ಬೆಂಗಳೂರು: ಪತಿ ನಿಕ್ ಜೋನಸ್ ಮತ್ತು ಕುಟುಂಬದವರ ಜತೆ ಲಾಸ್ ಏಂಜಲೀಸ್ನಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಪಾಲ್ಗೊಂಡಿದ್ದ ಪ್ರಿಯಾಂಕಾ ಚೋಪ್ರಾ (Priyanka Chopra), ಮಗಳು ಮಾಲತಿಯನ್ನು ಜಗತ್ತಿಗೆ ಪರಿಚಯಿಸಿದ್ದಾರೆ. ಇದೀಗ, ಪ್ರಿಯಾಂಕಾ ಮತ್ತು ನಿಕ್ ಅವರ ಬಾಲ್ಯದ ಮುದ್ದಾದ ಫೋಟೊಗಳಿಗೆ ಮಾಲತಿಯ ಫೋಟೊವನ್ನು ಕೊಲಾಜ್ ಮಾಡಿ ಯಾರ ರೀತಿ ಇದ್ದಾಳೆ ಎಂದು ನೆಟ್ಟಿಗರು ಸೋಷಿಯಲ್‌ ಮೀಡಿಯಾದಲ್ಲಿ ಪೋಸ್ಟ್‌ ಮಾಡಿದ್ದಾರೆ. ಪೋಸ್ಟ್‌ಗೆ ಅಭಿಮಾನಿಗಳು ತರಹೇವಾರಿ ಕಮೆಂಟ್‌ಗಳನ್ನು ಮಾಡಿದ್ದಾರೆ.
ಫ್ಯಾನ್ಸ್‌ ಪೇಜ್‌ನಲ್ಲಿ ಪ್ರಿಯಾಂಕ, ನಿಕ್ ಬಾಲ್ಯದ ಫೋಟೊಗಳ ಕೊಲಾಜ್ ವೈರಲ್!
ಮಗಳು ಮಾಲತಿ ಫೋಟೊ ವೈರಲ್ ಆಗುತ್ತಿದ್ದಂತೆ ಪ್ರಿಯಾಂಕ ಅವರ ಫ್ಯಾನ್ಸ್‌ ಪೇಜ್‌ಗಳು ನಿಕ್ ಮತ್ತು ಪ್ರಿಯಾಂಕಾ ಅವರ ಬಾಲ್ಯದ ಫೋಟೊಗಳನ್ನು ಪೋಸ್ಟ್‌ ಮಾಡಿದ್ದಾರೆ. ಮೊದಲ ಫೋಟೊದಲ್ಲಿ ಪ್ರಿಯಾಂಕಾ ಮತ್ತು ನಿಕ್ ಜತೆಗಿನ ಮಾಲತಿ ಅವರ ಕೊಲಾಜ್ ಆಗಿತ್ತು. ಅಂಬೆಗಾಲಿಡುತ್ತಿರುವ ಪ್ರಿಯಾಂಕಾ, ತಂದೆಯ ಸೈನ್ಯದ ಸಮವಸ್ತ್ರದಲ್ಲಿ ಪೋಸ್ ನೀಡಿದ ಪ್ರಿಯಾಂಕ, ಬೇಬಿ ನಿಕ್ ಹೀಗೆ ಈ ಎಲ್ಲ ಫೋಟೊಗಳಿಗೆ ಮಾಲತಿ ಫೋಟೊ ಜತೆ ಕೊಲಾಜ್ ಮಾಡಿ, ಯಾರ ರೀತಿ ಕಾಣುತ್ತಿದ್ದಾಳೆ ಎಂದು ಕೇಳಿದ್ದಾರೆ ಫ್ಯಾನ್ಸ್‌.
