ಬೆಂಗಳೂರು: ಒಟಿಟಿ ಫ್ಲಾಟ್‌ ಫಾರ್ಮ್‌ ಎಂದಿಗೂ ತನ್ನ ಗ್ರಾಹಕರಿಗೆ ನಿರಾಸೆ ಮಾಡುವುದೇ ಇಲ್ಲ. ಹೊಸ ಹೊಸ ಸಿನಿಮಾ, ಶೋ, ಸಿರೀಸ್‌ಗಳ ಮೂಲಕ ವೀಕ್ಷಕರ ಮನ ತಣಿಸುತ್ತಲೇ ಬಂದಿದೆ. ಈ ವಾರ ಕೂಡ ನೀವು ಬಹು ನಿರೀಕ್ಷಿತ ಶೋ, ಚಲನಚಿತ್ರಗಳನ್ನು ಒಟಿಟಿಯಲ್ಲಿ ನೋಡಬಹುದು (OTT releases). ಆ ಕುರಿತಾದ ವಿವರ ಇಲ್ಲಿದೆ.
ಅಪೂರ್ವ (Apurva), ಡಿಸ್ನಿ+ಹಾಟ್‌ಸ್ಟಾರ್‌
ಟ್ರೇಲರ್‌ನಿಂದಲೇ ಕುತೂಹಲ ಕೆರಳಿಸಿರುವ ಹಿಂದಿ ಚಿತ್ರ ʼಅಪೂರ್ವʼ ನವೆಂಬರ್‌ 15ರಂದು ಡಿಸ್ನಿ + ಹಾಟ್‌ಸ್ಟಾರ್‌ನಲ್ಲಿ ರಿಲೀಸ್‌ ಆಗಿದೆ. ಈ ಥ್ರಿಲ್ಲರ್‌ಗೆ ನಿಖಿಲ್‌ ನಾಗೇಶ್‌ ಭಟ್‌ ಆ್ಯಕ್ಷನ್ ಕಟ್‌ ಹೇಳಿದ್ದಾರೆ. ಅಭಿಷೇಕ್‌ ಬ್ಯಾನರ್ಜಿ, ತಾರಾ ಸುತಾರಿಯಾ, ಧೈರ್ಯ ಕರ್ವಾ ಮತ್ತು ರಾಜ್‌ಪಾಲ್‌ ಯಾದವ್ ಮತ್ತಿತರರು ಮುಖ್ಯ ಪಾತ್ರಗಳಲ್ಲಿದ್ದಾರೆ. ಚಂಬಲ್‌ ಕಣಿವೆಯ ಕಥೆಯನ್ನು ಈ ಚಿತ್ರ ಹೇಳುತ್ತದೆ. ತಾರಾ ಸುತಾರಿಯಾ ಮೊದಲ ಬಾರಿ ಟೈಟಲ್‌ ರೋಲ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.
ಬೆಸ್ಟ್‌. ಕ್ರಿಸ್‌ಮಸ್‌. ಎವರ್‌! (Best. Christmas. Ever!), ನೆಟ್‌ಫ್ಲಿಕ್ಸ್‌
ಈ ಇಂಗ್ಲಿಷ್‌ ಚಿತ್ರ ನವೆಂಬರ್‌ 16ರಿಂದ ನೆಟ್‌ಫ್ಲಿಕ್ಸ್‌ನಲ್ಲಿ ಸ್ಟ್ರೀಮಿಂಗ್‌ ಆಗುತ್ತಿದೆ. ಜಾಕಿಯ ಜೀವನದ ಸುತ್ತ ಈ ಸಿನಿಮಾದ ಕಥೆ ಸಾಗುತ್ತದೆ. ಹೀದರ್ ಗ್ರಹಾಂ, ಜೇಸನ್ ಬಿಗ್ಸ್, ಮ್ಯಾಟ್ ಸೆಡೆನೊ ಮತ್ತು ಬ್ರಾಂಡಿ ನಾರ್‌ವುಡ್ ಮತ್ತಿತರರು ಮುಖ್ಯ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ. ಈ ಕಾಮಿಡಿ ಡ್ರಾಮ ಚಿತ್ರವನ್ನು ಮೇರಿ ಲ್ಯಾಂಬರ್ಟ್ ನಿರ್ದೇಶಿಸಿದ್ದಾರೆ.
