ಬೆಂಗಳೂರು: ಸ್ಯಾಂಡಲ್‌ವುಡ್‌ನಲ್ಲಿ ಸಾಲು ಸಾಲು ಸಿನಿಮಾಗಳು ತೆರೆ ಮೇಲೆ ಬರಲು ಸಜ್ಜಾಗಿವೆ. ಹಾಗೇ ಒಂದರ ಮೇಲೊಂದು ಟ್ರೈಲರ್‌, ಟೀಸರ್ ಹಾಗೇ ಪೋಸ್ಟರ್‌ಗಳು ಬಿಡುಗಡೆಗೊಳ್ಳುತ್ತಿವೆ. ಪ್ರೇಕ್ಷಕನಿಗೆ ನಿರೀಕ್ಷೆ ಹುಟ್ಟು ಹಾಕಲು ಚಿತ್ರತಂಡಕ್ಕೆ ಇರುವ ಆಯುಧ ಎಂದರೆ ಅದು ಟೀಸರ್ (Kannada Teaser). ಟೀಸರ್ ನೋಡಿ ಸಿನಿಪ್ರಿಯರು ಸಿನಿಮಾ ಹೇಗಿದೆ ಎಂಬ ಒಂದು ಸಣ್ಣ ಮಟ್ಟದ ಕ್ಲಾರಿಟಿಗೆ ಬಂದು ಬಿಡುತ್ತಾರೆ. ಇತ್ತೀಚೆಗೆ ಬಿಡುಗಡೆಯಾಗುತ್ತಿರುವ ಸಿನಿಮಾಗಳಲ್ಲಿ 24 ಗಂಟೆಯಲ್ಲಿ ಅತಿಹೆಚ್ಚು ವೀಕ್ಷಣೆ ಪಡೆದ ಟೀಸರ್‌ಗಳು ಯಾವುವು ಎಂಬದರ ಬಗ್ಗೆ ಮಾಹಿತಿ ಇಲ್ಲಿದೆ.
ಇತ್ತೀಚಿನ ದಿನಗಳಲ್ಲಿ ಟೀಸರ್ ಅನ್ನು ಸ್ವಲ್ಪ ವಿಭಿನ್ನವಾಗಿಯೇ ಕೊಡಲಾಗುತ್ತಿದೆ. ಇಲ್ಲಿ ಸಂಭಾಷಣೆಗಿಂತ ಅಬ್ಬರದ ಹಿನ್ನೆಲೆ ಸಂಗೀತವನ್ನೇ ಹೆಚ್ಚೆಚ್ಚು ಹೈಲೈಟ್‌ ಮಾಡಲಾಗುತ್ತಿದೆ. ಅಲ್ಲದೆ, ಗ್ರಾಫಿಕ್ಸ್‌ಗೆ ಹೆಚ್ಚಿನ ಒತ್ತು ನೀಡುವ ಮೂಲಕ ಒಂದು ರೀತಿಯ ಕ್ಯೂರಿಯಾಸಿಟಿಯನ್ನು ಹುಟ್ಟುಹಾಕಿದೆ. ಕೆಜಿಎಫ್ ಇದಕ್ಕೆ ಉತ್ತಮ ಉದಾಹರಣೆ ಆಗಿದೆ. ಪ್ರಶಾಂತ್‌ ನೀಲ್‌ ನಿರ್ದೇಶನದ ಕೆಜಿಎಫ್ ಸಿನಿಮಾ ಹೊಸ ಟ್ರೆಂಡ್‌ ಅನ್ನೇ ಹುಟ್ಟುಹಾಕಿತ್ತು. ಕೋಟಿಗಟ್ಟಲೇ ವೀಕ್ಷಣೆ ಪಡೆದು ಬಾಕ್ಸ್‌ ಆಫೀಸ್‌ನಲ್ಲಿ ಕಲೆಕ್ಷನ್‌ ಕೂಡ ಮಾಡಿತ್ತು. ಕೆಜಿಎಫ್ ನಂತರ ಬಂದ ಜೇಮ್ಸ್, 777 ಚಾರ್ಲಿ, ವಿಕ್ರಾಂತ್ ರೋಣ ಹಾಗೂ ಇದೀಗ ಟ್ರೆಂಡಿಂಗ್‌ನಲ್ಲಿರುವ ಕಬ್ಜ ಚಿತ್ರದ ಟೀಸರ್‌ಗಳು ಒಳ್ಳೆಯ ಗುಣಮಟ್ಟದ ಟೀಸರ್‌ಗಳಾಗಿವೆ ಎಂಬ ಮಾತುಗಳು ಗಾಂಧಿನಗರ ಸೇರಿದಂತೆ ಸಿನಿರಸಿಕರ ಬಾಯಲ್ಲಿ ಬರುತ್ತಿದೆ.
