ಬೆಂಗಳೂರು: ನೆಟ್ಫ್ಲಿಕ್ಸ್ ಇದೀಗ ಈ ವರ್ಷ ಹೆಚ್ಚು ವೀಕ್ಷಿಸಲ್ಪಟ್ಟ ಶೋ ಬಗ್ಗೆ ಮೊದಲ (Netflix Viewer Data) ಬಾರಿಗೆ ವೀಕ್ಷಕರ ಡೇಟಾವನ್ನು ಹಂಚಿಕೊಂಡಿದೆ. ಪಾಲಿಟಿಕಲ್‌ ಥ್ರಿಲರ್‌ (The political thriller The Night Agent) ದಿ ನೈಟ್ ಏಜೆಂಟ್ ಸಿರೀಸ್‌ ಜಾಗತಿಕವಾಗಿ ಹೆಚ್ಚು ವೀಕ್ಷಿಸಲ್ಪಟ್ಟ ಸಿರೀಸ್‌ ಆಗಿ ಹೊರಹೊಮ್ಮಿದೆ. 812.1 ದಶಲಕ್ಷ (ಮಿಲಿಯನ್‌) ಗಂಟೆಗಳ ವೀಕ್ಷಣೆಯನ್ನು ಕಂಡಿದೆ ಎಂದು ನೆಟ್ಫ್ಲಿಕ್ಸ್ ಹೇಳಿದೆ. ಕೌಟುಂಬಿಕ ನಾಟಕವಾದ ಗಿನ್ನಿ ಆ್ಯಂಡ್‌ ಜಾರ್ಜಿಯಾ (Ginny & Georgia) ಸೀಸನ್ 2 ಮತ್ತು ದಕ್ಷಿಣ ಕೊರಿಯಾದ ಸರಣಿಯಾದ ದಿ ಗ್ಲೋರಿ (The Glory) ಕೂಡ ಅತಿ ಹೆಚ್ಚು ಪ್ರೇಕ್ಷಕರನ್ನು ತಲುಪಿರುವ ಸಿರೀಸ್‌ಗಳು ಎಂದು ವರದಿ ಆಗಿದೆ.
ʻʻಕಳೆದ 16 ವರ್ಷಗಳ ಸ್ಟ್ರೀಮಿಂಗ್‌ನಲ್ಲಿ ಇದೀಗ ಒಂದು ವರ್ಗದ ಜನರು ವೀಕ್ಷಕರ ಡೇಟಾವನ್ನು ಕೇಳುತ್ತಿದ್ದಾರೆ” ಎಂದು ನೆಟ್ಫ್ಲಿಕ್ಸ್ ಸಹ-ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಟೆಡ್ ಸರಂಡೋಸ್ ( Ted Sarandos) ಮಾಧ್ಯಮಕ್ಕೆ ಮಾಹಿತಿ ಹಂಚಿಕೊಂಡರು. ವರ್ಷಗಳವರೆಗೆ, ಇತರ ಪ್ರಮುಖ ಸ್ಟ್ರೀಮಿಂಗ್ ಸೇವೆಗಳೊಂದಿಗೆ ವೀಕ್ಷಕರ ಅಂಕಿಅಂಶಗಳನ್ನು ಬಹಿರಂಗಪಡಿಸಲು ನೆಟ್ಫ್ಲಿಕ್ಸ್ ನಿರಾಕರಿಸಿತ್ತು. ತೀರಾ ಇತ್ತೀಚೆಗೆ, ಬರಹಗಾರರು ಮತ್ತು ನಿರ್ಮಾಪಕರು ನೆಟ್ಫ್ಲಿಕ್ಸ್ ಅನ್ನು ಟೀಕಿಸಿದ್ದರು. ಅತ್ಯಂತ ಯಶಸ್ವಿ ಕಾರ್ಯಕ್ರಮಗಳಿಗೆ ಹೆಚ್ಚು ಪಾವತಿಸುವುದನ್ನು ತಪ್ಪಿಸಲು ಪ್ರೇಕ್ಷಕರ ಡೇಟಾವನ್ನು ಮರೆಮಾಡಲಾಗಿದೆ ಎಂದು ಆಪಾದಿಸಿದರು.
