಸೆಲೆಬ್ರಿಟಿಗಳು ಮಂಜು ವಾರಿಯರ್ ಅವರಿಗೆ ಅಭಿನಂದಿಸಿದ್ದಾರೆ. ಐಶ್ವರ್ಯ ಲಕ್ಷ್ಮಿ, ಭಾವನಾ ಮೆನನ್ ಮತ್ತು ಪಾರ್ವತಿ ಕೂಡ ಈ ಹೊಸ ಸಾಹಸಕ್ಕೆ ಸಾಥ್‌ ನೀಡಿದ್ದಾರೆ.
ಇದನ್ನೂ ಓದಿ: Ajith Kumar | ಅಜಿತ್ ಕುಮಾರ್ ಆ್ಯಕ್ಷನ್‌ ಥ್ರಿಲ್ಲರ್‌ ಸಿನಿಮಾ ʻತುನಿವುʼ ಹೊಸ ಪೋಸ್ಟರ್‌ ಔಟ್‌ !
ಐಷಾರಾಮಿ ಬೈಕ್ ಕೊಂಡ ವಿಡಿಯೊ
ಮೊದಲ ಬೈಕ್ ಟ್ರಿಪ್ ಪೋಸ್ಟ್
ಕಳೆದ ವರ್ಷ ತಾವು ಕೈಗೊಂಡ ಪ್ರವಾಸದ ಬಗ್ಗೆ ಬರೆದುಕೊಂಡಿರುವ ಮಂಜು ವಾರಿಯರ್ ʻʻ”ಅಜಿತ್ ಆ ಗುಂಪಿನಲ್ಲಿರುವ ಎಲ್ಲರಿಗೂ ಸುರಕ್ಷತೆಯಿಂದ ನೋಡಿಕೊಂಡಿದ್ದರು. ನಾನು ಸುಮಾರು 5 ಬಾರಿ ಕೆಳಗೆ ಬಿದ್ದಿದ್ದೇನೆ ಮತ್ತು ಅವರು ನನಗೆ ಕಲಿಸಿದ ಮೊದಲ ಪಾಠ ಏನು ಮಾಡಬೇಕೆಂದು. ನಾವು ಟೆಂಟ್‌ಗಳು, ನಿರ್ಮಾಣ ಹಂತದಲ್ಲಿರುವ ಕಟ್ಟಡಗಳು ಮತ್ತು ಕಾಶ್ಮೀರದ ಸಣ್ಣ ಹೋಟೆಲ್‌ಗಳಲ್ಲಿ ಉಳಿದುಕೊಂಡೆವು ಮತ್ತು ನಾನು ಎಲ್ಲವನ್ನೂ ನಿಜವಾಗಿಯೂ ಆನಂದಿಸಿದೆ. ಸ್ಥಳಗಳಲ್ಲಿ, ಕೆಲವೊಮ್ಮೆ ಆಹಾರವು ಸಿಗದಂತಾಗಿತ್ತು. ಆದರೆ ಅದು ಉತ್ತಮ ಅನುಭವವಾಗಿತ್ತುʼʼಎಂದು ಬರೆದುಕೊಂಡಿದ್ದರು.