ಬೆಂಗಳೂರು: ರಾಷ್ಟ್ರಪ್ರಶಸ್ತಿ ಪುರಸ್ಕೃತ ನಟ ಸೂರ್ಯ ಸೂರರೈ ಪೊಟ್ರು (Actor Suriya) ಸಿನಿಮಾದ ಭಾರೀ ಯಶಸ್ಸಿನ ನಂತರ ಖ್ಯಾತ ಚಲನಚಿತ್ರ ನಿರ್ಮಾಪಕಿ ಸುಧಾ ಕೊಂಗರ (Sudha Kongara) ಅವರೊಂದಿಗೆ ಮತ್ತೊಮ್ಮೆ ಕೈ ಜೋಡಿಸಲು ಮುಂದಾಗಿದ್ದಾರೆ. ಹೆಸರಿಡದ ʻಸೂರ್ಯ 43ʼ ಸಿನಿಮಾಗೆ (Suriya 43) ಮಲಯಾಳಂನ ನಟಿ ನಜ್ರಿಯಾ ನಜೀಮ್ ಫಹಾದ್ ನಾಯಕಿಯಾಗಿ (Nazriya Nazim Fahadh) ಸೂರ್ಯ ಜತೆ ತೆರೆ ಹಂಚಿಕೊಳ್ಳಲಿದ್ದಾರೆ ಎಂದು ವರದಿಯಾಗಿದೆ.
ಇತ್ತೀಚಿನ ವರದಿಗಳ ಪ್ರಕಾರ, ಸುಧಾ ಕೊಂಗರ ಅವರ ಮುಂಬರುವ ನಿರ್ದೇಶನದ ಸೂರ್ಯ 43 ಸಿನಿಮಾಗೆ ಸೂರ್ಯ ಎದುರು ನಾಯಕಿಯಾಗಿ ನಜ್ರಿಯಾ ನಾಜಿಮ್ ಫಹಾದ್ ಆಯ್ಕೆಯಾಗಿದ್ದಾರೆ ಎನ್ನಲಾಗಿದೆ. ಆದರೆ ಈ ಬಗ್ಗೆ ಚಿತ್ರತಂಡ ಯಾವುದೇ ಮಾಹಿತಿ ಹಂಚಿಕೊಂಡಿಲ್ಲ. ಒಂದು ವೇಳೆ ಈ ಸುದ್ದಿ ನಿಜವಾದರೆ ನಜ್ರಿಯಾ ನಜೀಮ್ ಫಹಾದ್ ಅವರ ಮೊದಲ ತಮಿಳು ಸಿನಿಮಾ ಇದಾಗಲಿದೆ. ಸೂರ್ಯ- ಸುಧಾ ಕೊಂಗರಾ ಕಾಂಬೋ ಸಿನಿಮಾದಲ್ಲಿ ದುಲ್ಕರ್ ಸಲ್ಮಾನ್ ಅತಿಥಿ ಪಾತ್ರದಲ್ಲಿ ನಟಿಸಲು ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ ಎಂತಲೂ ವರದಿ ಇದೆ.
ನಿರ್ದೇಶಕಿ ಸುಧಾ ಕೊಂಗರ ಅವರು ತಮಿಳಿನ ಪ್ರಮುಖ ಮಾಧ್ಯಮದ ಸಂದರ್ಶನದ ವೇಳೆ ಸೂರ್ಯ ಅವರೊಂದಿಗೆ ಹೊಸ ಯೋಜನೆಯನ್ನು ಪ್ರಾರಂಭಿಸುತ್ತಿರುವುದರ ಬಗ್ಗೆ ಬಹಿರಂಗಪಡಿಸಿದ್ದಾರೆ ಎನ್ನಲಾಗಿದೆ. ಇದು ಸೂರರೈ ಪೊಟ್ರು ಸಿನಿಮಾಗಿಂತ ಹೆಚ್ಚು ಚಾಲೆಂಜಿಂಗ್ ಎಂದು ಅವರು ವಿವರಿಸಿದ್ದಾರೆ. ಅಷ್ಟೇ ಅಲ್ಲದೇ ಮೂಲಗಳ ಪ್ರಕಾರ ಈ ಸಿನಿಮಾ ಬಯೋಪಿಕ್ ಅಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ ಎನ್ನಲಾಗಿದೆ. ಇದು ದೊಡ್ಡ ಬಜೆಟ್ ಚಿತ್ರವಾಗಿದ್ದರೂ, ಇನ್ನೂ ಶೀರ್ಷಿಕೆ ಇಟ್ಟಿಲ್ಲ.
