ಆಂಧ್ರಪ್ರದೇಶ : ಕಾಲಿವುಡ್‌ನ ಲೇಡಿ ಸೂಪರ್‌ ಸ್ಟಾರ್‌ ನಯನತಾರಾ ಹಾಗೂ ವಿಘ್ನೇಶ್‌ ಶಿವನ್‌ ಜೂನ್‌ 9 ರಂದು ಚೆನ್ನೈನ ರೆಸಾರ್ಟ್‌ನಲ್ಲಿ ಅದ್ದೂರಿಯಾಗಿ ವಿವಾಹ ಕಾರ್ಯ ನೇರವೇರಿತ್ತು. ಸಿನಿಮಾ ರಂಗದ ಹಲವರು ಭಾಗಿಯಾಗಿ ನವ ಜೋಡಿಗಳಿಗೆ ಶುಭ ಹಾರೈಸಿದರು. ಇಂದು (ಶುಕ್ರವಾರ) ನೂತನ ದಂಪತಿಗಳಾದ ನಯನತಾರಾ ಹಾಗೂ ವಿಘ್ನೇಶ್‌ ಶಿವನ್‌ ತಿರುಪತಿ ತಿರುಮಲಗೆ ಭೇಟಿ ನೀಡಿ ತಿಮ್ಮಪ್ಪನ ದರ್ಶನ ಪಡೆದುಕೊಂಡಿದ್ದಾರೆ.
ನಿನ್ನೆಯಷ್ಟೇ ಈ ಮುದ್ದಾದ ಜೋಡಿ ತಮ್ಮ ಏಳು ವರ್ಷದ ಪ್ರೀತಿಗೆ ಮದುವೆಯ ಮುದ್ರೆ ಒತ್ತಿದ್ದರು. ಅದ್ಧೂರಿಯಾಗಿ ನಡೆದ ಮದುವೆಯಲ್ಲಿ ಬಾಲಿವುಡ್‌ ನಟ ಶಾರುಖ್‌ ಖಾನ್‌, ರಜನಿಕಾಂತ್‌, ಕಾರ್ತಿಕ್‌, ದಳಪತಿ ವಿಜಯ್‌ ಸೇರಿದಂತೆ ಅನೇಕ ಸಿನಿಮಾ ನಟರು ಭಾಗಿಯಾಗಿ ಸಂಭ್ರಮವನ್ನು ಮತ್ತಷ್ಟು ರಂಗೇರಿಸಿದ್ದರು.
ಇದನ್ನು ಓದಿ|Nayanathara Marriage | ಪತಿ ವಿಘ್ನೇಶ್‌ಗೆ ನಯನತಾರಾ ಉಡುಗೊರೆ ನೀಡಿದ ದುಬಾರಿ ಬಂಗಲೆಯ ಬೆಲೆ ಎಷ್ಟು ಗೊತ್ತಾ?
ಸದ್ಯ ಈ ನವ ಜೋಡಿ ಇಂದು (ಶುಕ್ರವಾರ) ಆಂಧ್ರಪ್ರದೇಶದ ಸುಪ್ರಸಿದ್ದ ದೇಗುಲ ತಿರುಪತಿಗೆ ಭೇಟಿ ನೀಡಿದ್ದು, ಶ್ರೀ ವೆಂಕಟೇಶ್ವರ ಸ್ವಾಮಿ ದರ್ಶನವನ್ನು ಪಡೆದುಕೊಂಡಿದ್ದಾರೆ. ನಟಿ ನಯನತಾರ ಹಳದಿ ಹಾಗೂ ಹಸಿರು ಬಾರ್ಡರ್‌ ಇರುವ ರೇಷ್ಮೆ ಸೀರೆಯನ್ನು ಧರಿಸಿದ್ದರೆ, ವಿಘ್ನೇಶ್‌ ಪಂಚೆ ಶಲ್ಯ ಧರಿಸಿ ಸಾಂಪ್ರಾದಾಯಿಕ ಉಡುಗೆಯಲ್ಲಿ ಮಿಂಚಿದ್ದಾರೆ. ಇಬ್ಬರು ಕೂಡ ತಿಮ್ಮಪನ ದರ್ಶನ ಪಡೆದು ಪುನೀತರಾಗಿದ್ದಾರೆ.
ಈ ಹಿಂದೆ ನಯನತಾರ ಹಾಗೂ ವಿಘ್ನೇಶ್‌ ಶಿವನ್‌ ಮದುವೆ ತಿರುಪತಿ ದೇಗುಲದಲ್ಲಿ ನಡೆಸಲಾಗುವುದು ಎಂದು ಹೇಳಲಾಗಿತ್ತು. ಆದರೆ, ಈ ಇಬ್ಬರು ಜೋಡಿ ಕೊನೆ ಘಳಿಗೆಯಲ್ಲಿ ಚೆನ್ನೈನ ಮಹಾಬಲಿಪುರಂನಲ್ಲಿರುವ ಅದ್ಧೂರಿ ರೆಸಾರ್ಟ್‌ನಲ್ಲಿ ವಿವಾಹ ಮಹೋತ್ಸವನ್ನು ಮಾಡಿಕೊಳ್ಳುವುದಾಗಿ ತಿಳಿಸಿದ್ದರು. ಅದರಂತೆ ಭರ್ಜರಿಯಾಗಿಯೇ ಇಬ್ಬರ ಮದುವೆಯೂ ನಡೆಯಿತು. ಸದ್ಯ ನವ ವಧು ವರರು ಇಂದು ತಿಮ್ಮಪ್ಪನ ಸನ್ನಿಧಿಗೆ ಭೇಟಿ ನೀಡಿ ದೇವರ ಆರ್ಶಿವಾದ ಪಡೆದುಕೊಂಡಿದ್ದಾರೆ.
ಇದನ್ನು ಓದಿ| Nayanthara marriage | ವಿಘ್ನೇಶ್‌ ಕೈ ಹಿಡಿದ ನಯನತಾರಾ: ಹರಸಿದ ರಜನಿ, ಶಾರುಖ್‌, ಮಣಿರತ್ನಂ
ಈ ವಾರಾಂತ್ಯದಲ್ಲಿ ನಯನತಾರ ಹಾಗೂ ವಿಘ್ನೇಶ್‌ ಅದ್ಧೂರಿಯಾಗಿ ಅರತಕ್ಷತೆ ಮಾಡಿಕೊಳ್ಳಲು ನಿರ್ಧರಿಸಲಾಗಿದ್ದು, ಅದಕ್ಕಾಗಿ ಸಕಲ ತಯಾರಿ ಮಾಡಿಕೊಳ್ಳಲಾಗುತ್ತಿದೆ. ಮದುವೆಗಿಂತ ಅರತಕ್ಷತೆಯೂ ಭರ್ಜರಿಯಾಗಿರಲಿದೆ. ಅಭಿಮಾನಿಗಳು ಕೂಡ ನೆಚ್ಚಿನ ಜೋಡಿಯ ಅರತಕ್ಷತೆ ಸಮಾರಂಭ ನೋಡಲು ಕಾತರದಿಂದ ಕಾದು ಕುಳಿತಿದ್ದಾರೆ.