ಇನ್‌ ಲವ್‌ ಆ್ಯಂಡ್‌ ಡೀಪ್‌ ವಾಟರ್‌ (In Love and Deep Water), ನೆಟ್‌ಫ್ಲಿಕ್ಸ್‌
ನೆಟ್‌ಫ್ಲಿಕ್ಸ್‌ನಲ್ಲಿ ನವೆಂಬರ್‌ 16ರಿಂದ ಪ್ರಸಾರವಾಗುತ್ತಿರುವ ಇನ್ನೊಂದು ಚಿತ್ರ ಇದು. ಜಪಾನಿನ ಪ್ರಸಿದ್ಧ ಬರಹಗಾರ ಯುಜಿ ಸಕಾಮೊಟೊ ರಚಿಸಿದ ಪ್ರಣಯ ಮತ್ತು ರಹಸ್ಯದ ಮಿಶ್ರಣವನ್ನೊಳಗೊಂಡ ಕಥೆಯ ಸಿನಿಮಾ ರೂಪ ಇದು. ಹಡಗೊಂದರಲ್ಲಿ ಈ ಚಿತ್ರದ ಕಥೆ ಸಾಗುತ್ತದೆ. ತಾರಾಗಣದಲ್ಲಿ ಯೋಹ್ ಯೋಶಿಡಾ, ರಿಂಕೊ ಕಿಕುಚಿ, ಕೆಂಟೊ ನಾಗಯಾಮಾ, ಯೂಕಿ ಇಜುಮಿಸಾವಾ, ಅಜು ಮಕಿಟಾ, ಅಮಾನೆ ಒಕಾಯಾಮಾ, ಯೋಶಿಮಾಸಾ ಕೊಂಡೋ, ಟೊಮು ಮಿಯಾಝಾಕಿ, ತಕಾಶಿ ಒಕಾಬೆ, ಯುನ್ಹೋ, ನಹಾನಾ, ರುಮಿಕಾ ಒಗೈ ಮತ್ತಿತರರಿದ್ದಾರೆ.
ದಿ ಕ್ರೌನ್‌ ಸೀಸನ್‌ 6 ಪಾರ್ಟ್‌ 1(The Crown Season 6 Part 1), ನೆಟ್‌ಫ್ಲಿಕ್ಸ್‌
ಇಂಗ್ಲೆಂಡ್‌ನ ಜನಪ್ರಿಯ ರಾಜಕುಮಾರಿ ದಿ. ಡಯಾನಾ ಜೀವನದ ಮೇಲೆ ಬೆಳಕು ಚೆಲ್ಲುವ ʼದಿ ಕ್ರೌನ್‌ ಸೀಸನ್‌ 6ʼರ ಮೊದಲ ಪಾರ್ಟ್‌ ನೆಟ್‌ಫ್ಲಿಕ್ಸ್‌ನಲ್ಲಿ ನವೆಂಬರ್‌ 16ರಂದು ತೆರೆ ಕಂಡಿದೆ. ರಾಜಕುಮಾರಿ ಡಯಾನಾ ಮತ್ತು ದೋಡಿ ಫಯೇದ್ ನಡುವಿನ ಪ್ರಣಯವನ್ನು ಇದು ನಿರೂಪಿಸುತ್ತದೆ. ಎಲಿಜಬೆತ್ ಡೆಬಿಕಿ, ಇಮೆಲ್ಡಾ ಸ್ಟಾಂಟನ್, ಜೊನಾಥನ್ ಪ್ರೈಸ್, ಲೆಸ್ಲಿ ಮ್ಯಾನ್ವಿಲ್ಲೆ, ಡೊಮಿನಿಕ್ ವೆಸ್ಟ್ ಮತ್ತಿತರರು ನಟಿಸಿದ್ದಾರೆ.