ಇದನ್ನೂ ಓದಿ: Actor Suriya: `ರೋಲೆಕ್ಸ್‌’ ಪಾತ್ರದ ಸುಳಿವು ಕೊಟ್ಟ ಸೂರ್ಯ; ಫ್ಯಾನ್ಸ್‌ಗೆ ಗುಡ್‌ ನ್ಯೂಸ್‌!
Nazriya Nazim (Fahad Fasil's Wife) on board for #Suriya43 😎❤️
— Raju Bhai ツ 🦅 (@RajuBhaiKSFC) September 9, 2023
Totally a fresh combo, if it happens then we can see Suriya – Dulquer – Nazriya in one movie 💯#Kanguvapic.twitter.com/Ir374EBBN6
ʻಕಂಗುವʼ ಸಿನಿಮಾ ಮೂಲಕ ಹೊಸ ಅವತಾರದಲ್ಲಿ ಸೂರ್ಯ
2023ರ ಅತಿದೊಡ್ಡ ಬಜೆಟ್ ಚಿತ್ರಗಳಲ್ಲಿ ಒಂದಾದ ‘ಸೂರ್ಯ 42’ ಸಿನಿಮಾ ಚಿತ್ರತಂಡ ಅಂತಿಮವಾಗಿ ಶೀರ್ಷಿಕೆಯನ್ನು ಟೀಸರ್‌ನೊಂದಿಗೆ ಬಿಡುಗಡೆಗೊಳಿಸಿತ್ತು ಚಿತ್ರಕ್ಕೆ ʻಕಂಗುವʼ ಎಂದು ಹೆಸರಿಡಲಾಗಿದೆ. ಕೆ ಜ್ಞಾನವೇಲ್ ರಾಜಾ ನಿರ್ಮಿಸಿರುವ ಕಂಗುವ ಸಿನಿಮಾದಲ್ಲಿ ದಿಶಾ ಪಟಾನಿ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ.
2024ರ ಆರಂಭದಲ್ಲಿ 10 ಭಾಷೆಗಳಲ್ಲಿ ಚಿತ್ರಮಂದರಿಗಳಲ್ಲಿ ಬಿಡುಗಡೆʼʼಎಂದು ಬರೆದುಕೊಂಡಿತ್ತು. ಮೂಲಗಳ ಪ್ರಕಾರ ಈ ಸಿನಿಮಾದಲ್ಲಿ ನಟ ಸೂರ್ಯ ಐದು ಅವತಾರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ವೆಂಕಟೇರ್, ಅರತಾರ್, ಮಂದಾಂಕರ್, ಮುಕಾತಾರ್ ಮತ್ತು ಪೆರುಮಾನಾಥರ್ ಎಂಬ ಐದು ಪಾತ್ರಗಳನ್ನು ನಿರ್ವಹಿಸಲಿದ್ದಾರೆ. ದಿಶಾ ಪಟಾನಿ ಈ ಚಿತ್ರದ ಮೂಲಕ ತಮಿಳಿಗೆ ಪದಾರ್ಪಣೆ ಮಾಡುತ್ತಿದ್ದಾರೆ. ಇದರಲ್ಲಿ ಕೋವೈ ಸರಳಾ, ಯೋಗಿ ಬಾಬು, ಆನಂದ್ ರಾಜ್, ರೆಡಿನ್ ಕಿಂಗ್ಸ್ಲಿ, ರವಿ ರಾಘವೇಂದ್ರ ಮತ್ತು ಇತರರು ಪೋಷಕ ಪಾತ್ರಗಳಲ್ಲಿ ನಟಿಸಿದ್ದಾರೆ.ಈ ಚಿತ್ರವನ್ನು ಸಿರುತೈ ಶಿವ ನಿರ್ದೇಶಿಸಿದ್ದಾರೆ. ರಜನಿಕಾಂತ್ ನಾಯಕತ್ವದ ಆ್ಯಕ್ಷನ್ ಡ್ರಾಮಾ ʻಅಣ್ಣಾತ್ತೆʼ ಸಿನಿಮಾ ಬಳಿಕ ಈ ಸಿನಿಮಾ ಜವಾಬ್ದಾರಿ ಹೊತ್ತುಕೊಂಡಿದ್ದಾರೆ. ಸಿನಿಮಾವನ್ನು 2ಡಿ ಮತ್ತು 3ಡಿಯಲ್ಲಿ ಚಿತ್ರೀಕರಿಸಲಾಗುತ್ತಿದೆ.