ಬೆಂಗಳೂರು: ಅಟ್ಲೀ ನಿರ್ದೇಶನ ಶಾರುಖ್ ನಟನೆಯ ಜವಾನ್ ಸಿನಿಮಾದ ಟ್ರೈಲರ್ (jawan trailer) ಬಿಡುಗಡೆಗೊಂಡಿದ್ದು ಸಾಕಷ್ಟು ಮೆಚ್ಚಿಗೆಗೆ ಪಾತ್ರವಾಗಿದೆ. ನಯನತಾರಾ (Actress Nayanthara) ಶಾರುಖ್ (Sharukh Khan) ಅವರ ಕಾಂಬಿನೇಶನ್‌ಗೆ ಫ್ಯಾನ್ಸ್ ಫಿದಾ ಆಗಿದ್ದಾರೆ. ಅಷ್ಟೇ ಅಲ್ಲದೇ ಇದೀಗ ನಯನತಾರಾ (Nayanthara Instagram) ಎರಡು ಸರ್‌ಪ್ರೈಸ್‌ ಅವರ ಅಭಿಮಾನಿಗಳಿಗೆ ನೀಡಿದ್ದಾರೆ. ದಿಢೀರನೇ ಇನ್‌ಸ್ಟಾಗ್ರಾಂ ಅಕೌಂಟ್ ಓಪನ್ ಮಾಡಿರುವುದು ಅಷ್ಟೇ ಅಲ್ಲದೇ ತಮ್ಮ ಅವಳಿ ಮಕ್ಕಳ ಮುಖವನ್ನು ಪರಿಚಯ ಮಾಡಿಸಿದ್ದಾರೆ. ಹಾಗೇ ನಯನತಾರಾ ಫಾಲೋ ಮಾಡುತ್ತಿರುವ ಏಕೈಕ ನಟ ಶಾರುಖ್ ಖಾನ್.
ಇನ್‌ಸ್ಟಾ ಅಕೌಂಟ್ ಓಪನ್ ಮಾಡಿದ್ಯಾಕೆ?
ಸಾಕಷ್ಟು ವರ್ಷಗಳಿಂದ ನಯನತಾರಾ ಸಿನಿಮಾದ ಪ್ರಚಾರ ಕಾರ್ಯಗಳಲ್ಲಿ ತೊಡಗಿಸಿಕೊಂಡಿಲ್ಲ. ಆಗಸ್ಟ್ 31 ಚೆನ್ನೈನಲ್ಲಿ ನಡೆದ ‘ಜವಾನ್’ ಕಾರ್ಯಕ್ರಮದಲ್ಲೂ ನಯನತಾರಾ ಕಾಣಿಸಿಕೊಂಡಿರಲಿಲ್ಲ. ಶಾರುಖ್ ಖಾನ್, ವಿಜಯ್ ಸೇತುಪತಿ, ಪ್ರಿಯಾಮಣಿ ಅಂತಹ ನಟರು ವೇದಿಕೆ ಮೇಲೆ ಇದ್ದರೂ ಲೇಡಿ ಸೂಪರ್‌ಸ್ಟಾರ್ ಸುಳಿವು ಮಾತ್ರ ಇರಲಿಲ್ಲ. ಆದರೆ, ಮಾರನೇ ದಿನವೇ ಇನ್‌ಸ್ಟಾಗ್ರಾಂ ಅಕೌಂಟ್ ಓಪನ್ ಮಾಡಿ ಮೊದಲ ರೂಲ್ಸ್ ಬ್ರೇಕ್ ಮಾಡಿದ್ದಾರೆ. ಅಷ್ಟೇ ಅಲ್ಲದೇ ಖಾತೆಯಲ್ಲಿ ಮೊದಲ ಬಾರಿಗೆ ತಮ್ಮ ಮಕ್ಕಳ ಫೋಟೊವನ್ನು ರಿವೀಲ್‌ ಮಾಡಿದ್ದಾರೆ.
ಇನ್‌ಸ್ಟಾಗ್ರಾಂನಲ್ಲಿ ‘ಜವಾನ್’ ಸಿನಿಮಾ ಟ್ರೈಲರ್ ಪೋಸ್ಟ್ ಮಾಡಿದ್ದರು. ಆ ಬಳಿಕ ತನ್ನ ಇಬ್ಬರು ಮಕ್ಕಳಾದ ಉಯಿರ್ ಹಾಗೂ ಉಳಗ್ ಜತೆಗಿನ ವಿಡಿಯೋ ಹಾಗೂ ಫೋಟೊವನ್ನು ಶೇರ್ ಮಾಡಿಕೊಂಡಿದ್ದಾರೆ. ಇನ್‌ಸ್ಟಾಗ್ರಾಂ ಅಕೌಂಟ್ ಓಪನ್ ಮಾಡಿದ ಕೆಲವೇ ಗಂಟೆಗಳಲ್ಲಿ 6 ಲಕ್ಕಕ್ಕೂ ಅಧಿಕ ಮಂದಿ ಇವರನ್ನು ಫಾಲೋ ಮಾಡುತ್ತಿದ್ದಾರೆ. ನಯನತಾರಾ ಮೊದಲ ಬಾಲಿವುಡ್ ಸಿನಿಮಾ ‘ಜವಾನ್’ ರಿಲೀಸ್‌ಗೆ ರೆಡಿಯಾಗಿದೆ. ತಮ್ಮ ಸಿನಿಮಾಗಳಿಗೆ ಸಮಸ್ಯೆಗಳು ಎದುರಾಗದೇ ಇರಲಿ ಎಂದು ನಯನತಾರಾ ಇನ್‌ಸ್ಟಾಗ್ರಾಂ ಓಪನ್ ಮಾಡಿದ್ದಾರೆ ಎನ್ನಲಾಗುತ್ತಿದೆ. ಇನ್ನು ಮುಂದಿನ ದಿನಗಳಲ್ಲಿ ಇನ್‌ಸ್ಟಾಗ್ರಾಂನಲ್ಲಿ ನಟಿ ಸಿನಿಮಾ ಪ್ರಚಾರ ಮಾಡುತ್ತಾರೆ ಎಂದು ವರದಿಯಾಗಿದೆ.