ಬಿಲೀವರ್‌ 2 (Believer 2), ನೆಟ್‌ಫ್ಲಿಕ್ಸ್‌
ನೆಟ್‌ಫ್ಲಿಕ್ಸ್‌ನಲ್ಲಿ ನವೆಂಬರ್‌ 17ರಂದು ತೆರೆ ಕಾಣಲಿರುವ ಚಿತ್ರ ʼಬಿಲೀವರ್‌ 2ʼ. ದಕ್ಷಿಣ ಕೊರಿಯಾದ ಆ್ಯಕ್ಷನ್ ಕ್ರೈಮ್ ಚಿತ್ರವಾದ ಇದನ್ನು ಬೇಕ್ ಜಾಂಗ್-ಯುಲ್ ನಿರ್ದೇಶಿಸಿದ್ದಾರೆ. ಚೋ ಜಿನ್-ವೂಂಗ್, ಚಾ ಸೆಯುಂಗ್-ವೊನ್, ಹಾನ್ ಹ್ಯೋ-ಜೂ, ಓಹ್ ಸೆಯುಂಗ್-ಹೂನ್ ಮತ್ತಿತರರು ಪ್ರಧಾನ ಪಾತ್ರ ನಿರ್ವಹಿಸಿದ್ದಾರೆ.
ಮೊನಾರ್ಕ್‌: ಲೆಗಸ್ಸಿ ಆಫ್‌ ಮಾನ್‌ಸ್ಟರ್ಸ್‌ (Monarch: Legacy of Monsters), ಆ್ಯಪಲ್‌ ಟಿವಿ+
ಆ್ಯಪಲ್‌ ಟಿವಿ+ನಲ್ಲಿ ನವೆಂಬರ್‌ 17ರಿಂದ ಪ್ರಸಾರವಾಗಲಿರುವ ಅಮೇರಿಕನ್‌ ಟಿವಿ ಸಿರೀಸ್‌ ಇದು. ಈ ಆ್ಯಕ್ಷನ್, ಸೈನ್ಸ್‌ ಫಿಕ್ಷನ್‌ನಲ್ಲಿ ಅಣ್ಣಾ ಸವಾಯಿ, ಕೀರ್ಸಿ ಕ್ಲೆಮನ್ಸ್, ರೆನ್ ವಟಾಬೆ, ಮಾರಿ ಯಮಮೊಟೊ ಮತ್ತಿತರರು ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ.
ರುಸ್ಟಿನ್ (Rustin), ನೆಟ್‌ಫ್ಲಿಕ್‌
ಅಮೇರಿಕದ ನಾಗರಿಕ ಹಕ್ಕುಗಳ ಕಾರ್ಯಕರ್ತ ಬೇಯಾರ್ಡ್ ರುಸ್ಟಿನ್ ಅವರ ಬಯೋಪಿಕ್‌ ʼರುಸ್ಟಿನ್ʼ. ಜಾರ್ಜ್ ಸಿ. ವೋಲ್ಫ್ ನಿರ್ದೇಶನದ ಈ ಚಿತ್ರದಲ್ಲಿ ಕೋಲ್ಮನ್ ಡೊಮಿಂಗೊ, ಕ್ರಿಸ್ ರಾಕ್, ಜೆಫ್ರಿ ರೈಟ್, ಆಡ್ರಾ ಮೆಕ್ಡೊನಾಲ್ಡ್ ಅಭಿನಯಿಸಿದ್ದಾರೆ. ಈ ಇಂಗ್ಲಿಷ್‌ ಚಿತ್ರ ನೆಟ್‌ಫ್ಲಿಕ್ಸ್‌ನಲ್ಲಿ ನವೆಂಬರ್‌ 17ರಿಂದ ವೀಕ್ಷಣೆಗೆ ಲಭ್ಯ.
