ಮುಂಬೈ: ಬಾಲಿವುಡ್ ನಟ ನವಾಜುದ್ದೀನ್ ಸಿದ್ದಿಕಿ (Nawazuddin Siddiqui) ಹಾಗೂ ಅವರ ಪತ್ನಿ ಆಲಿಯಾ ಜಗಳ ಹಲವು ದಿನಗಳಿಂದ ಸುದ್ದಿಯಲ್ಲಿರುವ ವಿಚಾರ. ನಟನ ವಿರುದ್ಧ ಹಲವಾರು ಆರೋಪಗಳನ್ನು ಅವರ ಪತ್ನಿ ಮಾಡಿದ್ದಾರೆ. ಆದರೆ ಇದೂವರೆಗೆ ಈ ವಿಚಾರದಲ್ಲಿ ಒಂದೂ ಮಾತನಾಡದ ನವಾಜುದ್ದೀನ್ ಇದೀಗ ತಮ್ಮ ಜಗಳದ ವಿಚಾರದಲ್ಲಿ ಬಾಯಿ ಬಿಟ್ಟಿದ್ದಾರೆ.
ಬಾಲಿವುಡ್ ಮಾಧ್ಯಮವೊಂದರ ಜತೆ ನವಾಜುದ್ದೀನ್ ಅವರು ಮಾತನಾಡಿದ್ದಾರೆ. “ನಿಜವಾಗಿ ಹೇಳಬೇಕೆಂದರೆ ನನಗೆ ಈ ವಿಚಾರದಲ್ಲಿ ಏನೂ ಮಾತನಾಡಲು ಇಷ್ಟವಿಲ್ಲ. ಆದರೆ ಈ ಜಗಳದಿಂದಾಗಿ ನನ್ನ ಮಕ್ಕಳ ವಿದ್ಯಾಭ್ಯಾಸಕ್ಕೆ ತೊಂದರೆಯುಂಟಾಗುತ್ತಿದೆ. ನನ್ನ ಮಕ್ಕಳು ದುಬೈನಲ್ಲಿ ಶಾಲೆಗೆ ಹೋಗುತ್ತಿದ್ದಾರೆ. ಆದರೆ ಕಳೆದ ಒಂದು ತಿಂಗಳಿನಿಂದ ಇಲ್ಲಿದ್ದಾರೆ. ನನ್ನ ಒಂದೇ ಒಂದು ಮನವಿ ಎಂದರೆ ಅದು ನನ್ನ ಮಕ್ಕಳು ತೊಂದರೆಯಿಲ್ಲದೆ ಶಾಲೆಗೆ ಹೋಗುವಂತಾಗಬೇಕು. ಅದನ್ನು ಬಿಟ್ಟು ಈ ವಿಚಾರದಲ್ಲಿ ಬೇರೇನನ್ನೂ ಹೇಳುವುದಕ್ಕೆ ನಾನು ಬಯಸುವುದಿಲ್ಲ” ಎಂದಿದ್ದಾರೆ.
ನವಾಜುದ್ದೀನ್ ಅವರ ಪತ್ನಿ ಆಲಿಯಾ ಅವರು ನಟನ ವಿರುದ್ಧ ಸಾಲು ಸಾಲು ಆರೋಪಗಳನ್ನು ಮಾಡಿದ್ದಾರೆ. ತಮ್ಮನ್ನು ಮತ್ತು ತಮ್ಮ ಮಕ್ಕಳನ್ನು ದುಬೈನಲ್ಲಿ ಬಿಟ್ಟು ನವಾಜುದ್ದೀನ್ ಭಾರತಕ್ಕೆ ಬಂದಿದ್ದಾರೆ ಎಂದು ಅವರು ಇತ್ತೀಚೆಗೆ ದೂರಿದ್ದರು.
ಇದನ್ನೂ ಓದಿ: Nawazuddin and Aaliya : ವಿಚ್ಛೇದನ ಪಡೆಯದೆಯೇ ನವಾಜುದ್ದೀನ್‌ರನ್ನು ವರಿಸಿದ್ದರು ಆಲಿಯಾ; ಸ್ಫೋಟಕ ಮಾಹಿತಿ ಬಿಚ್ಚಿಟ್ಟ ವಕೀಲರು