ಇದನ್ನೂ ಓದಿ: Jawan Trailer: ಆಲಿಯಾ ಭಟ್‌ಗಾಗಿ ಬೇಡಿಕೆ ಇಟ್ಟ ವಿಲನ್ ಶಾರುಖ್; ʻಜವಾನ್ʼ ಖಡಕ್‌ ಡೈಲಾಗ್‌ಗೆ ಫ್ಯಾನ್ಸ್ ಫಿದಾ!
ಜವಾನ್ ಟ್ರೈಲರ್ ಮೆಚ್ಚುಗೆ
ಶಾರುಖ್ ಖಾನ್ (Shah Rukh Khan ) ಬಹು ನಿರೀಕ್ಷಿತ ಚಿತ್ರ ಜವಾನ್ ಟ್ರೈಲರ್ (Jawan Trailer) ಬಿಡುಗಡೆಯಾಗಿದೆ. ಜವಾನ್ ಟ್ರೈಲರ್‌ನಲ್ಲಿ ಶಾರುಖ್ ಖಾನ್ ಪವರ್‌ಫುಲ್ ಡೈಲಾಗ್ ಕೇಳಿ ಫ್ಯಾನ್ಸ್ ಖುಷ್ ಆಗಿದ್ದಾರೆ. ಇಲ್ಲಿ ನಾನೇ ಹೀರೊ, ನಾನೇ ವಿಲನ್ ಎಂದು ಎಂಟ್ರಿ ಕೊಟ್ಟ ಶಾರುಖ್ ಟ್ರೈನ್ ಹೈಜಾಕ್ ಮಾಡುತ್ತಾರೆ. ನಿನಗೆ ಏನು ಬೇಕು ಎಂದು ಕೇಳಿದ ಅಧಿಕಾರಿಗೆ ಆಲಿಯಾ ಭಟ್ (Alia Bhatt) ಎಂಬ ಖಡಖ್‌ ಡೈಲಾಗ್ ಹೊಡೆಯುತ್ತಾರೆ. ಬಾಲಿವುಡ್ ನಟಿ ಆಲಿಯಾ ಭಟ್ ಹೆಸರು ಜವಾನ್ ಭಾಗವಾಗಿದ್ದು, ಫ್ಯಾನ್ಸ್ ಫಿದಾ ಆಗಿದ್ದಾರೆ.
ವಿಶೇಷವಾಗಿ ಶಾರುಖ್ ಅವರ ʻಪಠಾಣ್ʼ ಸಿನಿಮಾ ಬ್ಲಾಕ್‌ಬಸ್ಟರ್ ಯಶಸ್ಸಿನ ನಂತರ ಜವಾನ್ ಸಿನಿಮಾ ಹೇಗಿರಬಹುದು ಎಂಬ ಕುತೂಹಲ ಅಭಿಮಾನಿಗಳಲ್ಲಿ ಹೆಚ್ಚಾಗಿದೆ. ಪಠಾಣ್ ಜಾಗತಿಕ ಬಾಕ್ಸ್ ಆಫೀಸ್‌ನಲ್ಲಿ 1050 ರೂ. ಕೋಟಿಗಿಂತ ಹೆಚ್ಚು ಗಳಿಕೆ ಕಂಡಿತ್ತು. ದೇಶೀಯ ನಿವ್ವಳ ಬಾಕ್ಸ್ ಆಫೀಸ್‌ನಲ್ಲಿ 524 ಕೋಟಿ ರೂ. ಕಲೆಕ್ಷನ್‌ ಮಾಡಿತ್ತು. ಇದೀಗ ವರದಿಗಳ ಪ್ರಕಾರ ʻಜವಾನ್ʼ ಸಿನಿಮಾ ಮೊದಲ ದಿನದ ಒಟ್ಟು ಎಲ್ಲಾ ಭಾಷೆಗಳಲ್ಲಿ 85 ಕೋಟಿ ರೂ ಕಲೆಕ್ಷನ್‌ ಮಾಡಲಿದೆ ಎಂದು ಟ್ರೇಡ್‌ ವಿಶ್ಲೇಷಕ ತರಣ್ ಆದರ್ಶ್ ಹೇಳಿಕೆ ನೀಡಿದ್ದಾರೆ.