ಸ್ಕಾಟ್ ಪಿಲ್ಗ್ರಿಮ್ ಟೇಕ್ಸ್‌ ಆಫ್‌ (Scott Pilgrim Takes Off), ನೆಟ್‌ಫ್ಲಿಕ್ಸ್‌
ನೆಟ್‌ಫ್ಲಿಕ್ಸ್‌ನಲ್ಲಿ ನವೆಂಬರ್‌ 17ರಿಂದ ವೀಕ್ಷಣೆಗೆ ಲಭ್ಯವಿರುವ ಇನ್ನೊಂದು ಟಿವಿ ಸೀರಿಸ್‌ ಇದು. ಆ್ಯನಿಮೇಷನ್‌ ಆಧಾರಿತ ಈ ಶೋ ಮಕ್ಕಳ ಗಮನ ಸೆಳೆಯಲಿದೆ. ಈ ಸರಣಿಯು ಓ’ಮ್ಯಾಲೆ ಬರೆದು ಚಿತ್ರಿಸಿದ ಸ್ಕಾಟ್ ಪಿಲ್ಗ್ರಿಮ್ ಗ್ರಾಫಿಕ್ ಕಾದಂಬರಿಗಳನ್ನು ಆಧರಿಸಿದೆ.
ಸುಖೀ (Sukhee), ನೆಟ್‌ಫ್ಲಿಕ್ಸ್‌
ಬಹುದಿನಗಳ ಬಳಿಕ ಬಾಲಿವುಡ್‌ ತಾರೆ ಶಿಲ್ಪಾ ಶೆಟ್ಟಿ ತೆರೆ ಮೇಲೆ ಕಾಣಿಕೊಂಡ ಹಿಂದಿ ಚಿತ್ರ ʼಸುಖೀʼ ನವೆಂಬರ್‌ 17ರಿಂದ ನೆಟ್‌ಫ್ಲಿಕ್ಸ್‌ನಲ್ಲಿ ಲಭ್ಯ. ಪಂಜಾಬಿ ಗೃಹಿಣಿ ಸುಖ್‌ಪ್ರೀತ್‌ (ಸುಖೀ) ಪಾತ್ರದಲ್ಲಿ ಶಿಲ್ಪಾ ಶೆಟ್ಟಿ ಅಭಿನಯಿಸಿದ್ದಾರೆ. ಸೋನಲ್‌ ಜೋಷಿ ನಿರ್ದೇಶನದ ಈ ಚಿತ್ರದಲ್ಲಿ ಅಮಿತ್ ಸಾಧ್, ದಿಲ್ನಾಜ್ ಇರಾನಿ, ಕುಶ ಕಪಿಲ, ಪಾವ್ಲೀನ್ ಗುಜ್ರಾಲ್ ಮತ್ತಿತರರು ನಟಿಸಿದ್ದಾರೆ.
ದಿ ರೈಲ್ವೇ ಮೆನ್‌ (The Railway Men), ನೆಟ್‌ಫ್ಲಿಕ್ಸ್‌
ನೆಟ್‌ಫ್ಲಿಕ್ಸ್‌ನಲ್ಲಿ ನವೆಂಬರ್‌ 18ರಿಂದ ʼದಿ ರೈಲ್ವೇ ಮೆನ್‌ʼ ಟಿವಿ ಶೋ ಪ್ರಸಾರವಾಗಲಿದೆ. ಆರ್‌.ಮಾಧವನ್‌, ಕೆ.ಕೆ.ಮೆನನ್‌, ದಿವ್ಯೇಂದು, ಬಬಿಲ್‌ ಖಾನ್‌ ಮತ್ತಿತರರು ಮುಖ್ಯ ಪಾತ್ರದಲ್ಲಿ ನಟಿಸಿದ್ದು, 1984ರ ಭೋಪಾಲ್ ಅನಿಲ ದುರಂತದ ಚಿತ್ರಣ ತೆರೆದಿಡಲಿದೆ. ಕೈಗಾರಿಕಾ ದುರಂತದ ಸಮಯದಲ್ಲಿ ಹಲವಾರು ಜೀವಗಳನ್ನು ಉಳಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದ ರೈಲ್ವೆ ಉದ್ಯೋಗಿಗಳ ವೀರೋಚಿತ ಸಾಹಸವನ್ನು ಇದು ತಿಳಿಸುತ್ತದೆ.
ಇದನ್ನೂ ಓದಿ: Katrina Kaif: ʻಮೆರ‍್ರಿ ಕ್ರಿಸ್‌ಮಸ್‌ʼ ಸಿನಿಮಾ ಮತ್ತೆ ಮಂದೂಡಿಕೆ; ರಿಲೀಸ್‌ ಡೇಟ್‌ ರಿವೀಲ್‌!
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