ಇದನ್ನೂ ಓದಿ | Shivaji Surathkal-2 | ಹೊಸ ಕೇಸ್ ಹಿಂದೆ ಬಿದ್ದ ಶಿವಾಜಿ ಸುರತ್ಕಲ್: ಟೀಸರ್ ಔಟ್‌!
24 ಗಂಟೆಯಲ್ಲಿ ಅತಿ ಹೆಚ್ಚು ವ್ಯೂವ್ಸ್‌ ಪಡೆದುಕೊಂಡ ಟೀಸರ್?
ದಾಖಲೆ ಬರೆದ ಕೆಜಿಎಫ್-2!
ಯಶ್‌ ಹುಟ್ಟು ಹಬ್ಬದಂದು ʻಕೆಜಿಎಫ್-2ʼ ಸಿನಿಮಾ ಟೀಸರ್ ಬಿಡುಗಡೆ ಮಾಡುವುದಾಗಿ ಚಿತ್ರತಂಡ ಹೇಳಿತ್ತು. ಆದರೆ ಹಿಂದಿನ ದಿನ ಕೆಜಿಎಫ್-2 ಟೀಸರ್ ಲೀಕ್‌ ಆಗಿತ್ತು. ಆ ಕಾರಣ ಒಂದು ದಿನ ಮುಂಚಿತವಾಗಿಯೇ ಸಿನಿಪ್ರಿಯರು ಕಣ್ತುಂಬಿಸಿಕೊಂಡರು. ಎಲ್ಲ ಭಾಷೆಗೂ ಒಂದೇ ಟೀಸರ್ ಬಿಡಗಡೆ ಮಾಡಲಾಗಿತ್ತು. ಟೀಸರ್ ಲೀಕ್‌ ಆಗಿದ್ದರೂ ಸಹ ಯೂಟ್ಯೂಬ್‌ನಲ್ಲಿ ಹೆಚ್ಚು ವೀಕ್ಷಣೆ ಪಡೆದು ದಾಖಲೆ ಮಾಡಿತು. ಮೊದಲ 24 ಗಂಟೆಗಳಲ್ಲಿ ಕೆಜಿಎಫ್ ಸಿನಿಮಾ 10.76 ಕೋಟಿ ವೀಕ್ಷಣೆ ಪಡೆಯಿತು. ಈ ಮೂಲಕ ಟೀಸರ್ ಬಿಡುಗಡೆಯಾದ ಮೊದಲ 24 ಗಂಟೆಗಳಲ್ಲಿ ಅತಿಹೆಚ್ಚು ವೀಕ್ಷಣೆ ಪಡೆದ ಕನ್ನಡದ ಟೀಸರ್ ಎನಿಸಿಕೊಂಡಿದೆ.
ಇದನ್ನೂ ಓದಿ | Kabza Movie | ಇಂದು ರಿಲೀಸ್‌ ಆಗುತ್ತಿದೆ ಕಬ್ಜ ಟೀಸರ್ : ರಾಣಾ ದಗ್ಗುಬಾಟಿ, ಶಿವರಾಜ್ ಕುಮಾರ್ ಸ್ಪೆಷಲ್‌ ಗೆಸ್ಟ್‌!
ಬೇರೆಲ್ಲ ಸಿನಿಮಾಗಳು ಯಾವುದು?