ʻದಿ ನೈಟ್ ಏಜೆಂಟ್ʼ
ʻದಿ ನೈಟ್ ಏಜೆಂಟ್ʼ ಒಂದು ಅಮೇರಿಕನ್ ಆ್ಯಕ್ಷನ್ ಥ್ರಿಲ್ಲರ್ ಸಿರೀಸ್‌ ಆಗಿದೆ. ಶಾನ್ ರಯಾನ್ ರಚಿಸಿದ್ದಾರೆ. ಮುಖ್ಯ ಪಾತ್ರದಲ್ಲಿ ಗೇಬ್ರಿಯಲ್ ಬಾಸ್ಸೊ ನಟಿಸಿದ್ದಾರೆ. ಇದು 2023ರ ಮಾರ್ಚ್ 23ರಂದು ನೆಟ್‌ಫ್ಲಿಕ್ಸ್‌ನಲ್ಲಿ ಪ್ರಥಮ ಪ್ರದರ್ಶನಗೊಂಡಿತು. ಸರಣಿಯು ಮೊದಲ ನಾಲ್ಕು ದಿನಗಳಲ್ಲಿ ನೆಟ್‌ಫ್ಲಿಕ್ಸ್‌ನಲ್ಲಿ ಮೂರನೇ ಅತಿ ಹೆಚ್ಚು ವೀಕ್ಷಿಸಿದ ಚೊಚ್ಚಲ ಸರಣಿಯಾಗಿ ಹೊರಹೊಮ್ಮಿತು. ಒಂದು ವಾರದೊಳಗೆ ಎರಡನೇ ಸೀಸನ್ ಹೊರ ಬಂದಿತ್ತು. ಒಂದು ತಿಂಗಳೊಳಗೆ, ಆರನೇ ಅತಿ ಹೆಚ್ಚು ವೀಕ್ಷಿಸಲ್ಪಟ್ಟ ಸಿರೀಸ್‌ ಆಗಿ ಹೊರಹೊಮ್ಮಿತ್ತು.
ಗಿನ್ನಿ ಆ್ಯಂಡ್‌ ಜಾರ್ಜಿಯಾ
ಗಿನ್ನಿ ಆ್ಯಂಡ್‌ ಜಾರ್ಜಿಯಾ ಎಂಬುದು ಸಾರಾ ಲ್ಯಾಂಪರ್ಟ್ ರಚಿಸಿದ ಅಮೆರಿಕನ್ ಹಾಸ್ಯ-ನಾಟಕ ಸಿರೀಸ್‌. 2021 ಫೆಬ್ರವರಿ 24ರಂದು ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆ ಆಗಿದೆ. ಏಪ್ರಿಲ್ 2021 ರಲ್ಲಿ, ಎರಡನೇ ಸೀಸನ್ ಔಟ್‌ ಆಯಿತು. ಜನವರಿ 5, 2023 ರಂದು ಪ್ರಥಮ ಪ್ರದರ್ಶನಗೊಂಡಿತು. ಮೇ 2023ರಲ್ಲಿ, ಮೂರು ಮತ್ತು ನಾಲ್ಕನೇ ಸಿರೀಸ್‌ ಬಿಡುಗಡೆಗೊಂಡಿತು.
ಇದನ್ನೂ ಓದಿ: Netflix Password: ಭಾರತದಲ್ಲಿ ಇಂದಿನಿಂದ ನೆಟ್ಫ್ಲಿಕ್ಸ್ ಪಾಸ್‌ವರ್ಡ್‌ ಶೇರಿಂಗ್‌ ಅಂತ್ಯ; ಇವರಿಗೆ ಮಾತ್ರ ಶೇರಿಂಗ್‌ ಸಾಧ್ಯ
ಈ ವಾರ ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾಗುತ್ತಿರುವ ಸಿನಿಮಾ, ವೆಬ್‌ ಸರಣಿಗಳು!
- 1670 (ಡಿಸೆಂಬರ್‌ 14), ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾಗಲಿದೆ.
- ಆಸ್‌ ದಿ ಕ್ರೌವ್‌ ಫ್ಲೈಸ್‌ ಸೀಸನ್ 2 (ಡಿಸೆಂಬರ್‌ 14), ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾಗಲಿದೆ.
- ದಿ ಕ್ರೌನ್‌ ಸೀಸನ್ 6 ಪಾರ್ಟ್‌ 2 (ಡಿಸೆಂಬರ್‌ 14), ನೆಟ್ಫ್ಲಿಕ್ಸ್
- ಯು ಯು ಹುಕುಶೊ (ಡಿಸೆಂಬರ್‌ 14), ನೆಟ್ಫ್ಲಿಕ್ಸ್
- ಕರೊಲ್‌ ಆಂಡ್‌ ದಿ ಎಂಡ್‌ ಆಫ್‌ ದಿ ವರ್ಲ್‌ಡ್‌ (ಡಿಸೆಂಬರ್‌ 15), ನೆಟ್ಫ್ಲಿಕ್ಸ್
- ಫ್ಯಾಮಿಲಿಯಾ, (ಡಿಸೆಂಬರ್‌ 15), ನೆಟ್ಫ್ಲಿಕ್ಸ್
- ಯೋ ಕ್ರಿಸ್‌ಮಸ್‌, ಡಿಸೆಂಬರ್‌ 15, ನೆಟ್ಫ್ಲಿಕ್ಸ್