ಇದನ್ನೂ ಓದಿ: Priyanka Chopra: ಪ್ರಿಯಾಂಕಾ ಚೋಪ್ರಾ ಮಗಳ ಫೋಟೋ ವೈರಲ್; ಸಖತ್ ವೈಟ್ ಆ್ಯಂಡ್ ಕ್ಯೂಟ್ ಆಗಿದ್ದಾಳೆ ಮಾಲತಿ ಮೇರಿ
ಹೆಚ್ಚಾಗಿ ಮಾಲತಿ ನಿಕ್ ಅವರನ್ನು ಹೋಲುತ್ತಿದ್ದಾಳೆ ಎಂದು ಕೆಲವರು ಕಮೆಂಟ್‌ ಮಾಡಿದ್ದಾರೆ. ಇನ್ನೊಬ್ಬರು ʻʻಬೇಬಿ ಕಣ್ಣುಗಳು ಪ್ರಿಯಾಂಕಾ ತರಹ ಇದೆʼʼ ಎಂದಿದ್ದಾರೆ. ಮತ್ತೊಬ್ಬರು ʻʻಈಗ ತಂದೆ – ತಾಯಿಯನ್ನು ಹೋಲುತ್ತಿದ್ದಾಳೆ. ಬೆಳೆಯುತ್ತಾ ಹೋದಂತೆ ಚೇಂಜ್‌ ಆಗಬಹುದುʼʼ ಎಂದೂ ಕೆಲವರು ಕಮೆಂಟ್‌ ಮಾಡಿದ್ದಾರೆ.
ಇದನ್ನೂ ಓದಿ: Priyanka Chopra | ಮಗಳ ಜತೆ ಬ್ರಿಟನ್ ಮ್ಯಾಗಜಿನ್‌ಗೆ ಪೋಸ್ ಕೊಟ್ಟ ಪ್ರಿಯಾಂಕಾ ಚೋಪ್ರಾ, ಹೇಗಿದೆ ನೋಡಿ ಫೋಟೊ
ಕೆಲವು ಆರೋಗ್ಯ ಸಮಸ್ಯೆಗಳ ಕಾರಣಕ್ಕೆ ಪ್ರಿಯಾಂಕಾ ಚೋಪ್ರಾ ಬಾಡಿಗೆ ತಾಯ್ತನದ ಮೂಲಕ ಮಗಳನ್ನು ಪಡೆದಿದ್ದಾರೆ. 2018ರಲ್ಲಿ ಮದುವೆಯಾದ ಪ್ರಿಯಾಂಕಾ ಚೋಪ್ರಾ ಮತ್ತು ನಿಕ್ ಜೋನಸ್ 2022ರ ಜನವರಿಯಲ್ಲಿ ತಮಗೆ ಹೆಣ್ಣುಮಗು ಹುಟ್ಟಿದ್ದಾಗಿ ತಿಳಿಸಿದ್ದರು. ಹಾಗೇ, ಬಾಡಿಗೆ ತಾಯ್ತನದ ಮೂಲಕ ಮಗುವನ್ನು ಪಡೆದಿದ್ದಾಗಿಯೂ ಹೇಳಿದ್ದರು. ಈ ಒಂದು ವರ್ಷದಲ್ಲಿ ಪ್ರಿಯಾಂಕಾ ಚೋಪ್ರಾ ಮಗುವನ್ನು ಎತ್ತಿಕೊಂಡಿರುವ ಫೋಟೋಗಳು ವೈರಲ್ ಆಗಿದ್ದರೂ ಕೂಡ ಮಗುವಿನ ಮುಖ ಬಹಿರಂಗವಾಗಿರಲಿಲ್ಲ. ಅಕ್ಟೋಬರ್ನಲ್ಲಿ ಈ ದಂಪತಿ ಪುಟ್ಟ ಮಗಳೊಂದಿಗೆ ಅದ್ಧೂರಿಯಾಗಿ ದೀಪಾವಳಿ ಹಬ್ಬ ಆಚರಿಸಿದ್ದರು. ಇತ್ತೀಚೆಗಷ್ಟೇ ಪ್ರಿಯಾಂಕಾ ಚೋಪ್ರಾ ಬ್ರಿಟನ್ ಮ್ಯಾಗ್ಜಿನ್ವೊಂದಕ್ಕೆ ಪುಟ್ಟ ಮಗಳೊಂದಿಗೆ ಪೋಸ್ ಕೊಟ್ಟಿದ್ದರು. ಆದರೆ ಮಗು ಹೇಗಿದೆ ಎಂಬುದು ಗೊತ್ತಾಗಿರಲಿಲ್ಲ. ಹೀಗಾಗಿ ಅಭಿಮಾನಿಗಳಲ್ಲಿ ಸಹಜವಾಗಿಯೇ ಕುತೂಹಲ ಇತ್ತು.