ಕೆಜಿಎಫ್ ಸಿನಿಮಾ ಬಿಟ್ಟರೆ ರಿಯಲ್‌ ಸ್ಟಾರ್‌ ಉಪೇಂದ್ರ ನಟನೆಯ ʻಕಬ್ಜʼ ಸಿನಿಮಾ 24 ಗಂಟೆಗಳಲ್ಲಿ ಅತಿಹೆಚ್ಚು ವೀಕ್ಷಣೆಯನ್ನು ಪಡೆದುಕೊಂಡಿದೆ. ಈ ಟೀಸರ್ ಮೊದಲ 24 ಗಂಟೆಗಳಲ್ಲಿ 1.2 ಕೋಟಿ ವೀಕ್ಷಣೆ ಪಡೆದುಕೊಂಡಿದೆ. ಪುನೀತ್‌ ರಾಜ್‌ಕುಮಾರ್‌ ಅಭಿನಯದ ಜೇಮ್ಸ್ ಸಿನಿಮಾ 1.02 ಕೋಟಿ ವೀಕ್ಷಣೆ ಪಡೆದುಕೊಂಡಿತ್ತು.
ಸಿಂಪಲ್‌ ಸ್ಟಾರ್‌ ರಕ್ಷಿತ್‌ ಶೆಟ್ಟಿ ಅಭಿನಯದ 777 ಚಾರ್ಲಿ ಸಿನಿಮಾದ (ಎಲ್ಲ ಭಾಷೆಗಳು ಸೇರಿ) ಬಿಡುಗಡೆಗೊಂಡ ಮೊದಲ 24 ಗಂಟೆಗಳಲ್ಲಿ ಟೀಸರ್ 1.59 ಕೋಟಿ ವೀಕ್ಷಣೆ ಪಡೆದಿದೆ. ಅದೇ ಕನ್ನಡ ಭಾಷಾ ಟೀಸರ್ ಅನ್ನು 06.5 ಕೋಟಿ ಮಂದಿ ವೀಕ್ಷಣೆ ಮಾಡಿದ್ದರು. ಕಿಚ್ಚ ಸುದೀಪ್‌ ನಟನೆಯ ʻವಿಕ್ರಾಂತ್ ರೋಣʼ 07.5 ಕೋಟಿ ವೀಕ್ಷಣೆ ಪಡೆದಿದೆ.
ಹಲವು ಭಾಷೆಗಳಲ್ಲಿ ರಿಲೀಸ್‌ ಆಗುತ್ತಿವೆ ಟೀಸರ್
ಪ್ಯಾನ್‌ ಇಂಡಿಯಾ ಸಿನಿಮಾಗಳ ಹವಾ ಈಗಾಗಲೇ ಸೃಷ್ಟಿಯಾಗಿದೆ. ಈಗೆಲ್ಲ ಒಂದು ಸಿನಿಮಾ ಟೀಸರ್ ಬಿಟುಗಡೆ ಆಯ್ತು ಅಂದರೆ ಅದರಲ್ಲಿ ಕನ್ನಡ, ತಮಿಳು, ತೆಲುಗು, ಮಲಯಾಳಂ ಹೀಗೆ ಹಲವು ಭಾಷೆಗಳಲ್ಲಿ ಬಿಡುಗಡೆಯಾಗುತ್ತವೆ. ಎಲ್ಲ ಕಡೆಯೂ ಉತ್ತಮ ಪ್ರತಿಕ್ರಿಯೆ ಲಭ್ಯವಾಗುತ್ತಿವೆ. ಕಬ್ಜ, ಕೆಜಿಎಫ್‌ನ ಹಾಗೆ ಎಲ್ಲ ಭಾಷೆಯೂ ಸೇರಿದಂತೆ ಒಂದೇ ಟೀಸರ್ ಬಿಡುಗಡೆ ಮಾಡಿದರೆ, ಅದರಲ್ಲಿ ಜೇಮ್ಸ್, ಚಾರ್ಲಿ ಹಾಗೂ ವಿಕ್ರಾಂತ್ ರೋಣ ಚಿತ್ರಗಳು ವಿವಿಧ ಭಾಷೆಗಳಿಗೆ ಪ್ರತ್ಯೇಕ ಟೀಸರ್‌ಗಳನ್ನು ಬಿಡುಗಡೆ ಮಾಡಿದ್ದವು.
ಇದನ್ನೂ ಓದಿ | Kabza Movie | ರಿಯಲ್‌ ಸ್ಟಾರ್‌ ಉಪೇಂದ್ರ ನಟನೆಯ ಕಬ್ಜ ಚಿತ್ರದ ಟೀಸರ್ ಔಟ್‌: ಭೂಗತ ಲೋಕ ಅನಾವರಣ!